السلام عليكم عزيزاتي
اليوم و انا على النت لقيت بالصدفه موقع لتعليم الاطفال من عمر 4 سنين تقريبا لحد الصف السادس يعني ممكن نحكي 10 سنين
و الله انا كتير فرحت بهالموقع و ما ضيعت وقت و ناديت بنتي الكبيره عمرها 4.5 الله يخليها و بلشت اشوف مدى تجاوب بنتي معي و فعلا و الحمدلله كان تفاعل قوي الموقع بصراحه جذاب من ناحيه الوان و رسوم
(انا من فتره و انا اعلم بنتي الارقام و العد و التلوين بس بعد ما طلعت روحي طبعا طلع فيه نتيجه)المهم صرت انا و بنتي نتفرج على الموقع و اسألها و شي تجاوبه و شي ما تجاوبه و فجأه لقيت بنتي الصغيره عمرها بده يصير 3 سنين بشهر2 ان شاء الله الله يحميها لقيتها متفاعله معنا و صارت تتعلم من الموقع بعض الاشياء متلا( تحكيلي ماما هادي دائره هاد لونه احمر هاد ارنب)
يعني احكيلكم خواتي مو شرط يتعلموا الاطفال الرياضيات و العد و غيره على هالموقع بس ممكن تعلميهم الالوان عربي او انجليزي و التنين بيكون احسن بتقدري تعلميهم اسماء الحيوانات و غيره و غيره يعني مو شرط بس يتعلموا الرياضيات او الحساب( انا بحكي على الاطفال الصغار طبعا ) بس كله هاد بالانجليزي و هيك ابنك بيستفيد لغه و بيتعلم بطريقه حلوووه
انا ما راح اطول عليكم خليني اترككم مع الموقع و ان شاء الله بيعجبكم و لا تحرموني من الدعاء اخواتي السلام عليكم
IXL Math
يسلمو حبيبتي هالموقع حلو كتير بس مافي صوت يعني ما طلع عندي صوت انا بسأل حتى يستطيع ولدي الجواب
وعندي موقع ايضا رائع لتعليم الاطفال الانكليزية الصحيحة بس حطي بالغوغل star fall كتير حلو بني الصغيرة مبسوطة عليه كتير انشالله يعجبك
شكرا على ردك و شكراحبيبتي على موقع starfall انا بعرفه و بنتي كتير استفادت منه فعلا موقع مميز اما بالنسبه للصوت فصوتنا اجمل من صوت المواقع 🙂 يعني انا بساعد بنتي في القراءه و الحل
شكرا اختي على الافاده واحين راح افتحه علشان بناتي يتعلموا منه
بنتى صغيره وودى افتحه بالعربي كيف
عزيزتي هاد الموقع امريكي يعني ما فيه منه عربي على فكره ازابنتك صغيره و حابه تعلميا علميها اسماء الحيوانات و تمييز الالوان بالعربي او بالانجليزي يعني ازا لاحظتي فيه الوان مختلفه و فيه حيوانات و انتي علميها بطريقتك يعني احكيلها هاد اللون احمر هاد الشكل دائره هاد الحيوان قرد و هيك (هيك طريقتي مع البنات الصغار في البدايه و شوي شوي بصير ازود المعلومه) و بالتوفيق
يسلموووووووووووو
روعه الله يسعدك مشكووووووووووووووره