يا سيدات المجتمع انجدوني …
يا سيدات المجتمع كيفكم ؟؟ اخباركم ؟ انشاء الله دايما بخير
حبيباتي ابغا منكم مساعدة وافكار لا تبخلو عليا 
عندي غرفة في البيت فاضية ابغا ارتبها وافرشها بس الهرجة
ان انا ابغا الغرفة دي غير ابغا لمن افكر اشرد من البيت الجأ لدي الغرفة
ابغاها شي اسبيشل ابغاها وااااو روقان و استكنان في نفس الوقت حاجا غريبة
لأن بيتي كلو ديكور امريكي ناعم
ابغا افكاركم وابداعاتكم اتخيلو دي الغرفة في بيتكم ايش ممكن تعملي فيها
لا تبخلو علي بردودكم و افكاركم
حطي بويتها لونك المفضل علشان تروقي
هذا الي ببالي حاليا
لو تخلينها غرفة مصلى
خذي طقم فخم من السجاجيد والجلال (الشرشف)وافرشي الارضيه موكيت عشان تحسين بشيء من الدفء
وحطي ادراج كونسول لا يفوتك اللي عند محل القفاري للاثاث شيء روعه يشيل لك اغراض كثيرة
حطي فيه كتيبات ودفتر للخواطر وحطي فوقه راديو خلك من التلفزيون ذي المرة
وحطي مبخرة كهربايئه واشتري من العربيه للعود معجون الشيوخ خلي الغرفه دايم مبخرة _بس بخريها قبل ما تدخلين
وكنبتين لانهااريح من الجلسه العربيه
منها جلسه واسترخاء وصلاة
ان شاء الله اكون افدتك
بصراحة طلبك جداً رائع انا انصحك تخليها غرفة تجديد ونشاط اعملي لون الجدران بعدين اعملي جدار واحد رسم او ركبي عليه ورق جدران من الأشكال المودرن وحطي عليه جهاز رياضي ومكان للمساج وكل فترة والثانية خلي كوفيرة تجي عندك البيت وأعتبريها غرفة التجديد والتجميل الخاصة فيكي