مرحبا بنات..
الصراحه انا اول مره اكتب في هذا القسم وترددت كثييير قبل مااكتب فياليت تساعدوني..
مشكلتي هي اني ماني عارفه كيف أقدر اخذ وأعطي مع الناس يعني انا طريقتي معاهم يادوب كلمه ورد غطاها..أحس اني ماعندي طلاقه باللسان معاهم ولا عندي سرعة بديهه وذكاء في الرد أو حتى لباقه ..مثلا لما وحده تمدحني وتمدح في مظهري ماعندي رد الا شكرا او الله يسلمك..واتلعثم كثير!
بالله عليكم هذي طريقه
ماني عارفه ايش راح اعمل لما أواجه مجتمع اخر أحس اني راح اكون انطواااائيه اكثر وافضل العزله ولا اتفشل أمامهم ولا أرتبك لأني باختصار مااعرف كيف اتعامل مع الناس وكيف اكون طبيعيه امامهم .. الصراحه انا مااسمي هذا خجل بقدر مااسميه انعدام ثقه بالنفس..
انا الحمدلله واااااثقه من نفسي من ناحية شكلي ومظهري،وملابسي دائما نظيفة ومرتبة وهذا اللي الاحظه من نظرات الغير ودائما اشوف نظرات الناس برغبتهم مصادقتي < اتكلم من ناحية دراستي بالمدرسة لانه انا بدرس بالصف الثالث متوسط
لكن ايش الفائده اذا كان الداخل عدم
بالمدرسة علاقتي مع البنات رسميه وماعندي غير صديقه وحده
كنت أمشي الحال على امل اني راح اتخرج وراح ادرس ثانوي وفي بالي اني اتغير ..ان شاء الله..فيه بنات كثير بالمدرسة أتمنى اني اعقد صداقات معاهم بحكم راحتي النفسيه تجاههم لكن ماني عارفه كيف ابتدي وأوقات احس انو كلامي معاهم ممل واسلوبي غير مقنع فأفضل اني اتجنبهم فبالتالي تكون علاقتي معاهم رسميه..
بالاضافه الى اني حساسه فمثلا احس انو بعض البنات يتضايقو لما اجلس معاهم وما يحسوا باندماج ومتعه معايا فأفضل اني اتجنبهم واريحهم مني ومااجلس مع شلة بنات الا لما يدعونني… واخرها اليوم كنت جالسة وصديقتي راحت إلا شوي وتناديني زميلتي اقعد معاها .. صح اني قعدت معاها بس كنت اقول في نفسي انها ماتبيني ووو كلها احاسيس تكرهني في نفسي 🙁
اتمنى اني اتخرج واروح مدرسة جديدة وبنات جديدات بالثانوي واصير وحدة ثانية جريئة ومتغيرة كثير عن الان يكووون عندي شــله من الصديقات لكن تجري الرياح بما لاتشتهي السفن .. يابنات والله لي رغبة في الكلام بس مااقدر ابغى اكون صداقات لا وصلت ثانوي ماابي اصير مثل الحيييين 🙁 .. كثيييييييير بناااااااااات واضح عليهم انهم يبون يتقربون مني ويصادقوني لكنن انااا غبية مااعرف اتعااااااامل معاهم وداااااخلي غير عن خااارجي يعني اقصد من داخلي انا انسانه غير جدا من الظاهر فانا جدا احب اسولف مع البنات واتعرف … لكن من خارجي ابدا مملة جدا مااعرف كيف اوصف
أصلا ماني عارفه كيف ادخل بالناس وكيف اندمج معاهم وكيف يكون عندي سرعة بديهه في الاخذ والعطاء وكيف يكون عندي ذكاء اجتماعي فبالتالي دااااائما أكون رسميه معاهم وكلامي يكون مثالي
على فكره أنـا مااطلع ونادراً مااطلع اخر مرة طلعت يمكن قبل خمس سنوات !! وططلعاتي كلها مدرسة ورجعة للبيت .. لانه احنا ماعندنا اهل هنا كل اهلنا في بلد ثاني .. فماعندي اي خبره او تجارب بالحياة..و ولما تشكيلي اي بنت او تخبرني عن مشكلتها احس انو ماعندي القدره على التعبير ومااعرف كيف أهون عليها لما اتعرف على بنت مااعرف عن ايش اتكلم معاها وكيف يكون حديثي جذاب فتلاقوني دائما اتكلم عن الدراسه او عن الجو …الخ من المواضيع الممله والتافهه اللي تخلي الشخص يزهق مني ومن كلامي..
ياليت يابنات تساعدوني وتعلموني كيف أقدر اخذ واعطي مع الناس؟؟ كيف يكون عندي طلاقه بالحكي؟؟ كيف يكون عندي قدره على الأخذ والعطاء؟؟كيف تكون احاديثي مشوقه وجذابه ؟؟ كيف اقدر اتعامل مع الصغير والكبير ؟؟ وكيف اقدر استرجع الكلام لما أعزي أو أبارك أو حتى لما أمدح وأثني على شخص؟؟باختصــار كيف اقدر اكون انسانه اجتماعيه؟؟؟؟ والا تدرون مو لازم أكون اجتماعيه لكن على الاقل تكون عندي خبره بالتعامل مع الناس حتى لو ماكنت اجتماعيه.. اتمنى انكم تكونوا فهمتوا قصدي..آآآآآآآآه يااابنات المشكله هذي مأرقتني ومتعبتني وداااائما ادعي ربي انه يلهمني الثقه والجرأه والطلاقه بالحكي امام النااااس
يابنات ياليت تعطوني طرق استفيد منها واللي ماعندها فكره ياليت لو حتى تعطيني اسماء كتب تفيدني أو مواقع عالنت؟؟رغم اني قرأت كتابين بلا فائدة 🙁 واللي ماعندها خلفيه ياليت لو تدعيلي ولكــــم جزيل الشكــــــر
وان شاء الله انا بمشي بنصايحكم للسنة الجاية يعني يوم اطلع ثانوي .ان شاء الله ..
لاني ابي اكون غيررررر تماما عن الآن
واسفه ادري كلامي ملخبط ومو مرتببب اعذروني بس حبيت اقول اللي في قلبي
شوفي يا حبيبتي المحيط اللي نعيشه و الناس
اللي نحتك فيهم هم اكبر درس لنا في تعلم اساليب
الرد و الأخذ و العطاء في الكلام بدون تخطيط صدقيني
المهم إنك تتخلصي من المشكله الإنطوائيه شيئاً ف شيئاً
و قبل كل شي مازلتي انتي صغيره و محيطك محدود يناسب
عقلك و سنك و قدراتك المتنوعه ،،
بعدها تتخرجين و تنضمي لجامعه و راح يكون نظام سكشنات
يعني كل كلاس فيه دفعه جديده غير عن الكلاس اللي سبقه
و هكذا و بالتالي الوضع يجبرك على إنك تكوني صداقات
قد تكون دراسيه و قد تتعدى حدود الدراسه على حسب الإنسجام
بينكم،،
أمم نحن كلنا نقرأ و الهدف من القراءه الإستفاده مب بس نضيع
وقت و من هذا المنطلق يا حبيبتي اتمنى إنك
تقري كتب عن فنون التعامل مع الآخرين و تطبقي اللي تقريه
بطريقه أو بأخرى و كلها راح تكون جزء من شخصيتك،،،
اتمنى افدتك ، تحياتي لكـ
كنت مثلك بس أتزوج واختلطت اكثر بالناس صرت غير،اجتماعيه جداً
وكل مجلس أكون فيه سبحان الله أكون أنا محور الحديث الكل بدهم يحكون معي
تفاءلي بالخير سيزول الخجل وسيكون لديك أسلوب أقوى بمرور الايام
حبيبتي انت صغيرة ومع الوقت رح تصيري تتكلمي بطلاقة والانطوائية رح تزول
في كثير ناس متلك .. بس عادي لا تتحسسي ولما تقعدي مع اي بنت لاتفكري انها بتفكر فيكي تفكير سلبي او انك مزهقتيها.. بالعكس كوني واثقة من نفسك..
وانا بنصحك مو بس تقرأي كتب في التعامل .. اقرأي كل كتاب باي مجال لانو القراءة والثقافة بتزيد من مخزون ثقافتك وعقلك بتوسع لمجالات اكبر ممكن تساعدك في الحديث
وبرضو اقرأي كتب الدكتور ابراهيم الفقي فهو اسلوبه كتييير رائع واكيد كتبه رح تساعدك فحل مشكلتك..
وربنا يوفقك حبيبتي وتكوني احلا واجمل متكلمة وكلامك لا يمل
تركيزك على هذه المشكلة سيزيد منها و اذا زادت تتألمي أكثر و يزيد انطوائك. خلي عندك ثقة في الله و نصيحتي اكثر من تلاوة القرآن خاصة في الصباح لانه يساعد على إطلاق اللسان و الطمأنينة و يزيد من ثقتك بنفسك و إيمانك بأن الله على كل شيء قدير.
اتمنى لك التوفيق لازالت صغيرة لا تعكري حياتك بهذه الاشياء البسيطة لانها قد تزيد اذا كبرتي من حجمها. كوني متفائلة و واثقة و الله يرعاك.
يعنى انتى كتبتى نصف صفحه وتقولى عندى مشكله ماعندى اسلوب
انتى كفايه تتكلمى كلامك الذى كتبتيه ويكون بطلاقه لسان وتدخلى بعض العبارات المرموقه والمهذبه على كلامك تلاقى مشكلتك اتحلت
كمان اقرئى قصص كتير ستجدى نفسك تعلمتى منها اسلوب يحسن حديثك مع الناس
كونى رقيقه ومهذبه واختارى عبارات جميله ولاتغتابى احد تكونى بنت يتمناها الناس ان تكون من اهله
اما بالنسبه للذكاء
ادخلى على جوجل واسألى
كيف اعرف من تعبير الناس انهم يكذبون
كيف اختار شريك حياه مثقف وذكى
كيف اقوى ذكائى
كيف اجد حلول لمشاكل الحياه اليوميه بسهوله
كيف اكون ماكره وعندى فراسه
ماهى تعبيرات الجسد حتى اتعرف ع الناس اكثر
وبالقراءه ستجدى نفسك عندك معلومات كثيره تثير افكار الاخرين
ما احد انولد عالم وعارف ولكن مع الوقت الكل يتعلم
انا كنت افضع منك والحمدلله الحين عندي معارف وصديقات وزميلات واحيانا اقعد بلحالي بالجامعه بس اكون مستمتعه بوحدتي صرت أأناس بنفسي الحمدلله
كل هذا بفضل الله ثم الدعاء ثم كتب التنمية البشرية ودكتور طارق الحبيب مقاطعه باليوتيوب جمييله
لا بالعكس كلامك مرتب ومش متلخبط!
اشوف اسلوبك واضح وسلس بس مشكلتك ثقتك فنفسك حاولي تعززي منها و حسب كلامك لاحظت انك تجيك وساوس انو اللي قاعدة معاهم يحسو بملل منك ويزهقو من كلامك وو… فحاولي تتخلصي من هالافكار والوساوس
باختصار انتي اللي تقدري تبني نفسك وانتي اللي تهدميها
وبخصوص قلة الكلام هذي ميزة لا يملكها الا القليلون جداا فالصمت من ذهب
وصدقيني ستجدين صديقات يحبونك مثل ما انتي فلا تغيري من شخصيتك لاجل اي كان فقد تفقدين ميزات جميلة فيك …
وداائما ادعي هذا الدعاه(ربي اشرح لي صدري و يسر لي امري واحلل عقدة من لساني يفقهو قولي)