والله العظيم تعبت من حالتي الصعبه

السلام عليكم ورحمة الله وبركاتة ي بنات…
كيفكم؟؟
ان شاءالله تكونوا بخير والله يبعد عنكم الهموم…
.
.
.
أنا يا بنات بحكيلكم مشكلتي الي أعاني منها سنوات تعبت فيها نفسيا والله شاهد على گلامي ومعاناتي..
بنات أنا عمري ٢٠ سنة حالتي سيئة جدا وكل ما ابدا اتغير واتحسن يصير شي وينكد علي وارجع لحالتي
انا يا بنات في مراهقتي كلمت شباب كانت مرحلة طيش وبنفس الوقت كانت عندي نقص عاطفه … لكن الاحظ نفسي ي بنات ان كل ما اقول ابي اتوب مابي اكلم شباب ارجع واكلم مادري ليش ؟؟؟؟
بنات انا كنت ف سابق بنت مرحه وبشوشه واحب امزح وكل شي بس الحين صرت غير عن قبل صرت وحدانيه واعصب بسرعه ودايما ازعل واتحسس وابكي ع اتفه الامور… يا بنات انا احس ان قلبي مهشم خلاص كرهت الحياة وش فيها شي حلو اصلا؟؟؟
صارت ثقتي بنفسي معدومه حتى لو احد تمصخر فيني ماعرف ارد وادافع ع نفسي.. اخاف يزعلون م كلامي او بالاصح ان رديت اخاف ناس تبتعد عني او يزعلون ماحب احد يزعل مني …
بنات انا ادرس في كلية احس نفسي اقل عن صديقاتي وزميلاتي ..بنات احس مو الكل البعض اقصد انهم مايبغون صداقتي بسبب اني قصيرة وملامحي صغيرة ويفكروني مافهم شي ف دنيا.. والله دايما اتالم من داخلي واتقطع حتى ويا الناس اسمعهم يتمصخرون علي بس اطنش لكن من داخلي انسانه بلا قيمه وافكر بالشي الي بصير لي..للاسف شو اسوي وين اروح يالله شو ذنبي اناااا…
ماغير المشاكل والجو الروتيني فالبيت شسوي بحالي …
يا بنات مع كل ظروفي هذي مابغي حد معي تعودت على الوحده وصرت اقول اي احد بيضل معي بيطفش وبيروح مني..مثل صديقتي الي معي بنفس الكلاس بالكلية صادقت بنات غيري وماصرنا مثل اول نسولف ونحكي حتى صارت سوالفنا سطحيه لكن مع بنات غيري تكون غير..انا عاملتها بنفس الاسلوب صرت اكلم بنات وكذا حسيتها تلومني بنظراتها وتغار وكذا..
يا بنات افكر بزواج علشان تنحل مشاكلي لعل الزوج يكون خيره لي بس ماجا نصيبي ..اصلا منو بيتقدم لي اخواتي ماتزوجو اخواتي وحده عمرها ٢٤ سنه والثانيه ٢٧ سنه كيف بنتزوج ونحن لانطلع ولا نروح ولانجي..الله يرزقهن ويرزقكن ي بنات ب ازواج صالحين.. بنات هاجس الماضي يلاحقني دايما ف بالي حتى يا بنات بدون مبالغه صرت ماهتم لجوانب حياتي لا الجانب الديني ولا النفسي ولا الاجتماعي ولا لاي حاجه .. صار الفون كل حياتي في مواقع التواصل الاجتماعي ومواقع دردشة ادري ان غلط بس ماعرف كيف ارتب حياتي محتاجه مساعدتكن ي بنات واقتراحات وحل لمشكلتي عسى الله يفرجها علي ع يدكن ي بنات.. بنات صار زواج هوه الحل الوحيد لمشكلتي الي ممكن يطلعني باللي فيه..انا ادري ان الفراغ والملل هوه السبب بس لما اريد اغير حياتي اظل ف نفس الدايره الي انا فيها ماقادره اطلع من الي انا فيه … يا بنات فرق بين الي كنت فيه والي الحين انا فيه..صار كلام ناس يتعبني كل ما ابغي اسوي شي تخصني اخاف من كلام ناس .. انا ادري ان اهلي جزاهم الله خير مامقصرين فيني ..بس مادري وش فيني والله يمكن محتاجه احد في حياتي يكوت معي مايتغير علي يهتم فيني .. اهلي صحيح مامقصرين بس مو مهتمين فيني ذاك الزود مو كثير..
يا بنات صرت اشك ف ناس و فكلامهم وتصرفاتهم تعبت والله العظيم تعبت لو اقول الي بخاطري واعاتب واغلط ع ناس كانت الناس بتكرهني بس اضل ساكته واكتم خوفا على مشاعرهم… هل هذي ميزه او عيب مدري…
بنات اسفه كثيييييييييير طووولت فالكلام بس هذا الي بقلبي كاتمته ماقلت لاي حد الا لكم واثقه بالله وفيكم انكم تساعدوني ابدا حياتي وارجع مثل ماكنت لان تعبت وصرت ف حاله اكتئاب … بنات ارجوكم ساعدوني واقترحو علي وشورو علي لاتخلوني ارجوكم…
ادعولي ربي يفرجها علي..