امي مو مثل العالم والناس ،،طفوله مدمره،،

السلام
والله ياعالم ياناس مشكلتي ماتوقع في زيها بالعالم
مشكلتي ابتدت من ساعه مانولدت والحين انا باقي لي كم سنه وادخل العشرين تعبت نفسيتي ماعشت زي الناس بين امهم وابوهم م السالفه سالفه طلاق لا
السالفه اكبر لو طلاق اهون
المشكله ان امي ماهي ام زي كل الامهات تخيلوا من انولدت ماتشيلني ولاتحطني ولاتمشطني تخيلوا صار فيني قمل بسبت كذا بس انحلت المشكله بوقتها من كان عمري سنه وتخيلوا ملابسي كلها وصخه واذا خلصوا ملابسي وامي ماغسلتهم ترجع تلبسني الوصخين شسوي ياعالم ذي ام ام
الله يسلم اهل ابووي احنا ساكنين بشقه من بيت اهل بابا
اهم الي حلوا مشكله القمل الي صارت لي يوم عمري سنه
وهذا غير الخلافات الي ماتخلص بسبت يوم بديت امشي صرت ابي انزل لبيت اهلي وامي تقفل علي الباب
وهذا كوم ومشاكل اهل امي واهل البابا بكوم ثاني الي للحين ماخلصت بحجه ان اهل بابا ماخذيني من ماما وتخيلوا دخلت اولى ابتدائي ماحد يذاكر لي ولاشي مت بحرتي والله
لمن استلموني اهل بابا وبديت افهم وكذا وخلاص صرت ابي اعيش تحت ابي انام تحت عندهم بعد عمري عماتي هذولا امهاتي تخيلوا قاموا يذاكرون لي تخيلوا الحين انا مو بس من الاوائل
الحين كل ماادخل مرحله من ابتدائي لمتوسط والحين بثانوي انا اسمي بالمدرسه كل الابلات يعرفوني حتى الي مايدرسوني واهو تفوق اهو انجازات بالمدرسه وكله بفضلهم
بس للاسف رغد العيش مااحس فيه بسبت ان امي تروح لبيت اهلها وتذم بالبابا وتقولهم بخيل حيل وكل يحب امه وخواته
واهو مسكين يصرف دم قلبه عليها وقمت مااروح بيت اهل امي قاطعتهم كذا سنه بسبت المشاكل الي صارت واني انطردت بعد وحاله وقصه ومشاكل وتخيلوا غير كذا مشهره بأسم قبيله البابا انهم بخيلين وخالاتي استغفرالله يكرهون البابا كره العمى وامي يوم امرضت مرض يحتاج فلووووس واجد دفع ماي قلبه وبعدين يوم تشافت قالوا ان جدي ابو الماما اهو الي دفع والله يسلم ابونا شالظلمم تعبت ليش بابا اهو البخيل
وبالصج اهو الكريم وتخيلوا يوم امرضت ماما كل يدعو لها واهي ولاهمها حتى يوم مرضت هالمرض ماخافت من الله واتعظت ابدا هذا اهي ادري انها امي بس انا ماحسيت بالحنان ماربتني ماسوت لي شي الا بس خلتني وصخه وطلعت لي القمل وحبستني
والله ليومكم اتذكر تقفل الباب عشان لاانزل
بس عماتي ماقصروا الله بوفقهم ويفتح لهم ذيلي الي ربوني ودفعوا لي الغالي والرخيص وتخيلوا ان ماما تلعب على الحبلين لقلت لها ليه تقولين انا بابا بخيل تقولي ان احنا موقاصرنا شي ووو ولراحت لخالاتي عكس هالكلام ادري ان هالشي اسمه نفاق ماابي اقولها ان امي ….. استغفرالله
بس المشكله الي بين اهل الماما والبابا قايمه قلعه وياعلها ماتنحل بس انا ابي اثبت لهم ان بابا مش بخيل ؟؟ ساعدوني اذا احسن لبس انا ألبس اهم خلاص مصدقين اختهم وكل يطلعون كلام على عماتي وكل ينشرون كلام عنهم ومسوين قضايا الله يهداهم بس واهم لان من الاصل راعين شر مابقى احد من خلق الله ماتكلموا فيه وكل يتجسسون على الناس استغفرالله بس