انا هاقول مشكلتي بصراحة بس ياريت اللي تقدر تساعدني ترد عليه انا محتاجة المساعدة فعلا
وانا صغيرة كنت حاسة اني بحب ابن خالتي بس كنت بحس ساعات كتير انه وهم وكمان هوه اكبر مني ب5سنين
وقولت استحالة انه يبفكر فيه لانه ممكن يكون بيعتبرني عيلة بالنسبة له
وانا كنت في الثانوية العامة (تانية ثانوي)عرفت من اخته انه حيخطب زعلت جامد وفقدت الامل
وبعد كدو كانت بنت خالتي عندي في الصيف وسالتني انتي حبيتي قبل كدة ؟فانا قولتلها انا معجبة بشخص ما
قالتلي ممكن اعرفه المهم في الاخر عرفت انه اخوها وقولتها انه استحالة يحبني قالتلي انتي ليه بتقولي كدة
فانا قولتلها مش انتي قولتي انه حيخطب قالتلي اللي كان حيخطبها دي عمره ماحبهاوهوه وصرف نظر عن الموضوع
لغيت لما يخلص الجامعة المهم عاد الامل ليه وحسيت اني بحبه كتير
وبعد كدة مع بداية تالتة ثانوي بنت خالتي قالتلي انه طلب منها انها تكلمني ويقولي انه بيحبني
فانا اليوم ده فرحت جامد وكنت حاسة اني اسعد واحدة في الدنيا
وطبعا كان عايز يكلمني في التليفون فانا رفضت عشان مفيش حاجة تعطلني عن مذكرتي وانا كمان كنت بذاكر علي اساس
ادخل كلية الهندسة
انا كنت بذاكر عشانه وكمان عشان مش احس ان احبه معطلني عن مذاكرتي عشان انا والحمد لله من المتفوقين في
مدرستي ديما
وبعد ما خلصت السنة وظهرت النتيجة وجيبت مجموع عالي جدا ودخلت هندسة
وقبل مادراسة تبدا بدأنا نكلم بعض في التليفون والشات ويوم الكشف الطبي في الكلية اتفقنا اننا نشوف بعض
وشوفنا بعض ومشينا مع بعض حول الكلية لمدة نصف ساعة وكنت حاسة بالذنب وخايفة ان اي حد يشوفنا وفي نفس الوقت
الوقت فرحانة
وتكررت المقابلات عندي في الكلية ومفيش حد بعرف اني بشوفه من اهلي بس مامتي عرفت اني شوفته مرة واحدة
وانا اللي قولتلها
بعد كدة انا قولتله ان اللي بيحصل بنا ده حرام فكان بيقول انه اول لما يخلص الكلية حيخطبني وانه بيحبني بجد
بس انا كنت حاسة بالذنب وكذا مرة قطعنا ومش كنا بنكلم بعض عشان السبب ده وانا اللي كنت بقول انه حرام وعيب
وغلط
المهم دلوقتي اقتصرت علاقتنا علي الشات وكل اسبوعين مرة كل شهر علي حسب
ولسة من يومين كدة انا بقول لعمتي عليه فقالتي هو في كليةايه؟ قولتلها في تجارة اخر سنة قالتلي انه مش ينفع انه يجي
يجوزك اكيد حيكون في فرق في التفكير وحيكون في مشاكل بنكم
ومب الاخر اصرفي نظر عن الموضوع وانتي لازم تجوزي مهندس زيك
انا دلوقتي محتارة ومش عارفة اعمل ايه
انا كمان مش بقيت افكر فيه زي الاول واهم حاجة هي دراستي
وغير كدة لو انا سيبته وقولتله اننا مش يبفع نكون لبعض هوه ذنبه ايه
انا متاكدة انه بيحبني كتبر حب مش طبيعي
لو سيبته انا استحالة اجرب حب تاني
انا خايفة انه اللي كان بيني وبينه مش حب
انا مش عارفة
ولو ارنبطت بحد تاني انا لازم اقوله علي اللي حصل عشان مش اكون بخدعه
انا محتارة بجد
انا عايزة المساعدة منكن
حبيبتي اسمحيلي
انا بس مشغولة دلوقتي هارجعلك تاني
وأرد عليكي إنشاء الله
تحيتي لك
حبيبتي اسمحيلي
انا بس مشغولة دلوقتي هارجعلك تاني
وأرد عليكي إنشاء الله
تحيتي لك
حبيبتي الرقه انا اشوف ان الفرق 5 سنوات مش كثير
اهم حاجه الحب والتوافق اذا موجودين بينكم
ومش لازم تكونوا من نفس التخصص اهم شئ الحب اذا انتي حاسه انك
بتحبيه وهو كمان بيحبك انشاءالله راح تنسجمون مع بعض
الله يوفقك انشاءالله وتقبلي تحياتي
اوكي حبيبتي انا مستنية ردك
يا أختي إذا كان يحبك فعلا سوف يخطبك بعد التخرج من الجامعة إن شاء الله فتوكلي على الله و كوني عفيفة في علاقتك به و اتبهي لدراستك و لا تنسي صلاة الإستخارة حول الموضوع . أتمنى لك حياة سعيدة و مليئة بالأفراح و المسرات مع من تحبين .
لو في حب ويحبك اكيد هيتجوزك
بس لازم تكوني حسه بخوفه عليكي وحبه ليكي
حبيبتي
الفرق ليس كبيرا جدا مناسب كثير
وانتي اهتمي بدراستك فقط ولو ربي كاتب بينكم نصيب حتتزوجوا اهم شي لا تتعبي نفسيتك بالتفكير فيه وخليها في علم الغيب احسن وكمان علشان ما يقولك بعد الزواج انه علاقتك به قبل الزواج تنقص قيمتك في نظره وتضعف الثقه
الافضل خليها على الله احسن
