السلام عليكم ورحمة الله وبركاته
كيفكم بنات
اعجبني القسم هذا لحل المشاكل قلت اجرب واقول مشكلتي وانا متامله
احصلها حل لاتبخلون علي يابنات
القصه ومافيها
ما ادري كيف ابدا بس بقول كل اللي مضايقني وابيكم تقولون لي وش اسوي
اولا: انا متزوجه من فتره بسيطه والحمد لله حياتي عاديه
لكن المشكله والمصيبه في خوات زوجي وش اقول فيهن احس الكلمه قويه بنات تخيلو ان اخت زوجي وحده كبيره عمرها في الثلاثين راعية طلعات ومكالمات وعندها بنات مثلها نفس الطينه لو اقول هذولا ببيتهم
طيب الموجودات عندنا بالبيت 2 مثلهم يكلمون وحده منهم دايم صديقها يجيب لها هدايا وظروف من تحت الباب الشارع اللي يقهرني انو زوجي مو ملاحظ شي ابدا مايشك في تصرفاتهن ويموت باخته المتزوجه الضايعه ولا يجبرني نروح نزورهم وننام عندها
تخيلو مره كنت زايرتها وبعدين لما طلع زوجي طلبت ياخذني لبيت عمتي
واخذني لها وبنفس اليوم بناتها دخلو ولد ببيتهم ابوهن كان معزوم من اللي كشفهم ولد جيرانهم دخل عليهن البيت وطلع الولد وظربه اللين تاب
اللي قهرني في السالفه شنو انو ولد جيرانهم سال زوجته عني قالي هي وينها عندهم بس زوجته قالت له اني رحت لعمتي تخيلو شاك انو انا من نفس طينتهم لو اني مارحت لعمتي وش راح يصير تخيلو لو انهن مدخلاته علي يسونها بايعات انفسهن عادي يبيعني
ااااااااااه تعبت منهم ومصايبهم لو كنت ادري عنهن قبل وربي ما اتزوج ولدهم اللي يقهرني زوجي احلف لكن بالله انو رجال بمعنى الكلمه وطيب مره معاي بس المصيبه بخواته العالم عارفه عن فضايحهم الا اخوانهن
مايدرون عنهن وامهن اللي هي عمتي انسانه عايشه حياتها على بالها لسى بنت مو مثل النسوان الكبار بالسن غريبه مره وش اسوي انا اخاف على نفسي من هالناس بنات اطلب الطلاق واطلع من هالعالم اللي كله فساد قبل ما احمل منه تخيلو بكره اذا ربي رزقني بنات يطلعون عماتهم صايعات وش ذنب بناتي
ابي حل وربي اكرهم مره مره مره عمري ماجبت طاريهم عند زوجي
ولا مصايبهن وش اسوي ساعدوني لاتتركوني
والله انها مصيبة …… بس حاولي تهدي شوية ريحي اعصابك حاولي انك تبعدي زوجك عنهم قدرالأمكان زي انكم مثلا تسافروا لفترة قصيرة بره وواضح انو من السالفة كلها مهما قلتي وعملتي حيطنشوكي لكن حاولي انك تخرجي زوجك معاكي او اقضي وقت اطول معاه حاولي انك تبعديه عن حياتهم نهائيا لاتخليلهم فرصة انهم يهزموكي واذا اضايكتي مرره حاولي بهدوء تكلمي زوجك بطريقة ماتتحسسوا انو البنات دولا مسويين اشياء خطيرة مرره ولا انهم بنات صايعيين زي ماتقولي ولازم تعرفي حاجة مره مهمة ( الساكت عن الحق شيطان اخرق) وادعي انو ربي يهديهم ويصلح حالهم
الله كريم انشالله
الله معك ياغالية ويصبرك ويهديك للطريق المستقيم امين
مشكورين ع المرور
تكفون ادعو لي ان ربي يكفيني شرهن ياحي ياقيوم
اكره الناس اللي كذا وين عقولهن مايخافن الله في انفسهن
ناسيات الله والا كيف يسوون هالحركات كيف يكلمون
الله يكفيني شرهن ويهديهن يارب العالمين
حبيبتي اول شي هدي بالك وادعي لهم بالصلاح والهدايه تراهم يحسون بنقص عاطفي شديد تراهم عارفين ان اللي يسوونه غلط لكن متى راح تجيهم صدمه تصحيهم بعض الاحيان عشان تحمين نفسك لازم تاخذك الشجاعه لقول الحق لازم تهزين يدك وتقولين كفايه كذا الغلط غلط والصح صح طبعا هذا اذا يسوون الغلط قدامك ومو سألين فيك خليك حازمه معهم واذا ماقدرتي مالك الا انك تبتعدين عنهم وخليك مع زوجك ترى نادرا ماتلقين شخص محترم وطيب هالايام ولاتتركينه بسبب خواته والله يوفقك وهذا رأي انا وان شاء الله مايقصرون وياك البنات
والله يوفقك يارب
والله حبيبتي ربنا يصبرك والله الصراحة ما عليك الا رب العالمين واقري سورة البقرة وسورة يس والصلاة الاستخارة وربنا يعافيك
والله ياعمري يا روح مابعدك روح ابتعدي عنهم قد ماتقدرين وخبري زوجك وامكن يكون
انفصالك عن زوجك لو مافهم الوضع افضل لان الي مايخاف الله يسوي اي شيء حتى لو يدبرولك مصيبه حتى تسكتين على بلاويهم وساعتها زوجك مابيصدقك لو قلتيله ان خواته مسوياتها ويشوهن سمعتك المره الاولى الله نجاك 000والله يحميك انشاء الله 0