مكـَالمـَه بـــَاااااااااااااايخـَه

ألو مرحب ،، هلااا والله تفضل معك أنا ‏أهلين=‏أخوي أبغىَ وليّ أمر الطفل يوسف ،، أنا الدكتور
‏تنهّدت ودريت إنه مولّم طعنة ‏السكين=وأنا من دون سكينه ،، ياكم سكين بي مكسور
‏نعم آمر يادكتور !! ،، وتلفض لي : (بعد يومين)=‏تجي معك الطفل يوسف ،، ولاتفوّت عليه ‏الدور
‏سكت ‏وقلت ‏يادكْتْوْر ‏انا ‏ويني ،، ‏ويوسف وين؟=يادكتور وينكم ‏عنّه ‏وانا اصرخ لي ‏ثلاث ‏ شهور !!
تجاهلتوه، (يـَاا أبن الكـ…) ‏‏طنشتوه، (يالوسخـ…)=على شانه ‏شمالي؟؟ ‏أوعشانه مو ولد هامور !!
‏حبيبي مااااات يادكتور قدامي قبل ‏شهرين=قبل شهرين كفنته انا فـ ( يديني ‏) يا دكتور
‏زهق من ‏(مجزرة رفحاء) وغذايه وخبث ‏ ايدين=وتعب من (أجهزة عرعر) ومستشفى كل أبوه قصور
‏نخاكم بس يبي منكم سرير ينام فيه ‏شوين=وكسرتوا خاطر الطفل وغدا من خبثكم ‏مخطور
تكاثرتواا على يوسف (هوا الله) ليه ياشينين=كأنه من كثر غبنه بكم وادع وهو مقهور
حرام انتم بشر واذا بشر ف انتم من الضالين=بلااا رحمه .. بلااا دم .. وضميرٍ فاسدٍ مقبور
يابيخك حيل بايخ يااستشاري المسخره والبين=ف برودة دم تبغاه يحضر؟ من وين؟ من هالقبور
قبل مده وقفت وشافواا وقوفي هاك الغالين=رجعت ولااا معي يوسف، وعمّر هالحزن ب صدور
رجعت لبيتنا ضايق حزين ولادْمعت لي عين=لأني لو بكيت ،، أمه تموت ،، وجيتها مسرور
واقول : اليوم لااا تبكين غيره نُرزق بعشرين=ويُملا البيت ياأم يوسف.وانا في داخلي مذعور
الىَ هالحين ماسكرّت علامك؟ وش تبي هالحين!!=عطاك العمر يادْكْتُوُرْ ولا قصّرت به مشكووووور
حبيبي طير فالجنه .. قسم بالله مابه شين=حبيبي مات من شهرين فماااااااان الله يا دكتور
:
.