انا بقولكم موضوعي باختصار واتمنى القى منكم ردود :
انا بنت بالجامعه اول سنه وقبل تقريبا 3 سنوات كانوا متكلمين علي ناس انه اول ما اتخرج يخطبوني لانهم معجبين فيني وفأخلاقي انا صراحه مرا انبسطت وحسيت بسعاده مالها حدود وحطيت امل كبير على هذا الشخص اني بعيش معاه واهلي مرا فرحوا لانه انسان مرا كويس واخلاقه كويسه وانسان راقي بمعنى الكلمه وحطيت امالي عليه واتخيل نفسي ساكنه هذاك القصر الحلو كانت امه كل اسبوع تجينا عشان تشوفني وتتطمن علي ومرت هذي ال3 سنوات واهلي متحمسين واخواني مبسوطين لي مرا واحس كانو يقولون انشالله يارب يصير من نصيبك …الصدمه الي انصدمتها وحسيت اني انكسرت ان امه خطبتله وحده ثانيه مافيها ذرة جمال وبنفس عمري ونفس المدرسه كنا انا وهي تعبت نفسيتي مرا مرا مرا وصرت اذا تذكرت الامل الي كنت عايشه فيه ابكي ما اقدر اتخيل ان هذا الشخص حيتزوج بعد كم يوم وكيف ححظر زواجه والله نفسيتي مرا تعبانه واتمنى اعرف ايش السبب الي صرفهم عني وليش بس ساعدوني بردودكم واقتراحاتكم ابغى ارفع معنوياتي شوي تعبت من التفكير..
لازم ياحبيبتي انو الزواج هاذا قسمة ونصيب ومايمديكي تجبري احد انو يتزوجك وحتى لو كانت زميلتك مافيها ذرة جمال انتي ماتعرفي امكن في شي جذبوا ليها وموجود عندها مو عندك وكمان اولاد الحلال كتر وبالصبر والايمان تتحل الأزمة وحاولي انتي كمان تنسي الموضوع نهائيا انسيه زي اكنو شي ماحصل ربنا خلق النسيان رحمة بينا وادعي انو ربك يرزقك بواحد احسن منو وادعي انو زواجه يتم على خير ويسعد بحياته مادام انك عارفة انو الولد كويس يستاهل كل خير بدل ماتتحسري على نفسك فكري بالمستقبل واحرصي على دراستك ترى دراستك هي اللي حتنفعك
ماعليه ياحبيتي الزواج قسمه ونصيب وماتدرين وين الحكمه فيه انتي ادعي الله انه يرزقك افضل منه والله سبحانه وتعالى مايتخلى عن احد بس انتي كثري الدعاء وتخطي الامال والاحلام لاتخلينها تأثر عليك ولاتطرحين اسئله حول ليش تركوني وليش مايبوني وليش وليش فلانه اصلا اقل مني كيف ياخذونها لانها تأثر سلبا على حياتك وعلى خياراتك فقط قولي ان شاء الله القى احسن منه وربي بيعوضني خير والله يرزقك يارب الزوج الصالح وشدي حيلك بدراستك والله يوفقك يارب
مشكوووووره عالردود يعطيكم الف عافيه وانا والله اني عارفه انه قسمه ونصيب ودايم اقول الله يوفقه انشالله والله ودايم ادعي ربي انه يرزقني احسن منه ..
حببيتي واللله انت لازم تشكري ربنا انا هدا ربنا يحبك وصرف عنك الزواج وعسى ان تكرهوا شيئا وهو خير لكم والله الصراحة ارتحتي وربنا يعوضك خير
حياتي شيليه من بالك نهائيا لان الله ماهو رايدكم لبعض امكن نصيبك احسن منه ان شاء الله اعرف ناس شابكين وفرحهم ماباقيلها الا اسبوعين او ثلاثه تفركش كل شيء وكل واحد راح لحال سبيله وتزوج وبنسبه لفرحه لاتحضرينه مستحيه منهم هم عارفين وش سوو اهم شئ شيليه من بالك ولا تعدينه في هاالدنياء اعتبريه ماااااااات0
حبيبتي كلام الاخت ضوء القمر مرا حلو وانا معاها في كل شئ
حبيبتي الزواج قسمة ونصيب
ولو كان لكي الخير كان ربنا وفقكم مع بعض
قولي الحمد لله بدل ما كان حصل زواج وانفصال بعد كدة مثلاً
اكيد ربنا كتبلك الخير في شيئ أحسن
وربنا يوفقك وكوني متماسكة أكثر
تحيتي لكي