السلام عليكم ورحمة الله وبركاتة
عزيزاتي …انا متزوجه صارلي سنتين ونص تقريبا … وعندي بنت وحده
وزوجي عنده بنات كبار اكبر بناته اصغر مني بسنتين بنته متزوجه اخوي من زمان من حوالي خمس سنين …… ودايما تصير معاها مشاكل هي واخوي
ومن كثر مشاكلها زوجي موذاك الزود على اهلي وحتي اهلي عليها بعد مو ذاك الزود….
(طبعا اللي قلت لكم بالبداية عشان اوضح لكم شلون حياتي )
بنات انا ابي اسافر برمضان او قبل رمضان بكم يوم على اهلي اهلي بمنطقة وانا بمنطقة …
واهلي رافضين اني اجيهم بروحي بدون زوجي انا اسافر بطيارة !
وازوجي مايبي يروح عليهم والسبب كثرة المشاكل بين بنتة واخوي ( اخوي من ابوي )
واهلي قالو لى اذا جيتي بروحج ماترجعين لزوجج وزوجي يقول اذا بتروحين وماترجعين
مافي روحه 
والله العظيم تعبت من كثر مااقولة وموراضي يقتنع ….
واهلي بعد مايقتنعون بشي نهائيا
والموضوع صار كانه كل من يبي يمشي كلامه على الثاني ….
والمصيبة كلها بتطيح براسي وراس بنتي ماابيها تعيش بعيد عن ابوها !؟
والله العظيم مدري شسوي :/
واهلي من النوع اللي مايرحم نهائيا …..
والله العظيم تعبت حطو نفسكم بمكاني شنو بتسوون!
واهلي قبل هالمرة رحت عليهم غصب عن زوجي كان مسافر لزوجتة الاولي وجاء اخوي واخذني وانا قلت لزوجي ان بروح مع اخوي وزوجي رفض وهم من بدا المشاكل معاه
ويغلطون فيه بكلام وسب حتي امي كانت تسب فيه وتغلط عليه قدام الحريم
ولما كنت عند اهلي كنت كاني خدامه بس انظف وارتب واطبخ وكل شغل البيت على
حتي الطلع بالحسرة على ……
والسبب اني بروح على اهلي لاني من عيد الاضحي اللي طافي مارحت عليهم
وزجي يبي يروح على زوجة وعيالة! يعني شسوي بروحي بالبيت ؟
وبعد رمضان على طول عرس اخوي يعني لازم اروح !
بس ماادري شنو الحل
وانا الحمدالله مرتاحه مع زوجي وحياتي مستقرة ومافي بينه وينبي مشاكل !
تقفون عطوني حللللللل والله تعبت ….
ارجوكم ارجوكم ارجوكم ابي حل
الله يسعدكم ويفرج عنكم همومكم….
اهلك مسوين لك مشاكل اذا رحتي لهم يشغلوك بالبيت كأنك شغاله ويكرهون زوجك .. وزوجك مرتاحه معاه ومو نقص عليك شي اجل خليك في بيتك ولا تروحين لاهلك الا وقت زواج اخوك تحضرين الزواج وترجعين ..
وش لك بالمشاكل وعوار الرأس …
بصراحة المشاكل كلها من رأس أهلك
وزوجك والله الو يبي يحرمك من أهلك كان منعك من السفر نهائيا
كوني مع زوجك لأن أهلك واضح تعقيدهم لك
والله راح يفرجها
بسم الله الرحمن الرحيم
حبيبت قلبي دام زوجك ماقصر عليك لاتخسرينه واذا اهلك يتعبونك لاتروحين خلك في بيتك .. وكلمي احد اخوانك بالوضع وانك صرتي بين نارين وماتبين تخسرين زوجك ولا اهلك بسبب عناد كل واحد منهم … وخليه قبل العيد بكم يوم يجي ياخذك .. وتنحل هالمشكله … وعطي زوجك خبر اذا وافق اخوك .. من الان كلمي احد اخوانك وشوفي وش يقولك … وريحي راسك .. اذا رفض اخوك .. اقنعي زوجك انه يروح معك واصلا واجب على زوجك يحضر زواج اخوك من باب الوصل والواجب عشانك اقل شيء كلمي زوجك وشوفي وش يقول هذي حلين .. والله يهدي بالك …
اختك شماليه كفو
حبيبتي ،، اول نصيحة و اهمهم الاستغفار و استخارة الله،، ثانيا لازم تقنعين احد الطرفين يتنازل ،، و اذا ما رضو ،، لا تروحين من كلامك فهمت ان زوجك طيب ،، لا تفرطي فييه ،، و ان شاءالله الاستغفار بفرح عنك كربتك ،، ولما تقرري توكلي عالله ،، الله يفرج عنك ،،
طيب انتي حاولي تصلحين بين اهلك وزوجك. قولي لزوجك مشاكل بنته واخوك يحلونها بينهم. وانتي مالك ذنب. ومهما يكوون اهلك لاتقاطعينهم. وقلتي ماشفتيهم الا الاضحى اللي راح !! مايصير تقاطعين اهلك شهور طويله. زوجك ماله حق يمنعك عنهم. هالمشاكل اللي بين اهلك وزوجك مالك ذنب فيها. كلمي زوجك وفهميه وقوليله. لايكبر الموضوع ومايجوز وماله حق وعليه اثم انه يحرمك من اهلك. وهو اكيد يروح لاهله وماتقولين له شيء. ويروح لزوجته. طيب وانتي ؟! لاتسمحين له يمنعك حتى لوهددك لاتخافين وحتى لو كلفك هالشي بالطلاق
حآولي التفآهم مع أهلك لآن الخطآ منهم ومن طريقة تفكيرهم لآمحآلة!!
إن رفض الطرفين زوري أهلك وقت زوآج أخيك وأصبري وأحتسبي وأدعي الله
لآأدري مآذآ أقول عزيزتي الله يسعدك بآلتوفيق
شوفي راحتج وين حبيبتي وسوييينهاااا ! اهم شيء لا تضغطين علي نفسج بشيء لاتحبينه !