* المطلقه .

صبااح الفل ..
في موضووع يقهررني اكره نظرة الناس له
غاالبيتهم ادا ماكانو كلهم .. * المطلقة *
شخص منبوذ في المجتمع وتتعامل معاملة المجذوم 😟
طبعاً كل مجموعه من النااس لهم نظره ..
ناس شماته .. وناس شفقه .. ونااس كره
وناس احتقار ووو….الخ
نظرات كتيره للمطلقه وكأنها شخص … استغفرالله بس
انا مطلقه .. اتزوجت مجبوره !!والنتيجه كان زواج على ورق بس ..
يعني انا لساتني (بنت) زيي زي اي بنت في بيت اهلها لساتها ماتزوجت
لكن .. معاملة الناس ليا غير .. يووجعني قلبي كتيير
انا مريت بظرووووف الله وحدو عالم فيها شووفت من الدنياا اللي ماشافووه اللي معمرين وانا لساتني صغيرا
ما احب ابين ولاعمري حكيت قدام احد بس تعبت اكبت بنفسي
ليه كداا ليه معاملة المطلقه بعيد عن الانسانيه ؟؟
بأي عصر نحنا ..
حتى القرون الاولى ماكانو كدا !!
في زمن الرسول صلى الله عليه وسلم كانت المرأه تتطلق كم مرا عادي مايعيبها شي تتطلق وتتزوج عادي ..
هناا في مجتمعنا يستكثروا ع المطلقه واحد ماتزوج من قبل ..
بس لوبنت عادي ييزوجوها مطلق ..
انا طليقي كان مطلق واانا بنت …!!
انا دحين ما افكر بالزواج ابدا ..
اللي مريت فيه كرهني الزوااج كلو يبغاالي فتره طوويله عشان اشفى منو !!
نفسي اتعامل معاملة البنات اللي بسني ايش ذنبي اعيش عمر اكبر من عمري
لا اتهنيت بزواج وانغصبت ولاحتهنى كوني بنت ولا خلاص انطبع عليا توقيع مطلقه ..
ياليت الناس يرتقوا شويا بنظرتهم والله المطلقه طبيعيه مافيها اعاقه مافيها عيب الحمدلله كويسه وتاكل وتشرب زي الاوادم لاتعض ولا تأذي كائن اليف ياناس