اكره الدراسه
السلام عليكم و رحمه الله وبركاته
بنات انا عندى موضوع و ابى ارائكم او دعوه منكم
بنات انا ادرس اخر سنه فى الثانوى و انا اكره الدراسه و
ابى اتزوج اليوم قبل بكرة حتى لدرجه اني احيانا اقوم
نص الليل و ادعي ان الله يرزقنى بالزوج الصالح
و انا ما ابى ادخل جامعه من كثر ما سمعت سوالف الجامعه
و الخرابيط و الحب و المخدرات و حقد الدكاترة خفت و لا افكر
ادخل الجامعه انا و دى ادخل معهد وش تنصحوني فيه
معهد حاسب او معهد انجليزى و اى وحده ممكن اتوظف فيها بسهوله
اتمنى منكم الدعاء ان ربي يرزقنى الزوج الصالح
مافي وظايف بمعاهد انتي ادخلي الكلية اا ذا مامشيتي الصحبة السيئة ماعليك شر اما غير كذا بجيك بلاوية كلية ماهن كل البنات سؤء فيها الصالحة فيها الطالحة اهم شي تعرفي علي بنات فصلك خليك من محاضراتك الي باب الكلية
حبيبتي هذا السوالف موجود كل مكان
مو بس في المدارس او الجامعات
في فالبيوت فالحارات فالاشغال
كل مكان في العالم حبيبتي اهم شي
ثقي بنفسك وهذا اهم شي
اذا ما تبين تدرسين علشان هاي الاسباب
شو يضمن لج زوجك ما رايح يكون جذي او
اخوه او اخت الخ (بعيد الشر )
حبيبتي درسي علشان تحققي الي تبيه
الحين الرجال يحترم بنت الي دارسة
والحياه الحينه صعبة لازم تتدرسين
هذا اخر سنه هاااا شو صار يعني درستي 11 سنه
قدرتي ليش تخبرين لانفسسك في اخر مطاااااف
يالله حبيبتي ادرسي علشان ترفعين راسسس اهلج
وتتزوجين وابي اسمع انج طبيبه او مهندسة و
بعد دااااشة احلى الجامعات حبيبتي انتي تخيلي
عندج بيت كبير واحلى سيارات واحلى مزارع بحسسابح مو من جيب زوجج
ما تتمنين حبيبتي
يالله شيدي حيلك وانتي تحبين الدراسسسة
انتي شاطرة
وبتكونين الي تبيه
مااا شاء الله
اللهم وفقها في دراستها
وانا بدعيلج في صلاه بس هااااا!!!!!!!!!!!!
شدي حيلج
واادعيلي بتوفيق في دراستي +الغفران +البعثة
ياقلبي الله يعينك ماعليه هي اخر سنه بالثانوي تجيب الكأبه هههه
بس الجامعه والله حلوه مو كل ماسمعتي شي صدقتيه اهم شي صحبة الخير
غير كذا ايش موقفك لو تزوجتي ويكونون كل زوجات اخوانك وزوجات اخوان زوجك واخواته متعلمات الا انتي بينهم
وبعدين اللي بالجامعات مو لاقين وظايف بسرعه تبين تلقين بمعهد؟؟؟؟
هذا ايام قبل يتوظفو بالمعهد الحين صارو يدرسو جامعه وياخذو دورات فوقها من معاهد عشان يتوظفو
الدكاتره ترى الكلمه الطيبه تمشيهم زي العسل معااااك وترى مره سهله وحلوه الجامعه
وبعدين تقولين تبين تتزوجين يعني لو جلسستي بالبيت بيجيك لا حبيبتي كملي الجامعه ووقت بيجيك بيجيك
افرضي الله ماكتب لك تتزوجي بدري مين تبين يتحمل صرفيتك ماحد دائم لك فكري بمستقبك حبيبتي الله يوفقك
والاخت اللي قبل الله يوفقك يارب وتجيك البعثه انا وانتي ان شاء لله
ترا وربي الزواج هم هم هم هم هم هم لين بكره هم كملي هالسنه وادخلي الجامعه اذا في شي مو عاجبك اجلسي بالبيت اختي بالجامعه وكل شيء ماشي ربي يوفقكك ي قمر
اوتحسبين ان الزواج متعه في متعه
اولا زواج وعرس وووووفرح
بدين تحملين وآه لى الحمل وتعبه ثم الولاده وما ادراك ما الولاده الم غير طبيعي بدين طفل انتي مسؤله عنه يبكي بالليل مريض ماتروحين ولاتجين تفضلين الجلوس في البيت من تعبه اذا خرجتي بكاء وصياح وكل ماتبين
ثم ناتي للزوج وطلباته قومي زيني لي فطور لااجي الا والغداء جاهز
وغسيل ومطبخ وبيت انتي وحدك مسؤله عنه وووووووالزواج اختي ليس بالموضوع السهل
خذي شهاده تنفعك وتفع راسك وعلم تنتفعين فيه والزواج حبيبتي لاحقه ان شاء الله عليه توك صغيره استمتعي بشبابك ولاتروح اجمل ايام حياتك هم وحسره بانتضار فارس هالاحلام
حتى انا ما احب الدراسة اشوفها مثل السم بس ترا لازم الانسان يسوي لنفسة مستقبل ويامن على نفسها محد يدري ويش يصير بعدين ما ينفعك غير مستقبلك
لا الزواج حلو واحلى من العزوبيه بكثير …
لكن انتظري لاتستعجلين على رزقكـ …
وسالفة الدراسه انا كنت مثلك اكره الدراسه كره العمى
بس عادي جربي حظك ادخلي الكليه يمكن تمشين ..
لكِ ودي,,