مقهي الحب ,,, فكرة لتجديد الحب بين الزوجين

السلام عليكم ورحمة الله وبركاتة

اليوم جايبة معاي احلا فكرة رومنسية واتمنى انها تعجبكم

الفكــــرة

مقهى الحب

تشتكي الكثير من النساء، من إدمان زوجها للمقاهي،
مما يسبب إهماله للبيت، والأطفال، كما أنها تعاني من الوحدة،
وعدم التواصل في الوقت الذي ترجوا فيه نصف ساعة من الحوار،

تحتار المرأة في السبل والطرق التي يمكنها اتباعها لتجتذب اهتمام الزوج، ولو لدقائق من عمر اليوم،
بينما يستمر في زياراته اليومية، وإقامته الحتمية على مقاعد المقاهي،
وتبدأ المرأة التي جربت كل السبل في لفت انتباهه،
في الإستفسار بجدية عن سبب إدمانه للمقهى،
بينما هي تناديه وتدعوه لقضاء سهرة حلوة معها وهي في أبهى طلة،

فما هو السر خلف إدمان الرجل للمقاهي……؟؟

إنها عشيقته التي تستولي على لبه وتفكيره، وتداعب مشاعره وتوقظ حواسه،
وترفع معنوياته، وتعزف على أوتار أعصابه أجمل الألحان،
إنها الهوى، والعشق الحلال، والحب العذري الخفي، التي تسري في دمه وتتحكم في وعيه، ..

إنها القهوة………!!!

من هنا بدات احداث اليييييييوم

اتفقت مع اختى بيوم تشوف ريلها مرة مستانس ويكون اجازة تطلب منة يروح يجيب اغراض
وفى وقت هو برا قمنا بتنفيذ الخطة

بالبداية جهزي حالج من قبل يومين او 3 لانوا فى اغرض ضروري تكون جاهزة من قبل او ممكن تروحون اي محل كافى وتاخذين حقهم الملاعق والسكر والاوراق وكل شي يستخدمونة

روحي وخذي لك قماش ساتان الرخيص اللي متره بخمسه ريال وسوي لك مفرش طاوله يعني بيسويه لك الخياط بعشره ريال بس

المهم تقدرين تستخدمين مفارش بيتك اذا تبين

افتحي الكمبيوتر واطبعي بالورد منيو مثلا اكتبي اسم المقهى اللى تبين او اي مقهى زوجك يروح له

وطبعا تكونى مجهزة حالك عشان لا تطولين بالتحضير
وبالنسبة للحلويات جهزيها قبلها بيوم او ممكن تشترين جاهز

اكتبي بالمنيو:

مشروبات ساخنة..

كابتشينو
دارك كافى
كافى وذ ملك
هوت شوكلت
قهوة
قهوة تركيه
شاهي
شاهي بالنعاع
شاهي اخضر

سعر هذه المجموعه كالتالي:

صغير 5 بوسات نابعه من القلب
وسط 10 بوسات نابعه من القلب
كبير 15 بوسه نابعه من القلب

مشروبات بااااااااااااااااااااردة:

موكا بارد
بسبسي
عصير ليمون
عصير برتقال
مويه

سعر هذة المجموعة :-

تهدينى اي شي بكيفك
شعر
نكتة
انشوودة

حلويات:

سوفليه
كيك
تشيز كيك
فطائر مشكلة

سعر هذة المجموعة بالكامل:-

احلى مساج و حمام مشترك
وليلة لاتنسى

اختاري اي مكان يروق لج وترتبينة عدل

وياريت لو يكون بالصالون وترتبية مثل كذا

تجبين طاولة كبير
وكرسي قدامها

تفتحين موسقى هادية واضاءة خفيفة وتفتحين التيفي لريلج ويتفرج شوي لين تخلصى من تجهيز طلباتة

اوممكن تسولفون وتعملين حالج معجبة و ما تعرفين اي شي عنة وتقعدين تسألينة عن شخصيتة مثلا وش يحب السكر وش لونة وغير كذا كأنج تبى ترقمية ههههه

وياريت يكون المكان اللى بتختارية يكون قريب من المطبخ عشان تدخلين المطبخ وتجهزين طلبات زوجك
ولا تنسي تحطى كرت بطاولة وتكتبين اللى بخاطرج تقولينة لة

وضروري تستقبلين ريلج مثل الموظفين هنااااك
تقولين هلا فيك بمقى ….. وايش تطلب
وكل وحدة بكفيها وبطريقة استقبالها

وهذا بعض الاقتراحات للبسك

وشعرج ومكياجي بناتى شوي وتلبسين كاب

وبكذا خصلنا من المرحلة الاولى

الحين نجي للمرحلة الثانية

وهي مكان القعدة الرئيسي

اختى اختارت البلكون عشان مرة رومنسي وجو حلو وكان بالليل ع اضاءة خفيفة

جابت

كرسيين لها ولزوجها وطاولة عشان تحط فيها المستلزمات

وجابت بوكية ورد وحطتة ع الطاولة
وكان علية بطاقة مكتوب عليها
شكرا لانك شريك حياتى وسر سعادتى

الحين خلصنا من ترتيب المكاااان اللى بتقعدون فية وتشربون ويا بعض

وطبعا لبسك ما تحتاجين غير تخلعين الكاب وتخلى شعرج سايب ومكياجي خفيف
وتكونى مجهزة اللبس من تحت المريلة

تنورة او شورت او فسات قصير
اي شي تحبينة ويحبة زوجج بعد

وبعد ما تخلصين من الترتبات
ارسلى لزوجج مسج بالجوال دعوة ع مقهى الحب وتحددين الوقت

المهم اذا جا اعملي نفسك كاشير خذي الطلب تكلمي هندي او فلبيني وروحي جهزي الطلب وجيبيه صدقيني بيضحك عليك لما تتقطع بطنه

ملاحظة عشان يسهل عليج لو ريلج من النوع اللى ما يتفاعل بذي الاشياء
ممكن قبلها بأسبوع تقولين لة فى وحدة عملت مقهى الحب وسوتة حق ريلها وهما سوا كذا
يعنى تفهمية وش بيسوى عشان لا تخرب المفاجأة ويكسر خاطرج ريلج خخخخ

وبالنهاية اتمنى لكم سهرة حلوة
ولا تنسونى من دعواتكم و تقيماتكم الحلوة