صباح الخير اخواتي الكريمات
رح ادخل في الموضوع على طول
انا خبرتكم انو زوج اختي صديق زوجي. انا طلبت منو يتكلم معو و يخبروا شو بدو يسوي
الصدمة انو زوجي مصدق كل كلام إمو و اخواتو الكاذب. وقال انو انا كسرت كلمتو و خرجت مالبيت واني حطيت راسو بالارض قدام اهلو(و هل الكلام كلو كلامهم هن) و انو هلا ما يقدر يسوي شيئ خصوصا انو امو حلفت اني ما ادخل البيت تاني,,
وقال كلام تاني كلو كلام اخواتو والله عجزت اني اكتبو تا ما اوجع قلبي اكثر
والله العظيم من يوم دخلت بيتهن ما سمعو مني كلمة بس مو منيحة..رغم كل شيئ كانو يسوه فيني كنت اعمل حالي ما سمعت شيئ واكمل شغلي عادي.و امو كنت ابوس راسها كل صبح ومسا و استشيرها في كل شيئ و كنت اشتغل في البيت بكل شيئ وعلى نياتي.و زوجي كان عارف هالشيئ وكان يقولي انو بيحبني لاني هيك.
بس هن حكيولو اني كنت بعمل هيك بس قدامو وربنا العليم
وفي الاخير قال زوجي انو ابوه هلا مسافر ولما يرجع راح نشوف شو نسوي..
والله انا بعرف انو زوجي مو هيك وهاد الشيئ كلو من اهلو والله العظيم ما بسمحلهن طول حياتي.الله لا يوفققهن خربو حياتي وبيتي الله يخرب بيوتهن
هلا ما بقالي غير الطلاق رغم اني والله ما بدي طلق لساتني بحبو.. وكل ما استخير ربي بفكر فيه اكتر وكل يوم بشوف نفسي معاه في منامي والله ما قدرت انساه
بس لما اصلي و ادعي ربي و استغفر ارتاح كتير و قلبي يطمن سبحان الله
ادعولي ربي ينصرني على هالضالمين , وشاركوني بنصايحكم والله برتاح وانا بقرا رسايلكم
.
الله ينصرك على الي ظلمك
دعوة المظلوم مستجابة
تقربي إلى الله
وزوجك مرده راح يعرف من الصادق ومين لا
الله يعينك ويسعد قلبك
سبحان الله وبحمده سبحان الله العظيم
استغفر الله ربي واتوب اليه
حبيبتي لا تزعلي مني بس انتي سمحتيلهم يعملو فيك هيك كنتي على نياتك معهم المفروض اخذتي حذركازا زوجك منيح معك لا تتطلقي اطلبي تعيشي بيت لحالك وهاد ابسط حقوقك وريحي راسك منهم انا بعرف الي بتعيش مع العيلة و بزات لو زوجها عندو خوات ما تزوجو لو انها ملاك رح يخلوها شيطان وكل شغلك معهم بروح بالهوى عند اول مشكلة وبينسو طيبك معهم ريحي راسك منهم واسكني لحالك ولا تزوريهم ولا تشوفيهم الي بيزعل لحالو بيرضى لحالو وزوجك هو يروح يزورهم اهلو هدول بيضلو لبيل ما الوضع يهدى صيري زوريهم بالمناسبات مشان ضلو حبايب ابعد تحلى والعب لحالك بتروح راضي انا مجرب هاد الشي ما ثمر باهل زوجي وهلا لما يكنت لحالي صارو يتمونو اني ازورهم طالما ما بغضبي الله لا تخافي وادعي ربي اني مغلوبة وانت حسبي ونعم الوكيل والله يفرجها عليك يارب
حبيبتي انا متابعة قصتك من الاول
بما انو وصلت المواصيل الى هون
انصحك لاني انا لو مكانك هيك بعمل
شوفي هو قال انو ابوه مسافر ووووو يعني في معنى الكلام مابيقدر ياخذ موقف من حالو يستنى لم شمل العائلة من شان يقررو مصيرك؟؟؟؟
مو هيك؟
اذا انت خذيها مني عارفة انك بتحبيه وتحنيلو وهو مو هيك بس لاتبني حياتك مع انسان مايقدر يقرر لحالو ومايقدر يعمل شي ويسمع لكلام امو واخوته بس يعني كان من المفروض يجمعكم ويسمع للطرفين ومنها ياخذ قرار وسط بس هو الله يهديه سمع من طرف واحد وعليها اخذ قرارو ولس يستنى ردعة ابوه من شان يزيد يعبيلو راسو منيح
حبيبتي انت مو رخيصة ولا جابك من الشارع ذنبك الوحيد انك حبيتيه وذليتي حالك من شانو وسمعتي وسكتتي بس لهون وبس عندك اهل يحبوك ويخافو عليك لو ماهيك ماسارعو لعندك ياحذوك لما سمعوك تتالمي
انت خذي قرارك هلا واطلبي الطلاق منو لانو اولها واخرها رتح يطلقك لانهم مجتمعين عليك وحابينك تتطلقي وابدا ماراح يسمعلك انو يرجعك خاصة لما يشوفك اخذة موقف انك حابة ترجعيلو هون هو يعند واهلو كمان من شان يحرقولك قلبك
انت حتى ولو في نفسك وانا متاكدة انك حابة ترجعيلو بس كرامتك اكبر من هذا واللي خلقو خلق غيرو
اطلبي الطلاق واتفقي مع اهلك
واذا اجا من شان يتفاهم معك وقال مابدي اكبرها ولازم تعملي هيك وهيك
اانت اشترطي عليه وقسي قلبك عليه وخبريه انك ماتقدري تعيشي مع واحد كل همو اهلو وانا وين رحت وكرامتي داسوهالي اكثر من مرة وسكتت مابقدر اعيش معهم ابدا واذا حاول خبريه شرطك الوحيد بيت لحالك او ماترجعيلو ابدا
وخلي ابوك يتدخل من شان مايحقرك ويقول مالها حدا مساندها وهيك يتاكد انك بدونو منيحة مع اهلك
لازم تكوني قاسية في كلامك لانو اذا حنيتي راح يرجع يعند اكثر واكثر
فهمتي علي
يارب
يارب تسهللك حياتك ويرجعلك بس بشروطك
بس قسي قلبك شوي ووقفي كل محاولات استرجاعو لانو شايف حالو شي كبير لما تذلي حالك لالو رجعي شخصيتك وقوتك
وفي خضم كل هاذ ادعي الله واستغفري وصلي كل يوم استخارة وقيام الليل وان شالله الله ابدا ماراح يخيبك ولا يرجعكخايبة
انت بس قولي اذا فيه الخير لالي يقرب واذا فيه شر لالي يبعد عني
وخبريني عنك اول باول
شكرا الكن حبيباتي والله بحس حالي مرتاحة و قوية لما اشوف رسايلكن و ارائكن
رح اعمل زي ما قلتي لي اختي مونية ك وانشالله ربنا يفرجها وراح خبركن بكل جديد خليكن معي
الله المستعان اصبري حبيبتي
والله انا معك قرات قصتك من الاول وتابعت كل ردود الاخوات ولقيتهم متقاربة
يعني فهمنا القصة كلنا بنفس الطريقة وهذا يعني انك صادقة بكل كلمة
الله يعينك وانا معك والاخوات معك كونك قوية الدنيا مش غير رجال وخلاص فيه اللي احسن منو وتستاهلي واحد اللي يقدرك ويحبك ومايكذبك
الله معك خيتي
والله يفرج همك عن قريب ان شاء الله