هل في امل بهالوقت وهالعمر يبني الانسان صداقات قويه

السلام عليكم
بنات انا احس مشكلتي غريبه شوي عمري 22 سنه
ماحافظت على اي صداقه بحياتي يعني طلعت من مراحلي الدراسيه كلها بدون صديقه وحده
كنت اتعرف على بنات وكانت علاقتي فيهم تكون قوويه مرررره وكنت محبوبه من صديقاتي مره بس لما كبرنا وتخرجنا من الثانوي ضلينا نتواصل سنتين تقريباً وبعدها كل وحده انشغلت بحياتها
اللي للحين اتواصل معهم شلة الثانوي عددهم 6 بس اهتمامتهم غير مره عن اهتماماتي غير كذا علاقتنا مو قويه ولا هم من النوع اللي استشيره او اقوله اسراري يعني هم ال6 علاقتهم قويه في بعض اما انا احس اني غريبه عنهم مع ان عندنا قروب بالواتساب ونسولف وكذا بس ما احس ان هذول صديقات العمر اللي يعني احس انهم نعمه او احس ان وجودهم ماليه علي حياتي لا مجرد اسولف معهم وقت الفضاوه وكذا
المهم بعيد عن هذا كله انا ماكملت دراستي الجامعيه وبديت هالسنه هذا ثاني ترم لي
بس احس رغبتي بأني اتعرف على ناس جدد زادت وبنفس الوقت احس كبرت على الصداقات احس العمر اللي انا فيه عمر زماله ومصلحه وصداقه وقتيه وبس واقول لنفسي اذا انا ماطلعت بصديقات حقيقيات بفترة المتوسط والثانوي بطلع بصديقات حقيقيات في فترة الجامعه !
يعني معروف اغلب علاقات الجامعه مصالح مو اكثر 🙁
تعرفون الانسان بطبعه اجتماعي ويحب يتعرف بس احس خلاص راحت علي فرصة اني ابني صداقه قويه وعمرها طويل
انا عندي صديقه وحده بقت معي وهي صديقة عمري وطفولتي بس حلو ان الشخص يكون معارفه كثير نفسي القى صحبات يشاركوني نفس اهتماماتي ويكون بينا ذكريات مشتركه مع ان احس هالاحلام وهالاشياء للمراهقات وبهالوقت بالتحديد كل شخص لاهي بحياته
احن كثير لعمر ال18 وقتها كل صديقاتي حولي وكل شوي اتعرف لي على وحده احس بس يكبر الانسان يبدون الناس يختفون وتصير العلاقات رسميه

انا مثلج بأيام المدرسة كان لي صديقات ازورهم ويزوروني وقريبين من بعض ولما تخرجنا بأيام الجامعة كلن انشغل بحياته الا اللي ينعدون عالاصابع وبالجامعة مثل ما قلتي اغلبها صداقات وقتية رغم ان عندي قروب صديقات بعدني اتواصل معاهم بس الصراحة انا مريت بمشكلة مع وحدة من اقرب صديقاتي اللي كانت لي اكثر من اخت واشاركها بكل تفاصيل حياتي ومن بعدها قررت ما اقرب احد مني وصديقاتي حاليا صح قريبين لكن مو لدرجة ان اقولهم كلشي بقلبي يعني افضل تكون لي اسراري الشخصية لان بيني وبينج بهالزمن الاخت ما تأمن اختها فمابي اخسرهم عشان شي ما يسوى

لا صداقة اليوم
صادقي أخواتك وأهلك
وكل من هو خارج أسرتك لا تعولي عليه

والصداقه موجوده مولازم تكوني متفقه مع صديقتك بكل شي كل شخص له

فكرته وميوله هذا الشي عادي اهم شي الحـب والاخوه هناك صديقات لانعتبرهم صديقات بل خوات

وأشوف اكثر صداقه تكون ثنتين لا ثالث والشله جميله ولكن لازم مايكون هناك وحده الاقرب من بينهم