السلام عليكم ورحمة الله وبركاتة
انا عضوه جديدة سجلت معاكم وباخذ رائكم لاني بحس فيه ناس ذوق تفهم بفنون الالوان
انا راح انقل لشقتي الجديدة وزوجي رمى على عاتقي اني انا اختار الوان البيت ومحتاره جدا وابغى فزعتكم معايا ووقفتكم لانو بعد 3 ايام بروح اختار البويا
انا راح اعطيكم تفاصيل بيتي وانتوا اعطوني ارائكم
بالنسبة لصالة الكنب عندي لونة بني ومعاه داخل الون الاسود والاورنج الغامق فمحتاره ايش الالوان اللي بختارها لصالة تتناسب مع الكنب علما ان صالتي الوجة اللي قدام (صدر الصالة ) فية شباكين على شكل قوس بس مو كبيروسط والجدار اللي على اليمين تبع الصالةفية باب غرفة النوم والجدار اللي ع اليسارفية باب غرفة الجلوس والجدار الرابع اللي يدخلوا معاه على الصالة قوس كبير وعلية ديكورات من الجبس<<<<ان شاءلله فهمتوا علية وصف صالتي 
وغرفة الجلوس محتارة ايش اختار لها لون لاني بحط فيها جلسة ظهر وبفرشها مكرونة
وغرفة النوم عندي بنية ايش الالوان اللي ممكن احطها لغرفة النوم وتكون رايقة
وكمان معليش بثقل عليكم
المداخل ايش اعمل فيها بويا تقليم او ورق جدران وايش الالوان مع العلم عندي 3 مداخل واحد طويل شوي وواحد صغير مقابل المطبخ وواحد برضوا صغير مقابل مجلس الرجال
وابغى اقتراحاتكم لمجلس الرجال ايش الالوان لاني مو حاطة في راسي غير الون البني
الله يسعدكم ساعدوني والله ورطني زوجي
وانا ما اقدر اقوله انا ما اعرف انت اختار ابغى يكون لي دور في بيتي
الله يجزاها الجنة ويفتح لها ابواب الرزق اللي تساعدني وابغى اقتراحاتكم او الوان شفتوها ببيت معين واعجبتكم
اناماحبيت اخرج من غير رد
الله يوفقك
شوفي حبيبتي ألحين طالعين بالبويه الثلاثية الأبعاد مرررره حلوه بتكون للصاله
اما غرفة النوم بما انها بني يجي معاكي اللون البيج والتركواز والعوديوالعشبي تقريبا جميع الألوان ماشيه وحسب مساحة الغرفه ضروري
والله يجعله مسكن مبارك ان شاء الله
الله يعطيكم العافية كل من رد علية ..وياليت كمان اسمع مشاركات واقتراحات ثانية
احلى دهان بدك تحطي لبيتك
هو التطبيع
واجهات البيت
الممرات يكون مثلا بيج فاتح مع تطبيع
او لون مائل لذهبي مع تطبيع
راح تحسي انه الممرات صارت اوسع
غرفة الصاله الكنب بني و اسود مع اورنج
حسب الغرفه اذا كبيره والكنب كبار
حطي لون اورنج فاتح مائل للبني مع التطبيع طبعا
اذا الغرفه صغيره والكنب كبير حطي لون البيج مع التطبيع
اذا الغرفه صغيره وكمان الكنب حطي لون ابيض
لانه الابيض بوسع الغرفه
غرفة نومك حطي لون بني فاتح مع التطبيع غامق مو كثير
وان شاء الله يعجبك
مبروك عليك البيت والله يجعله مسكن مبارك والالوان الدارجة الان بالنسبة لغرفة الجلوس الوردي الفاتح جدا والازرق الفاتح مع التعتيق اما بالنسبة لغرفت النوم اللون بيج فاتح مع تعتيق باللون البني وهذا اجتهادي وموفقة بالاختيار