الوسم: التبيض

اعرف وحده وجها مليان نمش وشالته بالليزر وقسم بالله تحلفين ماطلع فيها اصلا

السلام عليكم ورحمة الله

جبت لكم حبيباتي مجموعة من طرق تبيض المنطقة الحساسة

وهي من افضل الطرق على الاطلاق ومجربة شخصيا مني ومن صديقات وقريبات لي

وكل وحدة تختار اللي ترتاح له منها واللي مايعجبها شي مشكورة مقدما على مرورها الكريم

بسم الله نبدأ

1) اول طريقة ترجع لون المنطقة مثل لون يدك هي:

الدكوين 4% + ديبروساليك

هذي انا جربتها انهت معاناتي تماما
طبعا هي مراهم من الصيدلية تشترونها سعرها مش غالي رخيصة بس النتيجة تسوى الوف
تخلطوها مع بعض وتستخدم قبل النوم مع لبس شورت مالها ريحة وماتضر بس حاولي تخليها على برى ماتدخل داخل اتمنى فهمتوني

2)ملعقة من : جليسوليد الاحمر + بودرة اطفال + زيت لوز حلو + وفنجان شاي ماء ورد

تدهن المنطقة يوميا مرتين باليوم تاخذ وقت على ماتبان لانها طبيعيه بس مع الاستمرار وطولت البال تبيض وتشد

3)تاخذين قارورة موية صحة مقاس وسط تحطين فيها ثلاث حجارة مر وغطيين من ديتول للعناية الشخصية اللي لونه اخضر وتوضع بالحمام اكرمكم الله وكل مرة تدخلين الحمام تدحطين في قطعة سفنج او قطن افضل من المحلول هذا وتمسحين فيه ترى ريحته زينه مايبان المر

جربتها بنت خالي وبتطير فرح من النتيجة لان زواجها بشهر 7 وارتاحت من السواد

4) تأخذين كريم دوف الوردي ماغيره حجم وسط تشيلين منه ملعقة ثم ضيفيله كريم بتنوفت لون علبتة ابيض وفيها خط برتقالي او وردي على مااظن لكنه معروف روحي لاي صيدلية يعرفونه على طول

المهم تخلط مع بعض وتستخدم قبل النوم
جربتها اختي الصغيرة تمدحها كثير

5) كريم بيتادين يجي لونه زي ميبو وله ريحة قويه لونه بني رخيص كمان تخلطيه مع اي كريم لوشن عندك بكميات متساوية ويستخدم ليلا .. طبعا هو ينفع لحاله لكن لان استخدامه صعب شوي بصعوبه يتوزع على البشرة ويوسخ الملابس بسبب لونه وريحته عشان كذا يخفف باللوشن ويستخدم طبعا هذي خلطة مشهورة وماعليها غبار

6) كريم بيزلين لتفتيح المنطقة الحساسة روعه بس لازم المداومة ويمكن بعد علبتين توصلين لنتيجة تاخذ العقل بس بعبوة وحدة يمكن يفتح 70% فقط بدون المداومة هذا اللي صار معي قبل خلطة الدكوين سعرة 60 ريال سعودي

هذا اللي موجود بسلتي المتواضعة بصراحة ان اعرف كثير لكن هذي الطرق انجحها ومجربة مثل ماقلت

في النهاية احب انوه على نقطتين مهمه

*لازم وضروري تعملي صنفرة على طول للمنطقة اول ماتصحي من النوم مع كل الخلطات خذي لك صنفرة ناعمة من اي ماركة بودي شوب او جونسون اي شي خفيف او على الاقل صابونه فرجينيا او بالقليل القليل خلي عندك فوطه( منشفة صغيرة ) بالحمام لما تغسلين افركي شوي عشان تروح بقايا الكريمات

اللي بتقول الكريمات خطيرة وكرتزون وكلام من هذا النوع اقول انها امنه ومجربة واللي مصرة مصرة مصرة موشرط تستخدمها مااحد مجبور الموضوع مطروح للفايدة