السلام عليكم ورحمة الله وبركاته ….
كيفكم ي بنات …
المهم راح ادخل بموضوع مشكلتي 😢💔…
بنات انا انخطبت لواحد قريبي وطبعا عن قصة حب دامت بيننا سنه …المشكله هنا اني كنت قبل لما كنت اكلمه كنت ادرس في كليه بس نفسيتي في الدراسه زفته وتركتها ولما تركتها ماشفتوا كيف فرحته يعني بدال مايعاتبني ويقول هالشي الي سويتيه غلط وكذا العكس صار فرحان اني خليتها 😒…وانا كنت كمان مبسوطه بس انتوا تعرفوا كلام الناس ماهو بقليل ليش خليتي دراستش وليش وليش وضيعتي مستقبلش ع الفاضي المهم وبعدها جاء ابوي وقالي يابنتي انتي شفتي ظروفي كيف انا مديون وماعندي ولد كبير يشتغل اخوانك كلهم صغار ويدرسوا واختك الكبيره تزوجت وماساعدتني بشي وعادي والله ماابغى شي منها دامها هي مرتاحه مع زوجها بس انتي. الحين ابغاك تساعدي امك واخوانك تدرسي وتشتغلي انا ماراح اكون عايش طول العمر عشان اصرف عليكم انا خلاص قدني بسن كبير والموت حق …ابغاك تكوني قدوه البيت وشفتي امك كيف مريضه وانا مديون ماقدر اعطيها شي ….الحين انا حاط عيني عليك لاتخيبي ظني فيك ….بنات بصرراحه تأثرت بكلام ابوي وحاولت ارجع للكلية بس مارجعوني قالوا خلاص انتي سحبتي كل شي وخبرت ابوي طبعا ابوي راح وسلف من عند اخوه عشان يدفع لي بالجامعه اكمل تخصصي رغم انه ماعنده شي والله بس اهم شي انه يشوف بنته خريجه ورافعه راسه ….بنات فاتحة خطيبي بالموضوع هنا المشكلة الي صارت هو لساته ما اشتغل بيتدرب بالاول وبعدها بيشتغل …بنات من خبرته بالموضوع اني راح ارجع اكمل دراستي عشان اساعد اهلي واشتغل واسدد دين ابوي قام وعصب وصار يحكي كلام مامنه فايده انتي كان قبل قلتي ماابغى ادرس كيف رجعتي الحين وليش رجعتي. انتي اصلا الي كلمتي ابوك يدفع لك عشان تكملي دراستك وانتي ماراح تكملي دراستك راح تلعبي عشان بس تطلعي وتغيري جوو المهم حاولت اشرح له الموضوع كله مايفهم الله يهديه وقال تمام الله يوفقك بس انا من بكره راح ابيع سيارتي وبخلي اهلي يدفعوا لي كمان وبروح ادرس بالاردن بنات هو مافكر بالشي هذا الا لما انا قلت له اني بكمل دراستي يعني يبغى يقهرني بكلامه هذا …ولا القهر وش تتوقعون انه قال : قال والوظيفه ماعد راح ياخذها بينكسلها عشان يدرس بالاردن يعني صارلي سنه وانا منتظراته عشان يتوظف ف الاخير يقول اخليها بس صدقوني احسه بس يبغى يقهرني بس احيانا يسويها وسكر فونه كامل حاولت اتصل فيه بتعذر ….اخخخ والله نفسيتي زفته اهلي من جانب وخطيبي من جانب ….والله احبه واموت فيه ومااقدر اتركه وهو يموت فيني ويحبني بس يغار كثير مايحب يشوفوني بالجامعه قصده ع الاختلاط وكذا ونفس الشي قصده اذا تزوجنا ماراح نكون سوا كثير بسبب شغله وانا دراستي وقال انا ما اصدقت اني راح اتدرب قريب واتوظف واتزوجك تجين الحين انتي وتقولي ابغى ادرس ليش ماتكملي دراستش من اول قلت له اول شفتني كيف مهمله ووقتي كله اكل ونوم وفون وانت بدال ماتدعمني وتشجعني تسكت وماتحكي شي 💔المهم الحين شسوي
لاحول ولا قوه الا بالله ابوك محتاجك سند له ولا خوانك وامك بعد الله وخطيبك يغار عليك لازم تحاولي ترضي الطرفين لحتى ماتخسريهم ادرسي وكملي دراستك عشان ابوك وعشان نفسك لانها الشهاده عز بعد الله تنفعك بلمستقبل وخطيبك حاولي ترضيه وان ترك شغله وطلع يدرس بلاردن فانا اشوف شي عادي وافضل لحتى تخلصي دراستك براحتك ووهوا يخلص دراسته هناك ويرجع وانتي جهازه ماعليك ضغط دراسه وهوا نفس الشي وتشتغلي وتنفعي اهلك وربي يوفقكم ويسعدكم.
والله دام ابوج اللي طلب منج هالشي لا تتردي في انج تلبي طلبه … و بصراحة وجهة نظره فيها مصلحة لج قبل ما تكون المصلحة لاهلج
بالنسبة لخطيبج اذا بس خطبتكم كلام اقصد بدون ملجة فماله حق يتحكم فيج ممكن يقول رايه لكن ما يجبرج على شي
طرشي له رسالة انه اهلج في حاجتج و لا يمكن تترددي قي مساعدتهم و انج راح ترجعين للدراسة و بتدورين على شغل عشانهم
و اذا ما وافق فرأيي الريل بداله الف ريال بس الاهل ما يتعوضون
موفقة
استغفر الله العظيم الذي لا إله إلا هو الحي القيوم و أتوب إليه 
انا لو مكانك وابوى يكلمنى جذى اكيد بساعد ابوى
وخطيبى بكلمه
بقول له لو انت كنت مكانى وابوك طلب منك كذا
بحاول اقنعه
او ما اقتنع هو حر بحياته
شرايك اجي عندك ونبكي سوا ونلطم ؟
اقول كملي دراستك ع طووووووول الله لا يربح العدو ..
سم الله عليك من اولها صار يتحكم بمستقبلك انتي وين عقلك ؟
ابوك تعنى وتسلف وقلبه مكسور عليك ويدري مصلحتك
وجاي خطيبك للي حتى وظيفة ماعنده يعلمك دروب الحياة
اسمعيني زين خطيبك يفكر بالغيرة والكلام الفارغ
كملي دراستك زين وبكرا تنفعك وتشوفي كلامي صح او غلط ..