صديقتي وحالتها النفسية

السلام عليكم ورحمة الله وبركاتــه
سأبدا بلا مقدمات ولإن المشكلة شوي طويلة .. المشكله مع صديقتي
انا احبها واعزها واعتبرها كأخت لي إلا انني انا وياها مو كثير مع بعض وهي تروح مع صاحباتها وانا مع صاحباتي إلا اننا نكلم بعض المهم عندها حساب بالتويتر اكثر من 8 شهور إلى 9 شهور تعرفت على بنت وهاذي البنت تتكلم معاها ومرة قالت لها صديقتي انتي بنت صح؟ قالت لا انا مو بنت !! وصديقتي تحسب انها من البداية صديقتها وتقول صديقتي لي انا اعتبره اخ لا اكثر وهو يشكي لي وانا اشكي له ومرة من المرات قالت انا بكلمه واشوف قلت طيب كلمته صديقتي وتمادا هذا الشي وصار بدال اخوه ( حبايب ) وقعدوا يتكلموا مع بعض 6 شهور تقريباً وهي تعلقت فيه وهو مو عارف دنياه وين ولا يحبها ولا شي !! ويوم من الايام قال هالولد كلميني سكايب قالت لا قال كلميني انا احبك ومن هالكلام صصديقتي وافقت وتكلموا مع بعض وكان فيه واحد جنبه يقول له قول كذا وقول كذا ( يلعبون عليها ) صديقتي تحببه ححب مو طبيعي قالت لصاحباتها وانا قلت لا تقولين لهم ورحت قالت لهم كل شي وصاحباتها راحوا يقولون للبنات كوللللللههههمم والمدرسة الحين كلها تعرف انها حقت ( شباب ) على قولتهم شي يقهر وينادونها ويضحكون عليها ( مو معاها ) !! صديقتي صارت تجي وتبكي عندنا انا وصاحباتي ونقول خلاص م عليك منهم !! وهذا الولد قالت له السالفه قالت لها خليك منهم ماعليك انا احبك ( كذب × كذب ) ققالت اوك خلاص وبعدين صديقتها راحت ضافته وطلع انه في الجاامعه مو الثنوي !!! وهو يقول انا في الثنوي وصديقتي ( متوسطة ) وطلع عسكري واسمه مو الللي قاله لصديقتي !! صديقتي راحت قالت له ليش تكذب علي؟ قال غيري السالفه !! وصديقتي غيرتها لانها م تحب ( تضايقه ) للاسفف !! وتهاوشوا هي وياه وسب فيها للين م قال ببسسسس وقبل كان يقول لها جيبي صوركك خل اشوف ( حبيبتي ) وصديققتي حالتها النفسيه لا تعليق تببككي بسس ومو قادرة تنساه ابداً والطالبات صاروا يتمادوا اكثر قلت لها الهي نفسك لما تفكري فيه تقول ما ( اقدر ) تكفون نبي حل والله حالتها تسوا بعد ماضحك عليها ويحزن شكلها ويقطع القلب تكففون ساعدونا :((((

بمجر قالها احبك ع طول وافقت تكلمه وهذا اكبر دليل ع كذبه ولعبه واكيد انه يلعب ع غيرها

اللحين حلو انها تخلصت وحلو انها ماارسلت له صورها وصار وضعها تمام كل ماعليك اللحين انك تقنعينها ان اللي راح راح وتحاول تتقرب لربي وتردد هذا الدعاء اللهم اعصم قلبي فلاتجعل فيه احد غيرك وتكون قويه امام عواطفها،،

وصدقيني مع الايام راح تنسى وراح تكون ف طي النسيان

اما البنات اللي عرفوا بقصة صديقتك لازم صديقتك وانتي توضحون لهم ان العلاقه انتهت وانها كانت غلطانه ومستحيل ترجع لهذا الطريق حتى تتحسن صورتها قدامهم وتحاول تبين انها قويه واهم شي نيتها سليمه ،،

المسأله جدا بسيطه بس يبي لكم حسن تصرف مع البنات وصديقتك كلها ايام وبتنساه وتكون حذره ف كل تعامل ف النت لانها سريعة التعلق،،