انا وحبيبي الاول وزوجي وعلاقاته القديمة =(

السلام عليكم خواتي
راح ابدي بالموضوع على طول انا ملكت من قريب لسة ماكملت شهر
طبعا قبل لا املك كنت احب شخص (حب طفووولي من الطرفين) الاهل يدرون عنه بس ماكان بيينا لا مكالمات ولا رسايل ولا شي,, المهم ماصار نصيب بيننا
وتقدم لخطبتي شاب وبعد الاستخارة وافقت وعقدت عليه ويعلم الله اني من عقدت عليه حطيت في بالي اني انسى ذاك الانسان واحاول قد مااقدر اسعد زوجي
المشكلة مليكي كل مرة يطلع لي بسالفة من سواليفه القديمة
مرة يقول كانت عندي شقة.. ومرة يقول كانت عندي لستة بنات اكلمهم,, ومرة يقول كنت اكلم وحدة اكثر من سنة ع الجوال وع الكاااام وتعلقت فيه ويقول هو ماحبها بس كذا يتسلى وعاد مدري عنه صادق او لا

انا ادري اني مالي حق احاسبه على شي مااااضي بس الي قاهرني ليييه يعلمني وقلت له اكثر من مرة اي شي ماضي لا تعلمني فييه انا لي احاسبك من يوم عقدي معك
بس انا يوم دريت بسالفة الكام والخرابيط طاااح من عندي ,, خصوصا اني جامعية وهو لا مو غرور بس احس بهالشي احسه مووو مثقف ماعنده ثقافة,, احيانا اقول المفروض اخذ واحد احسن من كذا هذا مايتاهلني استغفرالله,, حركاته واسلوبه مدري كييف,, وصرت مااصدق كلامه يقول انتي غير انا احبك ومقدر على فرقاك ولو تتركيني امووت بس اقول في نفسي مثل ماقلت هالكلام لي قلته لغيري
المصيبة يابنات كل ما يحكي لي عن سوالفه يزيييييييييييد تعلقي بالي كنت احبه صرت اقارن بينهم ,, احيانا احس اني احتااج للي كنت احبه وودي اكلمه بس انا الحمدالله واعية وخايفة ربي
وماني عارفة كييف اكمل حياتي خصوصا اني ماكملت شهر من عقدي
آآآآآه يابنات الله العالم الي بجواة قلبي

لا تخلي الشيطان يلعب بعقلك , ودائماً واجهي زوجك وقولي له انك محتاجته ..