مرحبا بنات
انا كنت احسب اني ولدت عادي بدون اي تدخل او مساعدة الادوات الطبيه
ولدت قبل اسبوعين ولله الحمد
كان الطلق طبيعي الحمدلله واستمر معاي 21ساعه وبعدها دخلوني غرفة الولاده بعد
ماصار الرحم مفتوح 10سم وكنت مع الطلقه ادفع وكان الجنين كمان يدفع والسستر
تقولي لاتدفعي الين ماتجي الدكتورة بس انا كنت خلاص ماقدر اتحكم بالدفع وكنت
من قوة الوجع مغمضه عيوني واسمع الممرضات يصرخوا ينادوا الدكتور وجاء بسرعه
الدكتور وحسيت بشي حطوه فيني من تحت زي الحديد مره يعور وصرخت وبعدين الدكتور شقني وكل هذا من غير بنج وبعدها صار يقول ادفعي وانا ادفع الين ماخرج الجنين بس دخلت على النت وقريت انهم يستخدموا الجفت احيانا في حاله التعسر وخفت قلت يمكن هذا الحديد اللي حطوه فيني هو الجفت. واستغربت كمان من انهم صاروا ينادوا الدكتور بسرعه وهو مو دكتوري لان المفترض اللي يولدني دكتورة هل معقول ولدوني بالجفت وانا مادري وهل معقول الجنين نبضاته قلت وعشان كذا صاروا ينادوا على الدكتور بسرعه
إي ممكــن
والله مادري بس خفت
وليش ما قالو لك
حسببي الله عليهم
كيفك وكيف ولدك الان؟
اهم شي انك قمتي بالسلاااااامه وطفلك سليم
الحمدلله انا بخير بس لسه عندي اوجاع اسفل بطني وفي الرحم شديده بالقوه اجلس وامشي. وبالنسبه لطفلي الحمدلله مافي شي ظاهر عليه غريب الله يستر
الحمدلله على سلامتك
اناماعرف الجفت بصراحه
الحمدلله ولدتي وخلصتي ربي يحفظك وولدك يارب ماعليكم شر ان شاءالله
تحياتي
الله يسلمك الجفت (الملقاط) اله حديد يسحبوا بها راس الجنين وتسبب اضرار للجنين الله يستر