السلام عليكم أخواتي
أخباركم ان شاء الله تمام
بصراحة حابه اقولكم عن مشكلتي
أنا طبعا كنت قاصه غره وكانت لمن عمد خشمي
ومدري وش جاني ذا الوقت وفكرت اني أقصها لتحت عيوني
ويوم جئت أقصها قصيتها بالغلط وطلعت لفوق حواجبي تفشل 
والمدرسه بعد أسبوعين واستحق اطلع فيها والله فشله
ابي منكم طريقة تخليها تطول قبل المدارس الله يوفقكم
وربي لكم دعوة بظهر الغيب للي يساعدني
تكفوووون وربي مقهوووورة ومتضايقه مرررره 
والله ماادري بس ماعتقد انها بتطول باسبوعين بس؟!!
بس انتي مره البسي طوق مره امسيكها ببنس وكذا لين ماتطول ولا تضيقين صدرك وتنقهرين عادي وسعي صدرك
حبيبتي الحجاب ستر نصيحة من اخت تقبلي مروري
يوووهه
ي كره لما تصير لي هالحركه
رفعيها دايم يمكن ف هالاسبوعين تطول شوي !
ولو م طولت خليها ف المدرسه دايماً مرفوعه
وان شالله تتعدل قبل المدرسه
ا
ذكرتيني بنفسي احمدي ربك انتي شايله هم المدرسه انا حضرت ملكة أختي بغرتي الحلوه ههههههههههههههههههههههههههههه
و ما راح يمديها تطول و كنت ارفعها بس و المصيبه اللي قصها لي أختي و ربي تخاصمت انا و هي و بكيت و هي ماتت ضحك على شكلي
بس كنت ارفعها و البس طوق اذا بداوم المدرسه لحد ما طولت 🙂
|
المشاركة الأصلية كتبت بواسطة همس الخـيال
 حبيبتي الحجاب ستر نصيحة من اخت تقبلي مروري
|
الله يسعد كم
بس ياليتها متساويه وحده طويله ووحده قصيره وربي انقهرررت
نفسيتي صارت مرة لاا وشايله همها لدرجة اني ما نمت كويس يجي بس اربع ساعات
الله يخليكم ابي طريقة تطولهاا لي بأسرع وقت
وياليت انها تنرفع بطوق والله لو ايش
لو ما ابرمها برم لدرجة ان راسي يعورني من قوة البرمة
وحسبنا الله ونعم الوكيل
وعندي سؤال الحين لو اخليها مبرومه كل الوقت تطول ولا تقعد زي ماهي 🙁
الله يعدكم ابي حل ضروري
|
المشاركة الأصلية كتبت بواسطة همس الخـيال
حبيبتي الحجاب ستر نصيحة من اخت تقبلي مروري
|
اختي بالسعوديه مافيه مدارسنا إختلاط
إذا كانت هي سعوديه ماتلبس حجاب داخل المدرسه
لما تطلع عباية راس وتغطي وجها هذ عندنا
أكيد انتي ماتعرفين