همسه في اذن الام حديثة العهد

بسم الله الرحمن الرحيم

السلام عليكم ورحمة الله وبركاته

اختي الام الجديده اللي ماعندها خبرة في الامومه عندي لك نصيحه من واقع تجربتي مو كل شي تسمعيه تآخذيه أسألي اصحاب الاختصاص والخبرة قبل اي شي.

بعد ولادتي بطفلي جتني اخصائية الرضاعة وحذرتني من ان اعطي طفلي ماء او اعشاب كالينسون والكمون قبل ان يكمل 6شهور.
طبعآ اول من عارضها كبيرات السن وطبيب الاطفال الاستشاري الذي كان يشرف على حالة طفلي .
المهم اني سمعت كلامها بالنسبة لشاي الاعشاب والله لايوريكم طفلي تقطع من ألم الغازات والامساك(اعزكم الله)
وانا لسى بأسبوعي الاول ونفاس ماخليت دكتور ماجيته وبكاء ودموع وامي تطلب مني اغلي له ينسون ومصره على الرفض.
لين اقتنعت اخيرآ كلما جيت دكتور يقول لي اعطيه اعشاب بس يكون خالي من السكر وفعلا صرت اعطيه الشاي بالبدايه ملعقة صغيرة لين وصلت رضعة من رقمين.
والماء اعطيه بملعقة صغيرة لين زادت يوم عن يوم.
فانتبهوا رجاءآ
واحذروا تعطيه الحلبه كثير ينصحونك اعطي ولدك حلبه حطي 5 حبات بترمس الماء حقته غلط يابنات احنا مانبي السمنه على حساب الصحة
حتى لوشكل طفلك صغير لكن صحتة تمام ووزنه يزداد طبيعي ماله داعي لرضعة التمر او الحلبه او الماء بسكر النبات.

وعلى فكرة الاطباء يحذرون من تحلية الشاي اوالماء او الحليب بالسكر وخاصة سكرالنبات
وان كان لابد حطي حاجه بسيطه من السكر العادي
لان الحريم انصحوني بسكرالنبات لولدي لما جاه صفار وتعب وربي حيل ولما عرف الطبيب سمعني كلام الله لايسمعكم مثله واجمعوا اكثر من استشاري على هذا الراي.
طريقة شاي الاعشاب الصحيحة للمواليد:
نغلي الماء ثم نتركه يفترثم نصبه على الاعشاب وتغطى لمدة 10 دقائق ثم نعطيه رقمين فقط.
يفضل النعناع عشان الغازات وتهدية الطفل.
الكمون مريح جدآ للطفل.
اليانسون رائع للغازات والامساك والبلغم لكن مايفضلونه في اول الولادة لانه يخدر الطفل ويخليه ينام ولايرضع كفايه بسبب النوم.
البابونج رائع.
وكلها بدون تحلية وصدقيني بتقبله لانه صغير مايميز الطعم لسى.
وانتبهي اختي اذا كنتي ترضعين وتشربين شاي اعشاب انتبهي للي تشربيه يمكن مايصلح لطفلك لان مع الرضاعه ينتقل لطفلك وعلى كمية ماتشربين من اعشاب تقللين الشاي حق طفلك عشان مايكثر تركيزه عليه.