الصراحة أنا قرأت الموضوع ده في إحدى المنتديات المميزة وعجبتني الطريقة
وقلت لازم تعرفوا طريقة كفتة البطاطس لأنها أكلة رائعة صدقوني
جربوا ومش هتندموا ، ودي طريقة بسيطة لعمل كفتة البطاطس اللذيذة
أولا : المكونات 
– كيلو بطاطس مسلوقة ومهروسة (تهرس البطاطس بالشوكة ولا تستخدم الكبه)
– حزمة بقدونس مفرومة
– كيس فيجتار
– بيضتان
– كوب بقسماط مطحون
– ملح-فلفل
ودى صورة المكونات
ثانيا : للحشو : 
لحمة مفروم عصاج (يراعى أن تكون حمراء مافيهاش دهون )-
– جبنه كريمة على جبنة رومى مبشور
ودى صورة الحشو
ثالثا : للتغطية 
– أول طبقة : كوب دقيق على كيس سبايسى أو كيس فيجتار
– تانى طبقة :بيضتان مربوبتان على ملعقتين لبن
– تالت طبقة :كوب كورن فليكس مطحون على شويه بقسماط
– ودى صورة بمكونات التغطيه والتغطيه دى شغالة – فى كل البانيهات
رابعا : الطريقة 
– — نحط مكونات العجينة على بعضها ونعجن لحد ماتكون جينة قابلة للتشكيل
ممكن نزود كمان شويه بقسماط
والصورة مبينة إن العجينه يمكن تشكيلها لإنى عامله قرص ورامياه فيها
– ممكن نضيف الملح والفلفل بس بحرص لإن الفيجتار بيكون فيها ملح وبهارات
– نصبع الكفته زى الصور ممكن كور وممكن
الكور لحشو اللحمة المفرومة مثلا والصوابع للجبنة وممكن نصغر الصباع
شويه بس مش كتير
– وبعدين نحط مكونات التغطيه زى الصور
وممكن نزود بيضة كمان لو لقينا الكميه خلصت وممكن نكرر العمليه تانى
للصباع الواحد لو إتبقى حاجة يعنى نرجع تانى نحطه فى البيض وبعد كدة
البقسماط بالعربى كدة ما فيش حاجة تترمى
– نغطى الصوابع وبعدين نحطها فى التلاجة لمدة ساعتين على الأقل
– وممكن نقسمها نحطها فى الفريزر بس نحكم إغلاقها يعنى نغطي الطبق
بكيسين بلاستيك محترمين ونربطهم كويس عشان تفضل متماسكة وما تطراش
ودى صورتها بعد ماطلعت من الفريزر بس مش الكميه كلها
– نكون مجهزين زيت غزير للتحمير وبعدين نقدحه بس مانزودش يادوب يبتدى
يقدح (علشان الكفته ناتغمقش على طول وتاخد وقتها )وناخد من الفريزر
على الزيت ونوطى النار تاخد لون من تحت نقوم مقلبينها على طول عشان تاخد
نفس درجة اللون من فوق ويراعى أن يكون اللون دهبى مش غامق
وده هو الشكل النهائى للطبق بس للأسف هيا إغمقت شويه لإنى قدحت الزيت
قوى بس بأمانة هيا بتطلع منى أفتح من كدة بس واضح إن اليوم مش يومى
النهاردة
شايفين الحشو من جوه بيكون عامل إزاي للجبنه عشان كدة لازم تتقدم سخنه
عشان خاطر الجبنة ماتزعلش بصراحة كله كوم وزعل الجبنة كوم
يا رب أكون أفتدكم يا قمرات وأنا أحب أقدم أي حاجة تفيد منتدانا الغالي وقسم
الأطباق الرئيسية ، أرجو أن يكون الموضوع بالفعل حاز على إعجابكم وأرجوكم
جربوا الأكلة
تسلمي بيرو على النقل المفيد
الله يسعدك …..
بانتظار مواضيعك الحلوة ياعسل
يقيم
|
المشاركة الأصلية كتبت بواسطة طائرالوئام
 تسلمي بيرو على النقل المفيد
الله يسعدك ….. بانتظار مواضيعك الحلوة ياعسل يقيم |
الصراحة أنا أحب دائما مشاركاتك في موضوعي يا طائر الوئام
وتسلمي على أحلى تقييم منك وهذه شهادة أعتز بها
يم يم يمممممممممممممم تستحق تتجرب باين كثير طيبة
مشكورة غاليتي
|
المشاركة الأصلية كتبت بواسطة حبوبة وليد
يم يم يمممممممممممممم تستحق تتجرب باين كثير طيبة
مشكورة غاليتي |
يا رب تجربيها يا عسل ، وتعجبك
بارك الله فيك على المرور ، ويا رب يوفقك دائما
رائعه وطريقه باين عليها لذيذه جدا تسلم ايدك عالتعب ويعطيكي الف عافيه يارب عالتوضيح وبالصور ابدعتي
|
المشاركة الأصلية كتبت بواسطة شفت الدنيا
رائعه وطريقه باين عليها لذيذه جدا تسلم ايدك عالتعب ويعطيكي الف عافيه يارب عالتوضيح وبالصور ابدعتي
|
أشكرك جزيل الشكر يا ( شفت الدنيا ) على مشاركتك الأكثر من رائعة
يسلمووووووووووووووووووووووو يالغلا