السلام عليكم كيف حالكم بنات
إن شاء الله بخير
ياسيدات ساعدوني وش اسوي اليوم الأول والثاني
للزواج واسبوع العسل على قول خطيبي
ماني عارفه وش اسوي من ناحية الملابس او ترتيب اغراضي 
ودي لو وحده تجدول لي جدول وتقولي سوي كذا وكذا 
لأني خايفه بالحيييل؟؟؟
ساعدوني حتى بدعواتكم
تكفون والله ماني عارفه وش اسوي…
أنا مثلك بالضبط مادري ايش اسوي بكل شي من ناحية الزواج ولاشهر العسل و…الخ
ياليت المتزوجات يفيدونا بهالشي
واكون شآكرهـ لكم
مبروك مقدماً لكل عروس بالمنتدى…
انا حابه اساعدكم من كل قلبي ياأمهات المستقبل
أسألوني وأجاوبكم باللي تحتاجونه
وتقبلو مروري
السلام عليكم ورحمة الله وبركاته
شوفي يالغاليه..
اول ليله اجلسي بفستانك شوي عشان يشوفك ويشوف فستانك زين
بعدين روحي بدلي الفستان بقميص النوم وخففي مكياااجك قد ماتقدرين
وفكي تسريحتك بهدوء ورقّه ونعومه
عشان مايتشوه شعرك وينفش اطلبي من الكوفيره تصلح لك تسريح بدون نفش بالمشط
اول 3ايام قمصان وبيجامات طويله وبعدين ابدي قصريهم بالتدريج
جهزيلك شنطة سفر صغيره وحطي فيه كل مستلزماتك الضروريه مثل:
ملابسك من قمصان النوم وملابس الطلعه الخاصه والعامه وأنصحك بالملابس الداخليه المخصصه للدوره الشهريه بالصيدليه لأنك راح تستهلكينهم بكثره خاصةً اول أسبوعين ومافيه وقت لغسل الملابس الداخليه..
مناكير ومزيل المناكير الزيتي أفضل اللي يجي بعبوات كأنها مناديل معطره
المكياج ومزيل المكياج
الإستشوار
العطر ودهن العود
شامبو وعطورات الجسم بعد الحمام
بشكير الحمام(فوطة جسم وشعر)
كريم
أكسسواراتك ومجوهراتك الضروريه المناسبه للبسك
إعذرينا عالإطله
وأتمنى إني أكون مانسيت شي
وإستفدتي فعلاًمن كلامي
واي شي تحتاجينه اسألي ولاتستحين وأنا أختك
ودعواتكم لي بالهدايه والصلاح ..
تحيه طيبه مني لك يالغاليه..
شوفي جبيبتي بعد ماتدخلين بيتكم مثل ماقالت الأخت خليش بثوب الزفاف
وقبل العشاء بدلي والبسي ثوب نوم طويل من قطعتين وامسحي مكياجك الثقيل
وحطي لك اساس وكحل وروج يعني مكياج خفيف وفكي التسريحه خليها بسيطه اذا تعرفين
اما اذا ماتعرفين اتركيها احسن لا تخربين شكلك
طبعا هذا قبل العشاء اكيد
اما بالنسبه الى شنطة السفر هذي الأشياء اللي ممكن تحتاجينها
ملابس عمليه للخروج
ملابس سهره مع زوجك يعني بدلات وكذا
ملابس داخليه
قمصان نوم
جزمه مريحه للطلعات الطويله
مكياج (اساس وكحل وروج ) شي بسيط ولا تنسين مزيل المكياج
استشوار مع كرستال
اكسسوارات شعر
كم شنطه
جرابات
عطورات ومزيل عرق وكريمات حمام
ولا تنسين الفوط الصحيه
شامبو وصابون وممكن رغوه
فوط
فرشاة شعر
حبيبتي هذا اللي في بالي الحين
اذا ذكرت شي زياده راح اقول لك
واذا عندك اي سؤال اناالخدمه
كمان فرشاة اسنان والمعجون
ومعطر الفم
ام فيونة
فراشة القمر
مشكورييييييييييين
الله يعطيكم العافية الحين ارتحت وعرفت وش بسوي
بس ماقلتوا لي وش اسوي مع أهله ومعاه اليوم الثاني من الزواج ابتداء من الصباح أو الظهر
….وأكون شاكره لكم غالياتي..
ومن ناحية المكياج اكيد بحط خفيف بس المشكلة هنا هل أنام بالمكياج الخفيف والتسريحه
وأجلس اليوم الثاني وألبس فستان الصباحية وعلى المكياج نفسه والتسريحه
اتمنى انكم تفيدوني ؟؟؟