سفرتي لدبي والنكد جاتي

انا سافرت لدوبي عشان اتسوق وكنت اطفش من الغرفه وانزل لتحت في اللوبي وادور تحت واحيانن اجلس ب الكفي ودايمن انزل لحالي لانو محد يرضا ينزل معايا ومره جا ولد قلي يبغا يتصل وجوالو مافي رصيد وكان يطالع عليا من فوق لتحت وهوا مبتسم بس قلت خليني اعطيه يتصل ويفكني ،، ولما اتصل كان جوالو بيدو وطلع صوت انا وقتها عرفت انو اتصل على نفسو مررا انقهرت وكنت واقفه عند المصاعد عشان اطلع الغرفه كان هوا جمبي واقف بس انا ماكنت اطالع فيه ولما ركبت المصعد هوا ركب معايا وشاف الدور الي انا فيه ،، وكلمني واتس اول شي قلتلو لاعاد تكلمني وببلكك ومدري ايش،، صار يقولي عادي مافيها شي بس نهرج مارح اكلك واقتنعت وصرت اكلمو وانجريت وقابلتو تقريبن 4 مرات قابلتو ،، الين طفشت منو ومن كلامو ونضراتو تخيلو يقلي ابغا ابوسك …. انا لما عرفت انو من بدايتها كذا قلتلو خلاص لاتكلمني ولا ابغا اكلمك واعطيتو بلوك ف الواتس وما اتصل ، بس لما كنت نازله مع اهلي شفتو تحت يطالع فيني انا قلت بروح الحمام عشان لايجي عند اهلي ويفضحني لانو كان لاصق مننا مراا ، لما رحت على طول جا وريا ومشيت بسرعه عشان لايصير شي قدام اهلي مسكني من يدي بقوا وقلي انتي على كيفك تبلكيني ترا جوالي مايدق ولا كان اتصلت تستهبلي انتي تتسلي عليا يومين ولما طفشتي قلتي ما ابغاك ،، قلتلو ايوا بكيفي وسبيتو وقلتلو وخر عني طبعن سبيتو من الخوف احد من اهلي يجي ورايا ويشوفني بكلمو وبعدين قلي والله العضيم لو مافكيتي الحضر من الواتس ونزلتي هنا لما اقلك انزلي لا اروح اقول لا ابوكي انك كنتي تكلميني وكنتي معايا تحت وقال ترا صورت يدي وانا ماسك يدك وصورت ووو ، انا ولا مرا شفتو ماسك الجوال وانا معاه بس خففتت انو يقول لبابا وبابا مررااا عصببيي بشكل ماتتخيلوه قلتلو طيبب ومنجد فكيت البلوك وقلت اكلمو ولما نجي نسافر اسحب عليه من دون ما اقول ومنجد سافرت وسحبت عليه من دون مايدري وبلكتو من الواتس وجاتني رساله انو حوريني ورسل رقم بابا ما ادري من فين جابو ، والله انننيي بموتت خوفف متوترهه وابغا ابككيي حتا هوا ما اعرف عنو ولاشي وربي حتا اسمو ما اعرفو كل الي اعرفو انو هوا سعودي غير كذا ما اعرفف شيي فكيت الحضر والين دحين ماقال كلمه والله بمووت خوفف 😭😭 احد يساعدني لو كنتو بمكاني ايش راح تسوو ردو بسرععههه بسرععهههه الله يخليكم