السلام عليكم
احكي لكم القصة اولا ،،
السنة الماضية صديقتي كانت تحب معلمة الانجليزي كثير ( و أم صديقتي و المعلمة يعني يعرفو بعض وكذا ،،) صديقتي تحب المعلمه كثيييير لدرجة انها تعرف اخواتها و وين ساكنين و تعرف حسابها حق الانستقرام و متابعتها فيه و كثيير اشياء ،،
و المعلمة كانت دايما معها طييييييبة و كانت تسالها عن اخواتها ( اخوات صديقتي ) و تقولها كيف امك و شخبارها و من هذا القبيل ،،
هاذي السنه انقلب كل شي فوق بعضه البعض ،،
المعلمة صارت تكره صديقتي و صديقتي تكره المعلمة ،،
يعني مثلا اذا صديقتي كتبت في الدفتر بقلم الرصاص ، الاستاذة تصرخ فوجهها امام الطالبات وتقول لها يعني : ليش تكتبي بالرصاص !! انتي الحين ثالث اعدادي مب صف الاول ولا لازم نقول انه تكتبو بقلم الحبر 
.؟؟
( و لو اي طالبة غير كتبت بالرصاص ما تكلمها و لا تقول لها شي !! )
و دايما تتكرر مثل هالمواقف
و مره كنا نحل في الكتيب يعني اسئلة عادية و نحلها و ما عليها درجات
و كانت صديقتي تقرأ السؤال ، فجات الاستاذة جنبها و قالت : فلانه ايش تتنتظري يلا حلي بسرعة ما في وقت ، بس كذا تشوفي على الورقة ؟؟ او تتنظري فلانه ( صديقتي الثانية ) تحل علشان تغشي منها ..
و صديقتي ما استحملت و قالت لها بصوت عالي شوي : لا انا فاهمه و بحل بنفسي !!
و من يومها صديقتي صارت تلعن المعلمة و تدعي عليها و تقول : يعني ايش فيها علي انا بالذات من الصف كامل ويش سويت لها انا ما عدوتها ما اكلت من حلال ابوها شفيها علي
؟
والله دايما تحرجها و صديقتي الدموع في عيونها و صارت دايما تتحسب عليها ووو
و لما ننصحها و نقول لها بس لا تدعي عليها ما زين
ما يعجبها و تزعل علينا 
انا احس فيها بس كيف اقول لها ان هذا الي تسويه غلط ..
و صح ترا المعلمة هذي السنه (حملت ) هل ممكن يكون السبب ..!!
و شكرآ 
مافي افضل من الصراحه لتسالها ليه تعاملها كذا وليه تغيرت
المشكلة ان صديقتي صارت تكرهها كره العمى !!
يعني اذا جلسنا انا و شلة البنات و اح جاب طاريها ، صديقتي بتقوم و بتروح عنا لين نخلص كلامنا !!
و لما الاستاذة تغيب و ما تحضر الحصه تحمد ربها و تشكره
و علما ان صديقتي السنوات الماضية كانت متفوقه في مادة الانجليزي و هاذي السنة انخفض مستواها كثير بعد معاملة الاستاذة لها بهاذا الشكل ،،
و الاستاذة ما تريد تقابل صديقتي وجه لوجه خارج الحصه يعني بصعوبة يستحملو بعض في الحصص
و صارت صديقتي تحس الثواني و الدقائق عشان تخلص الحصة ما تقدر تستحمل و جود الاستاذة
اكيد في سبب لهذا التغير
ممكن حد من الادارة قال للمعلمة انتي تميزي هذه البنت
عن باقي البنات
فقامت المعلمة
تعتمد اسلوب الشد عليها لا اكثر
( اقصد زيها زي باقي الفصل )
مجرد رأي
ممكن تكون مشكله بين المعلمه وام زميلتك