اعترف اني بموت من الغيره من اخت زوجي !!!!!!!!!!!

اعترف لكم اني اغار من اخت زوجي

اخت زوجي اكبر مني باكثر من عشر سنوات وهي اصغر من زوجي وانا عمري 22 سنه ومشكلتي اني اغار من اخت زوجي بس لاتلوموني لان كلما بغى حبيبي شي قامت تسويه والاكل كمان تحاول تسبقني وتسويه واذا سوت زوجي يقول وش فيك جالسه وانا اصلا ما مداني اقوم وانا قلتلها اكثر من مره انتي عليك امك وانا علي زوجي بس انقهر لما تسبقني في الشغل لا وزوجي ما يقصر اي شي هي تسويه حلو وانا لا …….
امس نزلت السوق واشتريت لي اغراض ووصتني هي باغراض وشريتها لها وانا شريت طبعا كلنا على حسابه بس بعدين سالني كم كلفت اغراض اختي وقلت له 100 وقالي انتي قلتله 200 زعل وقال انتي ظالمه وما تحبين تعدلين ومسويها شريكه لي طيب وش اسوي شريت اللي وصتني عليه بس مانقصت من اغراضها شي

وقبل يومين رحت عند اهلي وهي مسحت سراميك البيت مع انها ماقد مسحته دائما انا اللي امسحه يوم رجعت قالي والله اختي نظفت البيت عمري ما شفته كذا ….. بغيت انجن لاني اكرف على الفاضي …
المشكله هي طيبه ومسكينه وانا احبها بس زوجي يسوي مقارنات كانها شريكتي ….. وكلمته اكثر من مره ياحبيبي ترى انت بتخرب العلاقه بيني وبين اختك .. بس ما يسمع حتى الفطور تسوي لامها وتسوي له واحنا وقتها نايمين انا مقهووووووووووووره واليوم صحينا سوى انا وحبيبي قمت اسوي الفطور وهي يوم شافتنا صحينا دخلت المطبخ تسوي شاي قلتلها وش تسوين قالت اسوي حليب لاخوي قلتلها خليه انا اسوي له ما دامني صاحيه وطلعت مسكينه
بس لاتلوموني لان زوجي اذا شافها بخاصمني وقد قلتلها زوجي مايبيك تتعبين طلباته باذات انا اسويها واحسها تتعمد … ومره وصلت للزعل بيني وبين زوجي وهي عرفت بس لاحياه لمن تنادي

مدامها طيبه لا تكسرين بخاطرها كفايه انها مو متزوجه حرااام تكوني انت والزمن عليها

والله ماعرفنا لكم يابنات اللي تقول اهل زوجي كارفيني وكأني شغاله واللي تقول ابي اشتغل واخدم زوجي

من رأئي سيبيها تسوي اللي تبيه وخليها تشاركك بشغل البيت واذا هي اشتغلت ارتاحي انت اهم شي زوجك بيدك ولك انت سواء مدح اخته او لا