السلام عليكم ورحمة الله وبركاتة
بدخل بالموضوع على طول انا متزوجة واحد عنده عيال وبنات وزوجتة على ذمتة وانا زوجتة الثانية…… الفرق بيني وبين بنتة الكبيرة بس 3 سنوات
وعندي بنتين …… وخده عمرها سنتين ونص وحدة عمرها خمس شهور تقريبا
والله كهرني عيشتي بناتة الكبار كل مايجوني يقطن كلام مثل السم للمعلومية انا بمنطقة مع زوجي وهن وامهن بمنطقة والبنتين الكبار والثالثة متزوجات….ومع ذلك مااني مفتكة منهن لازم يجيبهن بحجة انة مشتاق لهن مع انة كل اسبوعين يروح عليهم ويخليني بروحي بمنطقة مااعرف فيها احد الاجارتي وجارتي مرات كثيرة تروح للرياض عشان تعالج ولدها…..
وولده الكبير ماعليه حليل ومايرضا بالغلط ولده الكبير عمره يمكن 22 سنة هو اصغر من البنتين الكبار….
انا الظروف هي اللى حدتني اتزوجه بسبب ان اخوي كل مايجيني واحد يرفضة وزوجة اخوي كل مايجيني واحد تقول لاموزين ومن هالكلام واخرتها ترسلة على خواتها او قرايبها ويتزوجون اللى يتقدمولي 
بنت زوجي الكبيرة متزوج واحد من اخواني وكل ماتصير بينهم مشكلة تكلم زوجي وتقولة وتخلية يتنرفز ويكون متضايق ويقولي انتي مالج دخل بالسوالف اللى بينها وبين رجالها….يعني لو يصير بينهم اللى يصير ماادخلج بالمواضيع…..
وزوجي مرات كثيرة يغلط باسمي ويناديني بايم زوجتة الاولى وزهقت من كثر مااقولة تراك تغلط بالاسم كل هذا حب !!!!!!!؟
انا ماتزوجتة الا يوم سمعت انة مع مشاكل كثيرة بينه وبين زوجتة حتي اخوة جاء وقال انة مشاكلة كثيرة مع زوجتة…… ولما تزوجت تغير كل شي والله ملللللللللللليت ……. واحس كل يوم بالقهر ونار تاكلني من داخل بسبب هالزواج
حتي لو الهي نفسي مع بناتي ماينفع من ينامن تبدا الافكار براسي تلف وتدور ….
يالزوجات الثانيات او حتي الثالثات او الرابعات قولوي شسوي؟؟؟؟؟
ابي اعرف شلون تتعاملون مع ازواجكم وعيالهم ؟؟؟؟؟؟ قسما بالله مليت
الله لايوفقهن ولايفرحن لابالدنيا والابالاخرة وجعلهن مايتهنن لابشبابهن ولا بعيالهن ولابرجالهن…….. والله اتمني ان رجالهن يتزوجون عليهن عشان يحسن بربع اللى فيني ……….
والله اكتب وانا مقهورة
بنات ريلج من زوجته الاولى لهم حق في ابوهم مثل ما لبناتج حق
ترضين بناتج ينحرمون من ابوهم اسبوعين واكثر ؟
و مع انه ما ذكرتي مواقف و وضحتي اكثر عن مشاكلج مع بنات ريلج
لكن اذا السالفة سالفة تعليقات وكلام طنشيه و لا كأنج تسمعين شي واذا زودوها خلي ابوهم يتصرف وياهم
و المفروض ريلج ما يخلي مشاكل بنته مع اخوج تأثر عليكم وعلى حياتكم
بعدين صفي نيتج صوب بنات ريلج ما تدري هالدعوات تتقلب وتصير لبناتج
موفقة
استغفر الله العظيم الذي لا إله إلا هو الحي القيوم و أتوب إليه 
وعليكم السلام
واضح زوجك حنون وطيب وبناته يغارون عليه هم يشوفونك عدوه سرقتي امهم نصيحه مني خليك جدا رسميه معهم سلام وكيف الحال وكوني ساكته اغلب الجلسه ومبتسمه خليهم يحسون انك انسانه لها هيبه احنا بنعيش حياتنا مره وحده وبنهايه بنموت وزوجك بيموت كمان الحياه قصيره جدا مجرد لحظه فلاتضيعينها بتركيز ع الاخرين وتشتتين طاقتك وذهنك ركزي ع نفسك وبناتك ابني سعادتك بنفسك صدقيني سعاده مع الله والاعمال بنيات كل واحد الله يرزقه حسب نيته كبري عقلك وطنشيهم وعيشي حياتك واستمتعي فيها حتى بأبسط الاشياء خلي روحك ترد لها الحياه ارسمي صلي انشدي اضحكي العبي مع بناتك ابتسمي
وليش تدعين على بناته ترى يمكن من كثر دعائك كلها يرجع عليج
الله يهديج
انتي الي رضيتي بهل زواجه ماله داعي الغيرة والنار الي تأكلك
مفروض زوجتة الأولى هي الي تغار مو انتي
والله يعينك
اختي
لم الدعاااء بهذه الطريقة
الله يستر يااا رب
صفي نيتك اختي فمن نوى بالشر على من لم يؤذه عاد له اكيييد
استغفر الله
وما المشكلة ان تحدثت وقالت ان ابوها يزورها دوما
لا ارى اي سوء او شر بالموضوع لدرجة تدعيم عليه لتلك الدرجة
كما انه لو تزوج عليهن زوجهن لن يحسسن بما تحسين ابدا بل بما تحس امهن
لان الاولى تبقى الاولى
والثانية تبقى الثانية
وبصراحة ارى انه لا تنقهر سوى الاولى
وشيء اخر اختي لم افهم لم تقبل النساء الزواج من متزوج لان بينه وبين زوجته الاولى مشاكل كثيرة هل لكي تدخل على حياته تبعده عن تلك المشاكل ويفرح بها وتكون هي المحببة والمدللة له
والاولى تحترق وتموت
ام لان المشاكل كثيرة سينفصل عنها اكيد اذن فلتنتطر ان ينفصل بدلا من جرح امراة اخرى اكثر مما هي عليه
اختي ما حصل معك قد حصل هذا الموضوع مناسبة لتقديم وجهة نظري لمن تفكر بنفس الامر
اما الامر بالنسبة لك سواء كانت غلطة او اكثر شيء يسعدك
لا تكبري المشاكل
ولا تسيئي الظن بالناس
ولا تدعين على الناس يا اختي فالدعوات ليست بالامر السهل
كنت برد على مشكلتك لكن دام هذا اسلوبك تدعين على البنات انا اترفع عن الرد عليك من الاساس