الصدر ضايق وانت ضيقت صـدري
و انا معك مـن غيـر وجهـة و تحديـد
يا كثـر ما تجرحنـي و يـزيـد صـبـري
كنك تقول أزيد ؟ و اقـول لـك زيـد
تقول ياعمري واقول: انت عمري
كنـي وراك اسمـع وش تقـول واعـيـد
احيان اسولف فيك .. واحيـان اهـذري
كـنـي اســوي للأحاسـيـس تجـديـد
ماراح تلقي صدق واحسـاس كثـري
وأن كان مانـت مصـدق اعطيـك تأكيـد
غنيت لك ياللـي علـى البـال تطـري
وانـا مـن يديـن الصـبـر للمواعـيـد
ورجعت اغني فيك ماعاد بدري
لو وقفت دونك سـلوم و تـقاليـد
اشفق على صوتـك مـع اليـل واسـري
حتـى وانـا جالـس بوسـط الاجـاويـد
يا صاحبـي غزيتـنـي غــزو فـكـري
واصبحت تحكمنـي وانـا مقـدر احيـد
مو بس <احبك>إلا سلمت لـك امـري
ناقـص تجـي وتحـط بيدينـي القيـد
صرت اتمنـى بـس يعجبـك شعـري
حتى لو انه ماعجـب زيـد و عبيـد
من ويـن أببـدا فيـك والوصـف يغـري
نــور الليـالـي واحتفالـيـة العـيـد
تلعـب دلـع وانـت الـدلـع فـطـري
أي والله العـب فيهـم و كيدهـم كيـد
عندك خبر !! صوتك رومنسـي وسحـري
واحساسـك اصلـي مامعـك شـي تقليـد
وزينك على بعضـه مميـز وحصـري
إعجاز بـس اعجـاز مـن غيـر تعقيـد
شعرك ولا عيونـك أو عـاد تـدري
مــاودي افـتـح عـيـون المقـاريـد
تقبـل احساسـي وحـبـي وشـكـري
حتـى لـو انــي ماقطـفـت العناقـيـد
وسلم على قلبك تـرى الحـب عـذري
ودوبـك علـى قلبـي فدتـك التناهيـد
أمـا تشـوف لوضعنـا حـل جــذري
ولا بـلاش نحـب .. ونعيـد .. ونـزيـد
رائعـــــــــــــــــه جــــــــــدا يعطيك العافيــــــــــــــــــــــه
يسلموووووووووو
حياكن اخواتي واسعدني تواجدكن هلا وغلا
اختي الغالية روعة وسلمت يداك
احب ان افيدك بشيء ذكرت في توقيعك بيت شعر للمتنبي انا اعشق هذا البيت ولكنه ليس كما كتبتيه والصحيح هو
و ما كنت ممن يدخل العشق قلبه و لكن من يبصر جفونك يعشق اتمنى ان تصححي البيت في توقيعك يا الغلا
ابيات جدا رائعة
تسلمين غلاتي
رووووووعه الله يسعدك
وتم لطشششه احب هالنوعيه من الاشعار
دمتي عزيزتي