السلام عليكم ورحمة الله وبركاته
أهلا بكم جميعا خواتي
حبيت اكتب مشكلتي والله مو عارفه وش اللي فيني بالضبط
قبل سنه تقريبا جتني حالة خوف ومدري وش كنت احس كنت افكر بالموت
ومع ذا الحال كان عندي امساك وجفاف الحلق وصعوبة تجشؤ الله يكرمكم
واحس مافيني توازن ابد ونزل وزني
رحت المسشتفى ومع التحليل تبين عندي نقص فيتامين د وكسل في الغدة
وقلت للدكتورة عن بعض الاعراض قالت هذا قولون وعطتني ادويه واحس ارتحت عليها
وخفت الحالة بشكل ملحوظ والنفسية تحسنت وقبل 3 شهور رجعت لي حالة الخوف
وكل اوسوس بالموت مع اني والله محافظه على الصلوات وعارفه ان الموت حق
بس مدري ليش يجيني ذا الشعور ولله الحمد اقرا القرآن
وبطني دايم منتفخ مع الامساك ونادر يجيني اسهال وانتو بكرامه
واحس اذا اكلت الاكل يوصل لين فوق واحس بحرقه في معدتي وبطني
واحيانا في صدري واحس شي واقف في حلقي 
ابي اعرف هذي اعراض وشو بالضبط ؟؟
حبيبتي الموت علينا حق
وكلنا له ولكن سبحان الله طمئن قلوبنا والخوف من الموت
كويس بس في حدود ان نخاف منه ونعمل عملا صالح
ونجهز العده للرحيل والزاد للسفر الطويل
ولا نخلي الخوف يسيطر علينا نعيش وننبسط
طالما اننا لا نغضب الله
قال الامام عليه عليه السلام
اعمل لدنياك كإنك تعيش ابدآ
واعمل لاخرتك كأنك تموت غدا
لاتخلي الشيطان يوسوس لك وانسي الخوف وعيشي
حياتك في طاعه الله الله اعلم كم بقي في اعمارنا يوم اسبوع
شهر سنه او اكثر كل شي في علم الغيب
ربي يشفيك يارب ارقي نفسك غاليتي وشغلي سوره البقره عندك
على طول تشعري بالطمأنينة واقرائيها كل يوم
الا بذكر الله تطمئن القلوب ؛:)
بالنسبه للامساك اشربي ماء بكثرة وتناولي الفواكة والخضار
وكذالك اشربي ملعقتين من زيت الزيتون على الريق الصبح
وبعدها كوب ماء ساخن وضلي بعده نصف ساعه وثم افطري
ربي يشفيك يارب
هلا غاليتي
ما قصرت قبلة من فم الحيااة
وأنا عارفة زين إنك مؤمنة بالموت وما شاء الله عليك ف العبادة فما رح أتكلم عن هذا الموضوع
ولا تخافي غاليتي أمورك طيبة وعادية …. إنتي عندك شيئين مختلطين عليك
أول شيء أعراض الخوف
هذي بتصير وعشان أطمنك أنا أكثر من مرة صارت عندي
وصارت عندي نفس الأعراض إلي قلتيها بالضبط
بس لازم تنتبهي غاليتي إنك ماتعطي هذي المشكلة قدر أكبر من حجمها ولا تفكري فيها أبد ومتى ما جتك الحالة حاولي تقنعي نفسك إنها وساوس وبس
لأنه مثل هذي الوساوس علاجها التغافل عنها يعني بقدر الإمكان انسيها و اشغلي نفسك عنها ….عشان ماتزيد
بالنسبة للإمسك ونفخة البطن فممكن هذا بسبب النقص
فحاولي تاخذي حبوب فيتامينات بس طبعا لازم تستشيري طبيب بالأول
وربي يسعدك ويحميك غاليتي
|
المشاركة الأصلية كتبت بواسطة قبلة من فم الحياة
 حبيبتي الموت علينا حق
وكلنا له ولكن سبحان الله طمئن قلوبنا والخوف من الموت كويس بس في حدود ان نخاف منه ونعمل عملا صالح ونجهز العده للرحيل والزاد للسفر الطويل ولا نخلي الخوف يسيطر علينا نعيش وننبسط طالما اننا لا نغضب الله قال الامام عليه عليه السلام اعمل لدنياك كإنك تعيش ابدآ واعمل لاخرتك كأنك تموت غدا لاتخلي الشيطان يوسوس لك وانسي الخوف وعيشي حياتك في طاعه الله الله اعلم كم بقي في اعمارنا يوم اسبوع شهر سنه او اكثر كل شي في علم الغيب ربي يشفيك يارب ارقي نفسك غاليتي وشغلي سوره البقره عندك على طول تشعري بالطمأنينة واقرائيها كل يوم الا بذكر الله تطمئن القلوب ؛:) بالنسبه للامساك اشربي ماء بكثرة وتناولي الفواكة والخضار وكذالك اشربي ملعقتين من زيت الزيتون على الريق الصبح وبعدها كوب ماء ساخن وضلي بعده نصف ساعه وثم افطري ربي يشفيك يارب |
الله يشفيك اختي
لاتفكرين كثير في نفسك وتحطين في بالك انك مريضه وعندك شي لان فعلا بتمرضين ومابتطلعين من مرض الا للثاني يمكن عندك فراغ وفضاوة اشغلي نفسك باي شي ويمكن رجعلك نقص فيتامين دال روحي حللي واتعرضي للشمس كثير واشغلي نفسك بالرياضه كل ماحسيتي ان الحالة قربت تجيكي قومي اتوضي وصلي ركعتين او سوي اي عمل خير وادعي ربي يشفيكي وحافظي على اذكار الصباح والمساء واقري على نفسك واضيفي لنفسك عاده تواجهين فيها الوسواس عشان تحولينه من شي سلبي لشي ايجابي مثلا كل ماجاتك الحالة اجلسي على السير ساعة كاملة او تلعبين رياضة معينه تحبينها تسوين بحث ديني تتعلمين لغه جديده
أرقي نفسك ..الله يشفيك يارب
مٓ قصروآ البنآت ، الله يشفيك وييسر لكِ ، موفقه