أن متزوجة منذ سنتين والى الان كل يوم لدي مشكلة مع زوجي ولاسباب مختلفة وزوجي عصبي لدرجة فظيعة وكل يوم احس أنو راسي راح ينفجر من كتر التفكير يوم بيقول البيت مالو نظيف وانت مقصرة فيه ويوم بيقول انت ماعم تتزيني لي ويوم بيقول انت مابتعرفي تعملياي شي مع انو انا بشتغل خارج البيت ودوامي ياخذ مني 8 ساعات كل يوم ويوم العطلة بيكون يوم الجمعة كيف انا بدي الحق شغلي بالبيت والافندي كل يوم بدو يروح لعند اهله من شان يشيل مؤولية البيت من راسه والاكل عند اهله موجود البيت اوتيل وبس وانا لراتبي بعطيه ياه كله وبالشتا كنت عم بعطي دروس خصوصية يعني بيصل ساعات العمل عني الى 10 ساعات ولازم لما تخلصي تلبسي وتتزيني مافيني اقول انو المراة تعبانة وانو لازم ترتاح بس مابعرف شو بدي اقول انتو هلق ممكن تقولو انو جيبي ولد ممكن انو يتغير انا لحد الان مافيني اجيب ولد لانو معي انسداد فيالابواق ومن شان هيك ماممكن اجيب ولد حتى ازرع طفل انبوب والافندي مامعو يعملي طفل انبوب هو بيقول خلي اهلك يعطوكي من شان اولد وانا وحيدة لاهلي وساعدت جوزي من الخطبة وماطلبت منو اي شي بس مابعرف شو لازم يصير ارجوكم اخواتي تساعدوني وتقدمولي النصيحة
انا اسفة على الإطالة وشكرا
الله يكون في عونك اختي
ويرزقك ويروقنا الذريه الصالحه