السلام عليكم ورحمه الله وبركاته
خواتي اللي تفهم خاصه بعلم النفس تفيدني بسؤالي
ضعف الشخصيه عند الرجل
هذا العنوان الأساسي بدي اياكم بكل صدق تتخيلوا المواقف هاي وتقولوا لي هل معي حق انه هالإنسان ضعيف شخصيه وجدا كمان وإلا انا اللي ازود الامر
خواتي وسعوا صدوركم مهم تقرأوا كل شي لحتى تقدروا تساعدوني بالأمر لاني اقول انه هذا بلاء ويقولوا لا انتي ماتستاهليه يرادلك واحد شيطان يكسرك
انا اعرف بعض جوانب ضعف الشخصيه انه في منهم يباااان جدا والناس تعرفهم يعني منهزمين كله ساكتين ولايعرف يتكلم ولا يعرف يتحرك ولايتصرف وهالنوع معرووووف ومايختلف عليه حد واعرف نوع ثاني يحاول يعوض النقص اللي في ضعف شخصيته ويخفيه بالصراخ ورفع الصوت ويتقوى على اللي يقدر عليهم
وهالنوع كمان اعرفه
بس انا عندي نوع جديد الصراحه اعرف واحد وتقدم لي
هو يتكلم كثييييييير بس افعاله مافي او في بس قلييييله
يعني يفتكر نفسه سوبرمان انا بسوي هذا انا بكسر هذا انا بعمل وانا وبعدين وقت الموقف تلاقيه قطه ويحاول بالخداع يمشي اللي يريده مو بقوه شخصيته او ثبات رأيه!!
مو هذا ضعف بالشخصيه ويحاول يخبيه بس بطرق اخرى طرق التفاخر!!
يعني اقولكم مواقف
هو يدرس طلاب ومره جا احد اخوان الطلاب اللي يدرسهم هو وقاله لاتنقص اخوي حط له علامات كامله
طبعا شو قوى عين هالإنسان انه يتكلم معاه بهالطريقه لان ببساطه ابوه مشرف فالمدرسه وله كلمته بس يعني ابوه مشرف مو مدير مدرسه او وزير تعليم لحتى ينخاف منه!
ليش مارد عليه رد يسكته وهو بس اكتفى يسايره وبعدها راح اشتكى عليه للمدير وقال له انه هذا فلان يقول لي سو كذا وكذا
أحس حركه مو رجوليه بالمره ليش تشكيه من وراه ليش ماواجهته وكلمته برجوله ليش قلت له اوكي يصير خير وبعدها رحت شكيته من وراه!!
المهم قد يعتبرها عض من الناس حكمه ولكن لا صدقوني المواقف لما تتراكم رح تفهموا شو اقصد
موقف اخر لو حد مثلا قال له فلان تكلم عليك كذا وكذا
على طوووووووول يحط بباله ان الكلام صح ويبدى يتعامل مع الشخص الثاني على الكلام اللي وصله وكانه قرأن منزل وخلص يحط بباله ينسج مؤامرات لحتى يسترد حقه من الإنسان الثاني يعني يوقعه بموقف محرج او يتحدث عنه بأخطاءه أمام الناس وغيرها من حركات القهر اللي بدال مايواجه مثلا ويقول ليش قلت كذا عني ويتصرف كرجل لا هو يفضل من تحت لتحت وعلى السكت بدون مايعرف الواحد شو في !
بالذمه الرجل هيك يتصرف يا بتواجه وتتأكد يا بتعفوا وهذا من شيم الكرام وتحتسب الأجر
بس هيك شو استفدنا ينتقم
ويحب القال والقيل بشكل مو طبيعي يعني هذا قال وشو قال ويتكلم ويبربر كثير
يا ناس احس الكلام الكثير وهذا قال وهذا عمل وعملنا شغل الحريم صح وإلا لأ؟؟؟
جاوبني بصدق لا تخلوا اسلوبي يأثر على حكمكم يعني تخيلوا المواقف وخبروني!
وبعدين يعني مره صار موقف في وحده كانت تتكلم قدامه عن وحده وتقوله ترى فلانه تحبك ومعجبه فيك وتلاحقك وتتكلم عنك وهو مبسوط ويسألها ها شو تقول شو مابعرف شو بس بدو يسمع
وفي مره ثانيه تقوله ترى البنت قالت له ترى هالبنت نفسها اللي تحبك اليوم قالت لي انه انت تحبها وتلحقها ومعجب فيها
هو جن جنونه كيف تقول عني كذا ولما تقابل مع هالبنت بدون مايحاول يواجه او يتأكد قام يعطيها نظرات ويرد بخشونه والناس مستغربه
يعني انت طول ماكان الناس يتكلموا عنها للبنت قدامك كنت مستانس ومبسوط ولاهامك وبس صار الأمر عليك زعلت!!
عيب ليش ماخرستها للبنت اللي تنقل الأخبار من زمان وقلت لها لاتتكلمي عن بنات الناس
لا بس مسه الموضوع شخصيا زعل حضرته
ولما البنت المسكينه بعد مده فهمت من الناس شو القصه زعلت وقالت له اللي تنقل الكلام كذابه وكان لازم ماصدقتها او تأكدت وانت كنت تسمعها تتكلم عني ليش مازعلت وسكتتها وإلا بس يهمك نفسك
قام يحلف ويقول لا والله مو هيك قصدي وانا ماتغيرت مع حد ولا صدقت حد بس انا قلت ممكن تصرفاتي انفهمت خطأ عندك فحاولت اعدل تصرفاتي مو انتي الغلطانه بس لهيك تغيرت معك مو لأني صدقتها!!!
دخلوها بمخي بالذمه بس !!
مال حيث تميلوا!!
هذا يقوله يصدق هذاك يقول يصدق !
ولا يعرف يتصرف كرجل احس!!!
والأدهى مره كان يحب وحده ويريد يتزوجها ويقولها انا بعمل كذا وبسوي كذا وبكون لك الأهل والناس وو يتكلم كلاااااااام ووعدها يتزوجها ويوم جت امه تشوف البنت قالت لأ ماهي حلوه
وتستاهل احلى
قام ترك البنت بكل سهوله ولا كأنه هو اللي كان طايح فيها ويحبها
وقال شو انا طاعه امي من طاعه الله
يا اخي ليش تتكلم كلام انت مو قده والله بنات الناس لعبه دام مالك رأي على امك ولا كلمه ليش توعد وتبرر وتتكلم
المشكله هو معالناس يظهر بمظهر ملاك لأنه هو اصلا طيب
ويحب يساعد الناس والناس تموت بتراب رجليه ولأنه يتم يقول انا وانا ويتكلم شي وأفعاله شي ثاني!!!
والناس لما تكشفه مثلا انه متردد وغلا شي يبرر لنفسه كل شي عنده مبرر قوي ويتحجج بأشياء
ساعه بأمر ديني وساعه انه هاي فلسفه وخطه منه وساعه يبرر تصرفه انه لحكمه في الموضوع والله ما احس إلا انه مايعرف يتصرف لا حكمه ولا بطيخ
وإذا بيسوي شي غلط مهمه سمعته جدا ويحرص يقول هااا بس سر بينا لاتخبروا حد
ويتأكد مافي حد يسمع
حياااااته سمعته
المشكله اني انا الوحيده اللي تعمقت معه بهالأمور لأنه تقدم لي وحسيت بهالأشياء الناس اللي حولي ماحد راضي يصدقني كل الناس تقول انتي تتخيلي وهو فعلا انا ما انكر انه طيب وقلبه ابيض بس مايعرف يتصرف وكله انا وانا وهو ولا شي
وهو تعبان على نفسه بمعنى بأمور المال تلاقيه يفهم بالتجاره ومدبر نفسه ويعرف يتصرف ويدبر عمره وله سمعه طيبه بناها بين الناس
بس احس كل هالأشياء ليغطي ضعف شخصيته
يعني يشتغل على عمره لأجل الناس تقول والله خوش رجال كادح
وهو يلاقي شي يفتخر فيه ويعوض عن نقص الشخصيه اللي عنده فيغطي هالنقص بالمظاهر
هل انا معي حق بالمواقف اللي قلتها والله اني صادقه بكل كلمه مو ابالغ
ولو تشوفوا كيف يكون شكله لما ريد يسوي شي بنظره ونظر الناس خطأ
يكون بالتسلل والخفيه ويأكد للناس لا تخبر الله يخليك لا تقول هااا انتبه لاتجيب سيره
ومره كمان تذكرت موقف ثاني مره كان مقدم لأمتحان وظيفه ومانجح فيها وهو يحسب اني ما اعرف عن انه قدم ومانجح
ولكن ربنا فتحها عليه من باب ثاني وسوى شغل خاص لنفسه
المهم شو يقول لي يقول والله انا كنت مقدم للوظيفه ذيك وابغيها بس قااال مره كنت عند المدير ولاقيته يصرخ في موظف فقلت اناااااا ادخل بهالوظيفه ويصرخوا علي الناس لا اسلم لي افتح شغلي الخاص!!!
يعني كان خاطري اقول له انه انا كنت مع اللجنه اللي رصدوا الناجحين بالإختبار وانك تقدم ومانجحت ( اللي مايطول العنب)بس سكتت
يعني كله يحاول يبين انه شي اكبر
بالذمه مو ضعف شخصيه
لو لا اوصفوا لي اياه شو هذا
وهل شخص كهذا يعتمد عليه وإلا ضعف الشخصيه مصيبه
رغم انه بامور المال يعرف يمشي نفسه ويدبرها ما اعرف كيف طرقه
ولكن انا اتكلم عن حياته وبصراحه اخاف واحد ماله كلمه وكلمه وتوديه تجيبه
المشكله هو ينكر بقوه لو حد لمح له ويبرر ويبرر بس الصراحه مبرراته دايما ضعيفه بنظري والله مش قادره اتذكر المواقف من كثرتها بس مو هاي المواقف لحالها كافيه!
انا اعرف الرجال كلمه وموقف
قولوا لي شو يسموا هالشخص بعلم النفس
هذه مشكلت اغلبية النساء مع الرجال مع الناس يظهرون بوجه اخر ومع نسائهم بوجه اخر
رايي صريحيه وحوالي ان تساعديه من اجل صبط شخصيته
والله يااختي اناانصحك لاتدققي في كل تصرف وتعقدي الامر المهم انه انسان مسؤول في واجباته اما الامور الثانوية مثل اللي حكيتيها فهي جزئيات اهم شيء معك كيف شخصيتو والله يوفقك
والله يا اختي تقريبا كلهم في شخصتين
احيانا تشعري انك عايشه مع سوبر مان
واحيانا تشعري انك عايشه مع قط
………….
انا معك الرجل كلمه وموقف
لكن اعذريني اختي مش هذا الزمن
زمن ابوكي وابوي
فعلا كانو اصحاب كلمه وموقف
………….
اما رجال هاذي الايام انسي ما في
……………
دام هوا طيب معك ويقدر يمشي اموره لوحده مش اتكالي يعني
ما فيها شي
واذا خايفه استخيري اكثر من مره
…………..
وانتي ايضا حاولي انك تغيري من تصرفاته بالتدريج
الله يوفقك يارب
…………….
مررررحب يا حلوه
ومشكلتك يا قلبي انا من نظري مش كبيره وانا بحس انه هالانسان اللي انت بتحكي عنه ما بحب يكبر الامور وبحب يختصر الامور او بمعنى اخر بحب ياخد حقه على السكت بدون ما يعمل مشكله وكل واحد وطبعه,,,,,ونصيحه مني حاولي تتقربي منه وتحبيه ولمى يدخل قلبك وتحبيه رايحه تشوفي كلشي بيعمله حلو ورايحه تتغاضي عن اخطاءه ولا تدققي يا عزيزتي هاي حال الدنيا وما في حدا كامل والكمال لله وحده ,,,بس حاولي تحبيهههههههههههههه والله يوفقك
لا تشغلي بالك ولا تتعبي حالك اذا ماناسبتك صفاتو كبيه وافقسي الخطوبه ايش بدك فيه
ازا من البداية هيك مجننك
السلام عليكم
لا والله انا من وجهة نظري في خلل!!
الرجال هامه سمعته وبس وهامه مظهره امام الناس وبس
وهالفئه تغث الصراحه
ويحب يظهر بمظهر غير حقيقته مهما كان طرقه وعمر ماكانت الغايه تبرر الوسيله
وشغله ثانيه أمه متحكمه فيه وهو مثل النعجه لا له رأي ولا كلمه
مو حرام البنت اللي تركها بعد وعوده لها .. ماحد حس بمشاعرها المسكينه قال شو امه ماعجبتها شكلها!!!
عيب وربي عييييييب هالكلام ويبرر قال رضى ربي من رضى امي هذا مايعرف يتصرف ورح تتبهدل البنت معاه
واصلا شغله واحده بس الأم مستحييييل تتدخل بهالقوه بخيارات ابنها المهمه إلا إذا هو تاركها وينفذ كل شي بدون مايكون له رأي
يا ناس بر الأم وااااااجب وكل الناس يبروا امهاتهم بس ابرها مو معناه انه تنطمس شخصيتي ولا لي رأي ولا كلمه تنسمع وين عايشين معتقل
ربنا قال بروهم واحسنوا لهم بالمعروف بس ماقال طيعوهم طاعه عمياء
يظلم بنت الناس ويعلق قلبها وبعدها تجي امه وتقول مابدي اياها بجبلك احلا منها ويقوم يتركها ببساطه لبنت الناس!!!!!
الإسلام لما حط شروط الزواج قال لاتنكح المرأه إلا بإذن وليها يعني موافقه اهل العروس شرط فرض ولازم للبكر
وأما الرجل فما قال له لا يجوز زواجك إلا بموافقه امك!!! عجبي!
لو كان طاعتها وموافقتها فرض كان الإسلام اشترطه.. ومع ذلك ماقلنا يتزوج غصب عن امه بس يكون له رأي بالموضوع ويكون سبب امه مقنع!!
غير هيك الرجل اللي كلمه وتوديه وكلمه تجيبه مايستاهل يحمل لقب رجل
والله لاحد يقول مهما كانت الأم متسلطه ومهما كان هو بار بس لو كان له كلمه وشخصيه بيعرف كيف يكسب الأمرين بدون ماتغضب امه
بس واااضح من كل تصرفاته انه دجاجه!!
وهذا اللي قاهر البنت
انا استغرب من شي بس أول وحده ترد رد تلاقي اللي بالمنتدى كلهم يكتبوا نفس ردها يعني وحده قالت مافيها شي تلاقي اللي بعدها تقول مافيها شي وعادي وووو
أحس دايما نفس الشي بكل مشكله والناس تردد يعني احس كل الموضوع معتمد على اول وحده ترد والباقي مثل كوبي بيست
انا هذا رأيي واحترم اراء الناس كلها ولكن انا شفت غلط كبير بالموضوع الرجل لايتصرف برجوله واعتقد انه معها حق البنت تحس بقهر
وبكره لو اي مشكله صارت بينها وبينه وكان هو المخطئ بيلف ويدور ويحول المشكله عليها بما انه كل اسلوبه مبررات ولف ودوران ومن تحت لتحت!!
والناس كلهم بيصدقوه وبيكذبوها مهما كانت تقول وتحكي الحقيقه لانه شغال على سمعته منيح الأخ
عارف كيف يخلي الناس تعتبره شي وهو ولا شي
والله انا انقهرت منه ذكرني بخطيبي السابق
أف على سمه البدن بس
اختي صاحبه المشكله اقولك استخيري لا رأي ولا رأي غيري بيفيد بس احنا نعطي وجهات نظر وانا اكتويت بنار شخص مثل خطيبك فحبيت ابدي وجهة نظري بس
حاسه في شعورك ولكن قد يكون هو مختلف او ممكن يتغير لو حسيتي بهذا الأمر مابدي احرضك على تركه
بس انا اقول المكتوب مبين من عنوانه
امممم هذا جبن وبالتالي فيه نوع من ضعف الشخصيه ويبدوا انه يعرف هذا عن نفسه فيحاااول انه يغطي هالأمر لما ينكشف يحاول يغطيه بالتبرير واللف والدوران وخلق الأعذار
مسكين يشفق عليه الواحد مو مشكله كبيره هاي
بس المصيبه والطامه لو كان يخلي امه تدير حياته وتأثر على قراراته وان ماله موقف يوقفه يعني لو لاسمح الله صار خلاف بينك وبين امه وهذا وارد مافي بيت إلا وفيه خلافات يعني نحنا نختلف مع امهاتنا وتصير مشاكل عاد مع حماتك مابدها تصير مشاكل
المصيبه انه لو صارت مشكله وحماتك حرضت ابنها على تركك
او انه كبرت المشكله وعبت راسه بكلام وهو باين عليه كلمه تجيبه وكلمه توديه
رح تتعبي معه كثييييييير كثير يعني كل صفاته كوم وهالصفه هاي لازم تتنبهيلها وإلا بتلاقي حالك ببيت ابوك عند اول مشكله مع حماتك او حد من اهله
وبيصير يقولك رضى الله من رضى امي!!
إخلصي عاد ساعتها
وبعدين امه باين عليها شرانيه
كيف تقول لأبنها هاي مو حلوه وتعيب خلق الله
النفوس الطيبه مايصدر منها هالكلام
لو قالت هالبنت اخلاقها مو طيبه كنا قلنا لكن تمنع ابنها بحجه انه خلقه ربها مو عاجبتها
فايا اختي شو هالعيله اللي وقعتي فيها!!!
أهربي وانفذي بجلدك
مجرد رأي
وأكيد الإستخاره هي الفيصل وربك يكتب اللي فيه الخير
