صديقتي بالجامعة
السلام عليكم**
أنا طالبة أدرس جامعة بسنة ثالث**
حملت تقريباً 3 مواد طيلة فترة دراستي**
وهالثلاث مواد كان عائق كبير علي اني ما ادرسه مادة الترم اللي بعد الا لين اجتاز مادة الترم اللي قبل**
المهم تخصصي جداً صعب**
وانا الحمد لله مجتهدة**
وكل رسوبي كان خيره لي الحمد لله بهالثلاث مواد**
والاقي الخيره سبحان قباالي الترم اللي بعد**
اشوف شيء يخليني احمد الله اني ما اجتزت المادة**
السالفة وما فيها**
اني اعاني من مشكلة مع وحده من صديقاتي**
فيه منهم اللي ماشاء الله عليها ولا مادة عندها**
وفيه منهم اللي مثلي**
وفيه منهم حاملين ب6 مواد**
وهي من اللي مثلي**
مثل هالترم عندها مادة وانا ما اضفتها**
تحاول تستفزني باي طريقة
مع ان شخصيتي الحمد لله مو ضعيفه ارد عليها لو غلطت شيء كايد**
مثلا تقول الحمد لله اخذت هذي المادة ولا اجلس متأخرة عن البنات**
ونظراتها استحقار**
احيان اقول لا يا بنت لا تكون نيتك سيئة**
ما تقصد شيء**
الا الاحظ انها حافظه جدولي كامل**
ويوم اسولف معاها تقول لالا انتي ما عندك هذي المادة لانك اضفتي بدالها مادة
مع اني والله احبها واحترمها**
بس تخليني اكرهها بالغصب استغفر الله**
كل صديقاتي عندها عادي الا انا**
تسأل كثثير عن اشياء تخصني**
كل ما ضحكت او غير جو تذكرني انك انتي حامله المادة الفلانيه**
تحاول تضغط علي**
وكيف بتأخذينها! وانها هي عادي بتأخذها صيفي لكن انا يمكن ما اخذ صيفي واتوهق**
وانا اطنشها
مع ان وضعها مثل وضعي**
بس اختلاف مادة او مادتين**
وكذا مره تشيل هم درجاتي وتسأل عنها بتصرفات غريبه**
واجاوبها وعادي ما بيننا شيء**
وحتى جدولي غير عنها وعن باقي البنات لاننا نختلف مادة وحدا تقلب الجدول**
صرت اسلم عليهم اخذ المحاضرة وامشي**
احس اني مهمومه يوم اشوفها**
اللي ابيه منكم**
انصحوني هل اغير تعاملي معاها واعاملها بالمثل**
ولا انا متحسسه من الموضوع وهو شيء عادي**
والله التفكير يروح ويجي**
عجزت اثبت على قرار يريحني منها**
يعني والله خلقه تعبانه نفسيتي من المواد**
وعن تأخيري عن الخطة وضغط محاضرات واختبارات**
وتجي هي وتكمل علي لا والله ما فيني طاقة**
