^.قصتـــــ في هذي الحياااة ــــي .^

بسم الله الرحمن الرحيم

السلام عليكم ورحمة الله وبركاته

موضوع يجوول في خااااطري حبيت انكم تشااااركوني

كلنا يعرف انه يمر في هذي الحيااااة من

قلوووب :: عاشت الحياة بمعانيها .. و أيامها …

حنين و عذاب و ألم و أمل ..

و قلوووب :: تبحر طهرا في منابع الوفاء..

و نبضاتها تترنم صفاء و نقاء..

من ( قصص ومواقف ^^ محزنهـ – ومفرحهـ – محرجهـ إلى الأخرى …

اتمنى اللي يدخل يرد ولو بقصة قصيرة سوى كانت بالفصحى أو العاميهـ .

اتمنى من اعضااااااء المنتدى والزائرين ان يكتبوا

عن تجااااركم الشخصية او تجاااارب اي احد ممن

تعرفون واتمنى كذلك لا تعتمد ع النقل من المواقع

والمنتديات الأخرى …

احب أن أقرأ عن التجارب الشخصية التي حصلت لكم

الملك سأل الشعب .. سؤال وقال اللي يجاوب عليه صح ..!!

راح اعطيه فلووس مرة كثيير وكل شي يبغاه

والسؤال هو

ايش اكثر شي وايش اكبر شي ..؟؟؟؟

راح الخادم .. على بيته وقاعد يفكر ..

جته بنته .. وقالت : ايش فيك ؟؟

قام قالها : الملك اليوم سأل الشعب سوال وقال اللي يجاوب عليه ..
راح يعطيه فلوس وكل اللي يبغاه وانا مو عارف الإجابة..

البنت : ايش هو السؤال ..؟؟

الخادم : ايش اكثر شي وايش اكبر شي ..؟؟

البنت : روح عند الملك وقله اكبر شي ارضك واكثر شي مالك ..

راح الخادم عند الملك وقاله : ياملك انا لقيت اجابة لسؤالك ..

قال الملك : تفضل ..

الخادم : اكثر شي مالك وا أكبر شي ارضك ..

الملك : مين قلك الإجابة ..؟؟؟

الخادم : بنتي ..

الملك : طيب روح قلها ..

لابسة ومهي لابسة..

ماشية ومهي ماشية ..

هدية ولا مو هدية ؟؟؟

الخادم راح عند بنته وقالها .. : الملك يقولك
لابسة ومهي لابسة..

ماشية ومهي ماشية ..

هدية ولا مو هدية ؟؟؟

البنت : طيب روح جيب لي شبكة .. وغنمة .. ولحمة ..

استغرب الأب الخادم من الطلبات بس راح وجابها ..

لبست البنت الشبكة وركبت الغنمة .. ومسكة اللحمة وراحت ودخلت عند الملك ..

وقالت : ياملك .. انا لابسة شبكة ومو لابسة ..

وماشية بس مو على رجولي على غنمة..

وهذي لحمة انت تعتبرها هدية ولا مو هدية..

الملك .. اعجب بذكاء البنت وقالها تتزوجيني؟؟

اتزوجت بنت الخادم الملك .. وعاشو في سبات ونبات .. وخلفوا صبيان وبنات

المهم ….

بعد سنين .. كان في خادم من الخدم اعطاه الملك حصان هدية ..

وفي يوم نام الخادم ونسي انه يأكل الحصان قام هاج الحصان ..

فجاه الملك وطرد الخادم وقاله هات الحصان ورووح..

راح الخادم وهو زعلااان ..

المهم شافته الملكة .. وقالتله ايش فيك ..

قالها: الملك طردني واخذ مني الحصان..

قامت قالتله: خذ صنارة واقعد اصطاد بالحديقة على العشب

ولو جاك الملك وقالك ايش تسوي قله اذا انت مارزقتني يمكن ربي يرزقني..

سوا الخادم زي ماقالتله الملكة ..

جاه الملك .. وقاله ايش قاعد تسوي..؟؟

الخادم : اذا انت مارزقتني يمكن ربي يرزقني..

قام الملك قاله : مين قلك تقول كذا.

الخادم : الملكة..

عصب الملك .. وطفش من ذكاء البنت ..

وراحل ا .. وقالها : شوفي يابنت الناس .. لمي اغراضك .. ورحي على بيت اهلك .. بس قبل ماتروحي .. سويلي شاي .. وخذي اغلى شي عندك

المهم .. قامت البنت سوتله شاي وحطتله فيه

منوم

المهم صحي الملك .. ولقى نفسه في بيت الخادم ( ابوالبنت )

قام قال :: ايش اللي جابني هنا ..!!!!!

البنت : مو انت قلت لي روحي بيت اهلك وخذي اغلى شي عندك ..!!

وانت اغلى شي عندي وسلامتكم ,,

ها أعتقد كانت رائـــــــــــــــعه

هذه القصه