صح الشمالي صدره أوسع من الكون ** بس إنتبه لاضاق صدر الشمالي
وصح انك الغالي وانـا فيـك مجنـون ** بس انت ماقدرت من قـال غالـي
خيبـت هقـوات ٍ كثيـرات وظـنـون ** وأخلفـت ماكـان بخيـالـي وبـالـي
وخليت كـل النـاس عنـدي يقولـون ** مسكين يمشي بالهوى دون والـي
والناس ناس وأكثر الخلق يـدرون ** باللي معك صايـر وماقـد مضالـي
كم قلت لـك لاتفعـل اللـي يسـووون ** خلك معـى مخلـص بـأول وتالـي
كم قلت لك إترك هل الهـرج يحكـون ** وأرفـع مقـام الحـب دايـم بعـالـي
لأن الهـوى مبـدا وحكمـه وقـانـون ** شي ٍ كبير وشي .. شـي ٍ مثالـي
الله لو تـدري اليـا غبـت وشلـون ** حالي اليا من غبت وشلون حالـي
لارحت ضلعي من عنا البعـد محـزون ** حتى منامـي لاحشـا ماهنالـي
وإن جيتنـي دمـي وروحـي يغـنـون ** رقصة غلا من بعـد طـول إنشغالـي
واليـوم مانـي فيـك مغـرم ومفتـون ** اليوم أنا فـي غيبتـك صـرت سالـي
مالك ومالي .. ماانـتْ للخافـق تمـون ** وان قلت ليه. اقول : مالـك ومالـي
وأكيد لـك رجعـه وأنـا اكيـد بكـون ** أحرقـت صفحاتـك ولا لـك تـوالـي
وبسّمعك أحلام لاجـرت لحـون ** وش ذكـرك حـب ٍ طوتـه الليالـي
نعـم طويتـك والغـلا مـات مطعـون ** حتـى خيـالـك بقتـلـه لاطـرالـي
ملعـون أبـو قلبـي إذا جـاك ملعـون ** وأنـا معـرب مـن عمـام وخـوالـي
انا شمالي صدري اوسـع مـن الكـون ** بس انت ماخليت صـدري شمالـي
للشاعر : خلف المشعان العنزي
أكـــآليل الجوري لـــكل من مرت من هـــنــآ ~
| صح الشمالي صدره أوسع من الكون ** بس إنتبه لاضاق صدر الشمالي وصح انك الغالي وانـا فيـك مجنـون ** بس انت ماقدرت من قـال غالـي |
ونعم بالشمال وأهلها ’’
سلمت يمين اللي كتبها ’’واللي نقلتها ’’
من أجمل الأبيات التي قرأتها ’,,
//تقيم’’
جنـ وـوـون
إبدااااااااااااااااااااااااااع
كلمااااااات اكثر من راااااائعه
صح لسان من قالها وسلمت يمينك
صح لسان الشاعر خلف ، قصيدة أكثر من رائعة
وتسلمي على الطرح المتميز ، وهذا يدل على ذائقتك
وبارك الله فيك ولا ننحرم من ابداعاتك
تسلم يمينج على هالطرح الغاوي
قصيده في قمه الروعه
نتريا الزود من صوبج
تقبلي مروري
سعدت بمروركن حبيباتي ,,
جنون والنعم بحالكـــ أشكرك ع التقييم ,,
مودتي لكن /
حبيبتي بمبو سعدت بمروركـــ ~
مودتي لـــكــٍ