تعـالوووو يالمتزوجـات شوفـو الشباب باللإسـتـراااحـه إللـي فيها زوجي وش يقـو

السلام عليكم ورحمة الله وبركاته صبحكم الله بالخيرررر ياخيـاتي
اليوم كنا نسولف أنا وزوووجي عن النت وبالصدفه جبنا طـاري هالمنتدى (سيدتي)وجلس يضحك ويقولي ياصبر المنتدى عليكم وعلى شكاويكم وطبعا ماجازلي كلامه وجلست أدافع عنكم وشحطت عيوني فيه وقالي موب أنا. قلت له أجل مين؟ قال أصحابي في الإستراحــه جابو طاري المنتدى وشكاوي الحريم فيه وأنا أقوملكم واترك اشغـالي وأتربع وأقعد لزوجي قعده وفصفصته تفصفص أخذت منه كل الكلام إللي قالوه أصحابه في الإستراحه طبعا نصهم متزوجين والبقيه عزابيــه المهم ومير مالكم بالطويله قالي كالاَتـــي :

يقول واحد عزابــي من اصحابه يقول حبيت شي إسمه أنثى أحس من شكاويهن فيهن الشفافيه والعفويه وبعض البنات اللي مو متزوجات فيهن البراءه

وواحد يقول شفت موضوع وحده تشتكي من زوجها وحسيت إنها زوجتي تشتكي من وراي عشان نفس الموضوع اللي تشتكي فيه صاحبة الموضوع كنا أمس انا وزوجتي نتناقش فيه

وواحد من اصحابه يقول أنا من أدخل النت لازم افتح منتدى سيدتيعشان أحفظ بعض الطبخات وأجبر أختي بعد كذا تسويها << هذا أعقل واحد فيهم خخخخخخ

وواحد يقول لاحسيت إني طفشت من قوقل بكبره أدخل على منتدى سيدتي
خاصه قسم المشاكل << قصده الحياه الاسريه خخخخ ويقول من يدخل يقرى بالمشاكل ويموووووت ضحك << شايفناا نكته هـع

وواحد يقول أتوقع كل ذنوب الرجال ربي غفرهااا والسبب هالمحشات اللي تجيناااا من الحريم من كل صوب

وواحد جلس يضحك ويقول صدق انهن ناقصات عقل ودين ورد عليه واحد من الشباب وقال وكيدهن عظيم

اما واحد ضحكني يوم قالي عن كلامه زوجي يقول بعض الحريم أحس من إسلوبها انها مستقويه والطيبه من جنبها

وواحد أعجبني يوم قالي عنه زوجي يقول أنا أجلس أتصفح المنتدى وادعي للي تطلب دعووووه خاصه إللي حـاطه دعوتـهااا بتوقيعهاا << ياااارب يتقبل

وواحد إعترف إنه مسجل بمعرف بنت وحاول زوجي وإللي معه من الشباب يعرفون إسم معرفه بس ركب رأأأسه ورفض يقولهــم << وش يبي وسطنا هـع

وحنا راحت نص ذنبنا في الاستراحه