وصفة التبوله……………….
1-ربطتين بقدونس
2-,وثلاث حبات بندوره
3-ونصف ربطه نعنع أخضر
4-وليمون حامض حسب الرغبه وبصل اخضر حسب الرغبه
5-وبرغل معلقتين كبار
6-وزيت زيتون 4 معالق كبيره
وطريقه التحضير
بتقطعي البقدونس ناااعم قد ما فيكي وبعدين بتغسليه وبتحطيه بمصفايه لحتى تروح المي عنو وينشف شوي
وبعدين بتقطعي البندوره ناعمه
وبتقطعي البصل نااعم
وآخر شي بتقطعي النعنع مشان ما يسود كمان ناعم واكيد انتي بتكوني ناقعه البرغل بمي بارده
وبعدين بتخلطيهم مع بعض كلهم الخضره بالاول وبعدين البرغل بتعصريه من المي وبتضيفيه للتبوله
وبعدين بتضيفي زيت الزيتون والليمون الحامض حسب الرغبه
وانشاءالله صحه وهنا
بس لا تنسو الملح
وهي صحن التبوله
هههه الصحن معجق شوي لأن بنتي كانت عم تاكل ما ستنت لحتى آخد صوره للصحن
تسلم ايدك نسرين
تسرنا مشاركاتك معنا بالقسم
ياريت نشوفها دائما
تسلم الايادي حبيبتي
مشكوره اختي العزيزه
تسلمين غلاتي الله يحفظلك ذريتك ويرزقك برهم
منوره عيونـــــــــــي00
شكرااا عاردودكم اللطيفه نورتو الموضوع
أميره بطيبتي شكرا على الدعوه الله يسمع منك
يسلمو الايادى حبيبتى
ويخليك بنتك يارب
