تجربة شخصية لتساقط الشعر الرهيب

السلام عليكم ورحمة الله وبركاته

كيفكم حبايبي إن شاء الله تكونوا كلكم بخير …,

المهم موضوووووعي اليوم عن تسااااااااااااقط الشعر

تساقط الشعر آخ منه ياكم عانيت منه وربي يابنات ان من كثر مايتساقط شعري صرت أجمعه فأسبوعين يابنات صار مثل الحشوات تعرفون حشوة التسريحة ذيك الكبيرة اللي نسوي فيها تسريحة وربي صار مثلها لآ بصراحه أنا كان شعري يتساقط بدرجة فضيعه بدون منازع << كاس العالم هو خخخخ
المهم اختي شافته قالت انا يتساقط شعري بس مو مثلك بذي الدرجة الفضيعه شافته أمي انقهرت مره لأن شعري كان كثير وقالت امشي على كلامي وانا راح اعطيك خلطه رهيييييييييييييبه أنا مجربتها وخالتك وتشوفين قلت لامي اسعفيني بأي شيء خلاص ماعاد بيبقى لي شعر بأصلع من جد بأصلع <<< قصة حياتي

قامت أمي وسوت لي الخلطة وهي : 5 فصوص ثوم أنا أمي حطت لي 7 << أدري بتقولوا ريحة بس هذي إجازة واللي يبغى الدح مايقوووول أح ومااظن بتلاقوا مثل هالخلطة وكلها على كم اسبوع اصبروا

+ ربع حزمة جرجير + فنجان قهوة موية عذبة لازم عذبة + اي زيت والافضل يكون زيت عافية

وخلطتهم بالخلاط
وحطيتتهم بشعري 6 ساعات

وكنت يائسة أصلا بس قلت خليني أحط وش ورانا إجازة نحط من هالخلطات الطبيعية اللي لو مانفعت ماتضر
والنتيجة وربي يابنات انا متفاجئة من نفسي غسلت شعري كان يتساقط بعدين حطيت البلسم برضه بس لما نشف قمت امشطه لآلآلآلآلآلآلآ بصراحه نتيجة فتاااكه << دعاية بف باف مثلآ ..خخخخ

والله يابنات ان المشط فيه شعرات قليييييييييلة مااحس انه شي تسااااااااااقط ابدآآآآ ياالله مو معقول شيء مايتصدق بالصراحه ومن أول استخدااااااام الحمد لك يارب .. .

وهذا هو شعري راكد في راسي وش زينه بس أمي قالت استمري على هالخلطة بس شهر في الاسبوع مره وحد بــس مره وحده في الاسبوع عشان الثوم مضاد حيوي فلازم تخصصي يوم واحد فالأسبوع مثلا حطيتيه يوم الجمعة لازم الجمعة الثانية تحطيه وهكذا .. .

جربووووووها ياللي تعانوا من التساقط انا ماابي لكم الا كل خير ولأني مجربتها وربي الشاهد على كلامي
.. و بس ابي دعواتكم لأمي ولي ,,
والعذر طولت عليكم .. واللي بتجربها بليز تقول تجربتها هنا وايش صار معها ,,

تنتظرون كتابة منقول
لآ والله هذا أنا كاتبته بنفسي وما نقلته من أحد .. .
مـــ عــ تـــ مــ ــد من عندي