يسكر الباب بالمفتاح
السلام عليكم ورحمته الله وبركاته
انا متزوجه من سنه وعايشه انا وزوجي في شقه يعني مافيه الا انا وهو قبل كم يوم لحظته عليه يخبي علي امور صار يحط جواله مقلوب يعني مايخلي الشاشه تبين يحطه في ثوبه عكس اول كان عادي يحطه في اي مكان الشي الثاني دخل الغرفه وسكر الباب بالمفتاح على نفسه كانه اخذ شي او حط حاجه وفتح الباب انا تنرفزت من حركته يعني انا زوجته وشريكه حياته ومعاه في البيت يسوي كذا انا مو من النوع الملقوف وما احب ادخل في اشياء ماتعنيني بس هالحركه نرفزتني كانه خايف اني اشوف او يقولي المفروض بين الازواج مايكون فيه اشياء تتخباء انا اي شي يصير عادي اقوله لانه زوجي
ابغى اسأل هل الامر هذا عادي انه يقفل باب الغرفه بالمفتاح والله اني شيله بقلبي وزعلانه عليه
اتمنى من الاداره تنزل مشكلتي في اسرع وقت
حاولي تتقربي منه ولا تواجهيه خليه خايف منك وعائش على اعصابه وادعي له بالهدية وموفقين يارب
خلكي على طبيعتك في بيتك ومع الحذر
ممكن في شي خاشه عنك
وان شاء الله ما يكون في شي يقلق
موفقة
تصرفي طبيعي وتقربي له اذا شي عادي بيخبرك مع وقت بس لا تواجهينه حتى تحصلي شي يثبت اللي يسويه
لا يوسوس لك الشيطان امور
يمكن عادي عنده شي له هو مو شرط شي ثاني
انتي تقربي منه وحاولي تتكلمي معاه
يعني ماينفع تاخذي عليه بقلبك وانتي مافهمتي منه شي
اساليه وصارحيه بشكوكك لا تخلي الشك يصيطر عليك بعدين تندمي انك ما سالتيه يمكن عامل لك مفاجأه ومش حابك تعرفيها وقفل الباب بالمفتاح حتى ما تشوفيها وتخرب المفاجأه ^^ ههه ما اعرف قلت رايي فقط..المهم هو اكيد باين عليه مخبي عليك حاجه من تصرفاتو واضح والافضل تصارحيه بهدوء وتتفاهمي معو..ان شاء الله يفهمك وتتوصلو لحل بالتفاهم..بالتوفيق..