أول يوم بعد الاجازة

/
هذي قصتي /

اليوم كان اول دوام لي بعد اجازة الوضع .. خليت بنتي عند امي وكنت متطمنة عليها من هذي الناحية ..

بس امس ما قدرت انام .. افكر وايد شو بيصير ..

والصبح من بعد صلاة الفجر ما قدرت انام .. وافكر كيف راتب نفسي واجهز بنتي عشان اوصلها بيت اهلي ولازم اكون مرضعتنها لاني .. بتعصب علي اذا كانت يوعانه .. ومع هذا طلعت من البيت و الغرفة فوووووووووووضى ..

/
لما وصلت بيت اهلي حصلت امي تنتظرني .. وخذت مني البنت عشان اروح .. بس ما رضيت اروح ( عادي اتاخر اووول يوم هههههه )
/
لما وصلت الدوام كنت حاسة بخوووووووف .. مع الكل يسلم علي ويبارك لي ..
/

وتضايقت من رئيس القسم لانه قالي ما شيء اجازة سنوية زاايدة ..وقالي انه يريدني في مكتبه عشان يسلمني الشغل .. وانا ما اريد اشتغل ..

/
طلعت من الدوام الساعة 10:30 ع اساس ارضع بنتي .. لما وصلت كانت نايمة .. وخبرتني امي انها نايمة قبل شوي خلي البنت ترتاح كانت تصيح .. وعاد عورني قلبي عليها مسكينة ..

/