أرجو الدخول للإفادة والإستفادة وخاصة خبيرات الديكور

السلام عليكم ورحمة الله وبركاته

فيه معرض راح يقام في قاعة هيلتون جدة اسمه المعرض الدولي العاشر للأعراس 2024 وراح يكون من 1 الى 3 مارس 2024 يعني بعد اقل من شهرين ..

وبحكم انو عندي مؤسسة مكياج وعطور ولانجري فقمت بمغامرة قوية وهو اني اخذت مساحة على مدخل القاعة واخذت راعي رسمي في المعرض بسعر 23 الف ريال ..

مساحة المحل اللي انا اخذته 8 متر في 4 متر وطبعا على ثلاث واجهات مفتوحة وواجهة وحده بارتشن 8 متر ..

ومحتارة جدا في الديكور اللي راح اعمله مع العلم ان المعرض مغطى اعلاميا عن طريق اغلب الصحف ومغطى تلفزيونيا عن طريق قناة العربية وقناة الام بي سي وقناة السعودية الاولى وقناة عيون جدة ..

المعرض نسائي مغلق راح تفتتحه أميرة ( يا أخت الملك أو بنته لسى ما تحدد ) راح يتم توزيع خمسين الف بطاقة دعوة للأميرات وسيدات الأعمال وكبرى العوائل في جميع انحاء المملكة بحيث ان اليوم الأول الدخول لحاملة البطاقة فقط واليوم الثاني والثالث لعموم الناس ..

طبعا تقريبا انا قررت اسوي الأرضيه خشب باركيه عودي بس محتاره في باقي الديكور .. زي ما انتم عارفين لازم اطلع بمظهر مشرف ولائق جدا لأحقق ما أريده ..

المشاركين في المعرض من أكبر الشركات في المملكة وعلى رأسهم على سبيل المثال ( مجوهرات فتيحي .. مجوهرات معوض .. باتشي .. عبد الخالق سعيد .. قزاز .. عبد اللطيف جميل .. ……. )
يعني لازم أكون على مستواهم مع ان طموحي إني أكون الأفضل مهما كلف الأمر ..

طبعا عندي وكالة ثلاث ماركات مكياج أوروبية ووكالة ماركتين لانجري وحده سورية ووحده فرنسية ..

ياليت كل وحده تبدي رأيها ..

وعسى ربي يوفقكم ويسعدكم ويحقق امالكم ..

دمتم بود ..