هذي اخواتي العزيزات تجربتي مع الثوم وزيت الزيتون روعة والحمدلله

السلام عليكم شوفوانا اجت فطره بكيت على شعري وقصيته لرقبتي في وحده كبيره بالعمر قالتلي جيبي راسين ثوم الي لون قشرته على احمر هذا الحار ترا راسين مو سنين ثوم وافرمهم ناعم وبعد الفرم على طول احط عليهم زيت زيتون لغايت ما اغمرهم ويكون الزيت مغطي الثوم وطالع فوقو بحوالي 2 سنتيمتر بس ترا الزيت ما لازم يكون مغشوش واخليهم بس 3 دقايق وابتدي احط على الفروة باصابيعي بس لازم احط الزيت واحط معاه الثوم المفروم يعني اشيل باْصابيعي الزيت والثوم واحط بعد ما احط على كل الفروة احط الباقي الزيت ومعاه الثوم على كل الشعر واغطيه ببوني انا احطه باليل واغسله الصباح وممكن الوحده تحطه الصبح وتغسله باليل ولا تخافي كل الثوم بيروح وما تضل ريحه واصلا ريحت زيت الزتون مع الثوم مو وحشه انا استعملنه 3 مرات في الاسبوع وبعد 4 اسابيع وقفته لانه كثفلي شعري كثير لدرجت ما عاد فيني اتحمله وماشاءالله في 6 شهور طول شعري لتحت نصف ضهري وبعد سنه صار لخصري ويوقف التساقط وينبت شعر جديد بعد ايام تحس راسك يحك فيك تحط اصابيعك تلاقي شعر جديد طالع وكنت في نفس الوقت ادهن من الزيت شوي بحواجبي بس لا تقربي جوا العين بيحرق بس ما يضر ومع هذي الخلطه حطيت زيت حبة البركه لحاله كنت اليوم الي ما احط فيه زيت الزيتون مع الثوم سعات احط زيت حبة البركه بدون ما احط معاه ولا شيوفي عندي خلطه ثانيه *****الله انزلها قريب اخواتي كل من تجرب هذي الوصفه وباءذن الله تلاقي نتيجة حلوه
وادعولي بان الله يحقق امنيتي