زوجي يخلط بين الغيرة والشك ، ويشك فيني ؟
السلام عليكم
مساء الخير على الجميع
عندي مشكلة وهي ان زوجي يقول اذا شفت صور رجاجيل مشاهير بطلقك او تتابعين بالانستقرام شباب او تويتر بطلقك وهو يراقبني بالحسابات
يعني مو واثق فيني ولا وشلون واقول اخواني يشوفون وعادي لان اخواني واثقين فيني صح انهم يجون يتناقشون معي ليه مسويه كذا مو مشاكل ورفعت صوت على طول
ويقول ان إخوانك ديوثين وعقبها انا ببيت اهلي ولا ابيه عقب هالكلام خير ان شاء الله
يعني بسالكم سوال
هل زوجتك او اختك اذا اضافة شباب بالانستقرام او عندها صور مشاهير او تتابع مشاهير زي زيدان والموسى وغيره تصير ديوث ؟
وابيكم تقولون لي وش هي الغيرة ووش هي الثقة ووش هي الشك ؟
ابي جواب عقلاني ومنطقي ولكم جزيل الشكر
متابعة شباب مو حلو بحقه كزوج ورجل
بس متابعة مشاهير عادي لاني أتابعهم
والله يوفقك
زوجك معوا حق هذه مو غيرة هذا خوف عليك
اي رجل عنده غيره ورجوله مايرضا زوجته تناظر رجل غيره والمره بعد الزواج لازم تحترم رجولة زوجها وماتضيف رجال لحسابها حتى اخوانك ممكن معك يتساهلو ويتناقشو بهدوء بهذا الشي لكن مع زوجاتهم ما اعتقد يرضون الزواج رباط مقدس مو لعب وانتي غلطانه تقولي لزوجك اخواني عادي عندهم لكن ردة فعله قويه خليه يهدا وتناقشو بهدوء
نصيحه احترمي غيرته ورجولته
كل رجال عنده غيره وشك ..صح يغار بس مو كذا يابنات يتكلم على اخوانها
انتي حاولي تقفلي اي حساب انتي فاتحته ..وروحي قولي له انا قفلت جميع الحسابات بس اهم شي ماتزعل وكذا وابعد عن ذا الحسابات والله انا تعبت وعانيت منها ..واغلقتها وارتحت ..والله لايفرق بينكم حاولي تاخذي الامور من وجهة نظر الزوج لان الاخوان متساهلين شوي غير الزوج ..
دمتي بود غاليتي♪
والله بصراحة انا عن نفسي ما احب اضيف رجال في حساباتي ولا حتى مشاهير اتابعهم صحيح بس بدون إضافتهم .. ي حبيبتي الوحدة هي من نفسها تراقب تصرفاتها وسلوكياتها بدون ما ينبهها احد .. ﻷنو هذا مثل الخلوة يعني كأنك جالسة معاهم في مكان واحد والحسابات مثل غرف الدردشة والله صعبة اضيف رجل غريب غير محرم لي في حسابئ يتابعني ويتابع إللي اسويه كانك معاه في مكان واحد استغفر الله .. تابعيهم بدون إضافة .. حطي نفسك في مكان زوجك ترضي إنه يضيف حسابات بنات حتى لو ما كنتي متزوجة ترضيها على نفسك إنك تدخلي فئ جوالك حسابات ناس ماهم محارمك !! طيب تابعيهم من بعيد لبعيد وإنتهينا .مثلا أنا عجبني حساب إسلامي لرجل بصراحة ما اضفته بس اشيك على حسابه علشان أستفيد من الاحادييث النبوية والاذكار وغيرها من الفوائد
انتي غلطتك انك قلتي اخواني يقولون عادي
ترا نظرة الأخو تفرق عن نظرة الزوج
الزوج يتحسس من أي شي يخصك ويغار
صح ان كلمته قويه عن اخوانك
لكن انتي قولي له خلاص عرفت غلطتي ماراح اتابعهم
وانا غلطانه اني قارنتك بأخواني لإن الغيره تفرق من اخو لزوج
وانت غلطتك انك حكمت عليهم بديوثين !
وبس يأختي .. المسألة مسألة غيره ماأظن انه شك
غآليتي
شتآن بين ألزوج وألآخوآن
خآصة ألرجل ألشرقي ، ألغيرة تجري بدمه !
إغلقي كآفة ألحسآبآت يَ قمري ، وقولي له ، ستكبري في عينه عزيزتي ..
أتمنى لكِ ألسعآدة ^^
شتآن بين ألزوج وألآخوآن
خآصة ألرجل ألشرقي ، ألغيرة تجري بدمه !
إغلقي كآفة ألحسآبآت يَ قمري ، وقولي له ، ستكبري في عينه عزيزتي ..
أتمنى لكِ ألسعآدة ^^