السلام عليكم
احتاج رآيكم في وضعي مع زوجي
انا متزوجة من ثمان سنين وعندي ولد عمره سبع سنين الله يحفظه، زوجي ابن خالتي ومن ايام الملكة ماتفقنا وكنا على وشك الانفصال لكن تدخلو الاقارب ومنعوه.. وطول فترة زواجي وانا دايما في خصام مع زوجي على كل شي نختلف.. وبسبب تدخل الاهالي زوجي صار حاقد على اهلي بشكل كبير مايواصلهم ولا يبغاهم يجوني..
اول الزواج كانت مشاكلنا على الفلوس واحتياجياتي عند عيد او طلبات للبيت كانت صعبه جدا كلما احتاج شي ابيع من ذهبي او اطلب اهلي.. وبرضه هو مقصر في الصلاة ، مدخن، دايم يكذب لدرجة صرت اشكك في كل كلامه حتى لو كان يمزح ماصرت اثق فيه ابد..
بعد سنتين من الزواج صار مقل جدا في العشرة وكنت انزعج لاني كنت ابي احمل بعدها اكتشفت بالتحاليل انه عدد الحيوانات المنوية قليل والحركة والكثافة فيها مشكلة.. حاولت فيه يتعالج صار يبدا ،لا يستمر في الفيتامينات ،العسل وكل شي مايستمر وكان الموضوع مو مهم عنده.. سويت ثلاث عمليات انابيب كلها فشلت ..
الان احنا بامريكا ندرس اوقات يرجع البيت في وضع غريب ريحته خمر ويكون متخدر وشكله مو عادي.. لما اوجهه ينكر تماما انا ماعاد ادري اصدق ولا لا بس لما نسافر يسهر برا لاوقات متاخرة ويرجع بوضع مخزي..
اخر شي صرت اقوله انا تعالج اقرا على نفسك ابعد عن الدخان والحرام عشان ربي يشفيك صار يقول اصلا انا اللي فيني بسببك وبسبب اهلك وانه في احد ساحرنا قلت له مافي احد حولي كذا احنا من مكة ونخاف الله بس عشان ابوي بوقت زعل قاله انت ماعاد تشوف الخلفة لان وقت ولادتي كنت بموت ورافض العملية عشان الفلوس وكان مجنني طول حملي صار قصده ان ابوي اللي ساحره بالرغم ان ابوي باحترام فضيع واللي صار حصل بسبب المشاكل..
عموما انا الان اشعر انه مافي شي يجبرني اتحمل اصبر عليه لا اخلاقه ،لا صلاته ، لا تعامله معي او مع اهلي، ،لا اقدر اخلف وغيرها مايجيني الا مرا بالشهر وهو عنده انزال سريع انا تعبت ما احس اني متزوجه ابدا مو صابرة الا علشان ولدي بس ماودي اضيع حياتي معه احس بيجيني السكر و الضغط من المشاكل ..
محتارة ماعاد اقدر انام ولا ارتاح الله يفرج الهم
شاوري ابوك واخوانك واستخيري الله وعسى الله ييسر امرك بس انسان ما يصلي ويشرب مسكرات هذا لا يعاش معه
القرار لك وحدك
ولكن صارحيه عند اتخاذك للقرار برغبتك
وامهليه 90 يوما ليتحسن وتتبدل أحواله للافضل
وبعدها خذي قرارك بعد الاستخارة
هو من النوع الذي يلقي بمشاكله على شماعة الاخرين
ربي يعينك
لكن مع كل هذه العيوب الي ذكرتيها
ليش ناويه تحملي ….
إنسان سيء المعشر بمعنى اصح
و السنوات كلها لم تعلمه و لم تصلحه
فأنا من رأي الأخوات طالما قاطع للخمس فلا
يستحق التضحيه ،،
اختي كل شي يهون الا التفريط في الصلاة وشرب الخمر وعن تجربة وحده من المقربات مني اقولك نصحوها المختصين بالطلاق واهلها قالوا لها اصبري لعل وعسى فالاخير الان تمت 24 سنه مع زوجها ولاتعدل ولاعنده نيه اصلا يعني هالانسانه الضعيفه للاسف قالت يمكن يزين ويمكن يتعدل وبالاخير خسرت احلى سنوات عمرها غير ان اولادها للاسف بعد ماكانوا في التحفيظ واسم الله عليهم صاروا يقلدون حركات ابوهم نسخه منه والان هي متندمه اشد الندم وانتي يا حبيبتي شوفي نفسك انا مره سمعت طبيب نفسي يقول لاختي مدمن الخمر مايتوب الا من رحم ربي وفي ظروف خاصة جدا ..ربي ولدك بنفسك وشوفي نفسك وعيشي حياتك وباذن الله ربي بيرزقك باللي احسن منه بالف مره بس هالمره اختاري صح وربي انا مو قصدي اخرب حياتك ولا اخبب عليك زوجك لكنه الواقع يابنات اللي يشرب خمر اتركيه واللي راعي سوالف وحريم اتركيه ليش نستحملهم ؟ الدنيا ماخلت لاكن حرام عمر الوحده مننا يضيع في انتظار شي من الممكن انه اساسا مايصير الله ييسر امورك ويوفقك لما فيه خيره لك ولابنك وطمنينا عنك