حبيت واحد وانا مالي بهالسوالف

ادااااااااااااااااااااااااااااااااااااااره امانه نزلي الموضوع

مكان دوامي مختلط وفيه شاب ماشاء الله احب الشغل معه عقليته رائعه عبقري ودايما لين اشتغلنا مع بعض الشغل الي يحتاج اسبوع يخلص في يومين الكل يمتدحنا ويقول الانثين اذا اجتمعو مع بعض انجزو شغل عشره ماشاء الله وكلامنا كله بشغل يعني مافي اي سوالف خارجيه هو حتى صار يطلبني بالاسم يقول جيبو فلانه معي واذا ما كنت موجوده ماخذه اجازه مايطلب غيري الا لو اضطر ومو بس اهو اشتغل مع غيره بس هو الي دايما معه في اي شي يخصه
في البدايه كنت والله بس معجبه بعقليته و وطريقة شغله وكم هالشاب ماشاء الله ناجح وطموح
بعدين صرت افتقده كثير اذا مر اليوم ما شفته اروح ادور عليه قلت يمكن السالفه تعود لاني دايما معه
قالي انه بياخذ دوره شهرين وبيرجع ويبني اخلص له شغل خلال شهرين وافقت تخيلو خصلت الشغل بثلاث اسبايع كله كامل والكل مستغرب من سرعتي ماشاء الله ومره كان دقيق لكن صرت اذا احد ينادني اشتغل معه غيره احس مالي نفس ويالله اشتغل وابي اشوفه ابيه يرجع مالي خلق حتى للمكان وحتى فكرت اطلب اجازه لين يرجع
الين واحده من زميلات علقت بمزح كانك صايره كسوله هالفتره او عشان فلان مو موجود مالك نفس تشتغلي انا ضحكت وقلت لها لا بس تعبانه بس بداخلي انقهرت من كلمتها
وصرت افكر فيه مايروح من بالي طول الوقت الين لقتيه مرسلي يسال عني ويشكرني يقول وصلني خبر انك خلصتي الشغل باقل من الفتره المطلوبه ومو عارف كيف اشكرك على مجهودك ومن الكلام انبسطت مره واليوم الثاني رحت اشتغل وكلي طاقه وحيويه الكل ملاحظ يقولون الحمدلله رجعتي مثل قبل مو زي الفتره الماضيه كله مالك نفس ومتضايقه
رجع من الدوره واتصل فيني قالي انا رجعت وبنبتدي شغل رحت طايره من الفرح واول ماشفته حسيت ودي احضنه من الوناسه وابتدينا شغل وقالي اول شخص ودي اشوفه انت لاني منبهر جدا من شغلك كل شي دقيق كل شي كامل مافي اي خطا ماشاء الله عليك ظني كان في محله
رجعت البيت كنت مستانسه احس ودي اطير بعدين مرت فتره صار يسولف بغير الشغل ما كنت ارد عليه او اعطيه وجه لحد ما قالي مره انت تحبني قلت كيف يعني قالي انا احبك واحب وجودك واتمنى يكون الشعور متبادل قلت شكلك فهمت السالفه غلط مو عشان احب اشتغل معك يعني خلاص احبك قالي لا والله مو كذا بس انا بجد حبيتك واحس يومي من دونك ناقص قلت له كل الي بيني وبينك شغل وهذا اخر شغل بكوني معك دامك تشوف ان وجودي معك لانك معتقد اني احبك اعتذر وتاسف ورحت البيت تنكدت كل كلامه كان صح وفعلا انا حبيته بس ماتوقعت انه يكلمني بالموضوع كذا وحسيت اني غبييييييييه وصرت افكر معقوله كان واضح علي اني احبه مع اني تعاملي معه بس بشغل احد وصله اني احبه مع اني ماتكلمت قدام احد بهالشي وتندمت مره اليوم الثاني رحت اشتغل معه رجع اعتذر قلت له لو بتتكلم بموضوع الامس بترك لك الشغل ودبر نفسك قالي خلاص المهم خلصت الشغل معه وماعدت اشتغلت معه ابدا والكل يتسال وش فيكم ليه ماقمتو تشتغلو مع بعض كان حجتي اني حابه اغير واطلع على اشياء جديده بس مو راضي يروح من بالي ومهما حاولت انساه او تحاشاه يجي في بالي غصب قلت مافيه الا اني انقل على قسم ثاني هو سمع بالموضوع ارسلي اخته اخته تشتغل بالادراه وجتني سلمت وقالت يافلانه اذا انت بتنقلين عشان الكلام الي قاله اخوي لك خليك وهو بنقل واذا هو مضايقك بيترك الشغل في كل المكان وبروح مكان ثاني عشان لاتشوفينه اخوي ما ادري كيف تجرا وتكلم معك بس هو كان طول الوقت يتكلم عنك وماتوقعت انه يتهور ويكلمك بالموضوع ولاتحسبينه يعلب هو يبي يخطبك و اكثر من مره قالي اكلمك بالموضوع بس ما كنت عارفه كيف افاتحك وحتى قلت لامي انه يبي يخطب واحده معنا بدوام وامي تحمست مره للموضوع بس اخوي خربها بالتصرفه قلت لها لا اخوك والا غيره ياثر فيني بس انا قرفت من كل القسم وابي اطلع منه حره

قالت شكلك معصبه الى الان بس انت فكري بالموضوع ولا تحسبنا نلعب عليك او نرقع على الموضوع
والاسبوع هذا بنجي بيت اهلك نخطبك وتكفين لا تردينا لان حنا نيتنا صافيه وشريفه