السلام عليكم ورحمة الله وبركاته
ابي منكم تساعدوني وترشدوني قسم بالله شوي وانجن =,(
مشكلتي اني ملكت وبيوم الملكة طلب مني خطيبي الرقم
كنت مقررة من قبل اذا طلبني مأعطية لأني شفت بنت عمي وصاحباتي
اللي ملكوا قبلي شلون كان وضعهم !
المهم صار وطلبني ورفضت بحجة انو بابا مايبيني اكلم بفترة الملكة الا قبل الزواج بشهر او اسبوعين حسيته زعل من ملآمح وجهه
وقام يحكيني عن صديقة وخطيبته
(صديقة ذا مثله الاعلى بالحياة ) مايخطو خطوة الا برأية 
قال صديقي خطيبته ابوها منعها ان تكلمة وهي تكلمة بدون لايدري ابوها وش يدريه ابوك لو كلمتيني !! سكتت ومارديت
وانا من جوه مقهورة 
وبنهاية السهرة طلبني مرا ثانية وسكتت (مبين اني مآبي اعطية )
بس لما شفت ملآمحة تلبكت وعطيته !
توقعت بعد الملكة ب 3 ايآم يدق تفأجات انه مادق !
وتفأجأت انه سآفر بدون لايمر ويسلم
مرت شهرين على الملكة مادق ولآ ارسل !!
بعدها وصلني خبر انه سوا حادث (واضطررريت ادق عليه 
)
دقيت عليه وكلمته ماطول شكرني وقفل
بعدها تحمست وارسلت رساله فيها دعاء وليتني ماتهورت وارسلت
تفأجات انه مارد وبعدها باسبوع جو اهله عندنا واجلو الزواج وقالو
ولدنا اللحين ضروفة صعبة بعد الحادث ومايمدية يتزوج
حلفت على نفسي بعدها مآ ادق ولا ارسل له لو وش ماصار
كرهت نفسي حسيت اني تسرررعت يوم كلمته وارسلت له
حسيت اني طحت من عينه =,(
والقهر لاصاروا اللي حولك يقولون ليتك ماسويتي وليتك مافعلتي
علموني غلطت انا بشئ
ولو انتم في مكاني وش بتسسوون ؟
وشش تتوقعون الفكرة اللي انرسمت بباله عني
تكفوون ارحموني من تفكيري اللي بيقضي علي
ي حبيبتي و ربي عآدي
لو حآبه نتوآصل ع الخآص
يكون آفضل ..
موفقه قلبوو
حبيبتي انتي ماطحتي من عينة ولا شئ
وبعدين صار زوجك يعني عادي تكلمينه
اختي متدينة مرة وملكت والحين قاعدة تكلم خطيبها مافيها شئ
وبعدين حلو انك تكلمينة بفترة الملكة
تعرفون طبايع بعض (( ولا تخافين ماطحتي من عينة ولا شئ بس يمكن انة طفش من اسلوبك معاه ))
والله يوفقك يارب
انا ما اعرف اذا طحتي من عينه او لا
لانه ما يعرف ما في القلوب الا علام الغيوب
بس انا اعتقد والله اعلم انه ما حب اسلوبك ويمكن انجرحه منك وهذ يفسر سبب انه معد بيرد عليكي برساله او انه اتصلك يمكن والله اعلم كون عنك فكر معينه
وكان من المفروض انك ما تحكمي عليه كذا من خلال تجاب صديقاتك الي قبلك لان كل اثنين لهم تجاربهم الخاصه
الله يصلح احوالكم
بالتوفيق
السلام عليكم ورحمة الله وبركاته
لا ياعزيزتي انت ماسويتي شيء غلط .. بالعكس ضروري تتكلمون في فترة الملكه وتتفقون على حياتكم ومستلزماتها وايضا يحصل اتقارب بينكم .. وفي كل الاحوال هو زوجك حلالك .. اما ان كان فعلا طحتي من عينه فأنا اقول لك هو انسان شكّاك والعيشه معاه صعبه .. ليس من حقه اختبار شريكة حياته وجعلها تمر بامتحان مادام قد اتخذ القرار بالارتباط بها ووصل الموضوع الى الملكه .. وقت الملكه هو ليس وقت للاختبار وانما وقت للتجهيز للزواج .. وعلى العموم عزيزتي خليك على حالك ولا تتسرعين بالحكم ..
يعني بصراحه لو كان غير رأيه في الزواج بسبب اعطاؤك رقم جوالك له فأنا اقول الحمد لله غير رأيه لان العيش مع هكذا انسان صعب جدا
ربي يقدم اللي فيه الخير لك ويسعدك ويعطيك الى ان يرضيك
تحياتي لك غاليتي
لا غلطتي ولا شي
لاتكوني شكاكه يمكن فعلا صارت له ضروف
تمنعه من الزواج الحين
وبالنسبه لعدم اتصاله
يمكن حب يوريك انه مافي سبب يخوفك من انك تديه رقمك
بمعنى انه مش كل شويه ح يدق عليك
ويمكن لانك قولتيله ان ابوك رافض كلام التلفون
ماحب يعملك مشكله باتصاله او رسايله
الله يوفقكم
و الله يا حبيبتي يمكن زعل لانك ما عطيتيه الرقم بالاول و حس انك انجبرتي تعطيه اياه عشان كذا ما كلمك .. و بعدين انتي ارسلتي دعاء وش تبينه يرد يقول يعني ؟ شكراً ؟ طيب ماهو شكرك يوم اتصلتي .. حبيبتي انا ادري وش كثر بتكونين خايفه و كذا بس عادي انتي ما سويتي شي غلط هذا زوجك حلالك
الله يهديتس ويوم تكلمينه فيهآآآ شي
تعوذي من الشيطان وارسلي له رساله وحاولي تتقربين منه انتي فاهمه الشباب وتفكيرهم صديقي سوا وانا ماسويت وبعدين طريق الحرام مفتوح لاتخلين له فرصه