قصيده في منتهى الرووووعه بالنسبه لي
يا منهك الحال فيني نوّخ ركابك
وش بك على باشة الدنيا مضايقها ؟؟
ما عادها الغالية تقوى من امْصابك
وانته مسلّط عليها ما تفارقها !!
على لهيب العتب بكثّر اعْتابك
حتى حقوق الشفا ينهلّ صادقها
هذي عليها الغلا والشوق متشابك
ولا انركز في الخفوق الا بيارقها
وكان العرب ساقوا الاموال في سابك
فـانا فدا راسها والروح سايقها !!
يا شمعة الكون جعلي فدوة ترابك
وجعلي فدا مغرب اهْمومك ومشرقها
إلى متى يالغلا والحزن ينتابك ؟؟
إلى متى والعيون الدمع مغرقها ؟؟
اطوي فصول الحزن من صفحة اكْتابك
وانا بحرّر بيوتٍ لّي موثّقها
مضمونها يالمرض شفني على بابك
خذ من سنيني فدا راحة دقايقها
وانا أوعدك يا مرض وان طوّل غيابك
أكون وافي معك .. بس لا تضايقها !!
اول موضوع انزله بالمنتدى … واتمنى تعجبكم القصيده
وعواتكم لاختي بالشفاء العاجل
منقووووول …
صوووووووووووووووح لسانك
حياتي .. الله يشفي اختك من كل شــــــــر ..
لاتحرمينا جديدك .
تسلمون ردودكم اسعدني ربي يسعدكم