بسم الله الرحمن الرحيم
السلام عليكم ورحمة الله وبركاته
اخواتي انا مشكلتي تنحصر في عدم الثقه في نفسي وما اشوف نفسي حلوه مهما كشخت ولو احد مدحني اقول في خاطري هذي مجامله مااصدقه
تعبت والله من عدم الرضا ويكون غصب عني واتأثر كثير واتعب نفسيا لما اشوف الفنانات واقول كيف ياربي زوجي متحملني واحس لما زوجي يسويلي شي حلو انه راحمني مو لانه يحبني وانه مخليني عنده رحمه فقط
ولما اكون في عزيمه ما احب اتكلم والناس تناظر فيني فتشوفيني ساكته وما احب مثلا امشي قدامهم او اصب القهوه ارتبك مره
حتى عند زوجي اذا كان جالس ما احب امشي كثير قدامه انا احس اني مريضه نفسيا وخواتي يقولون اعرضي نفسك على طبيب نفسي انت زينه وجسمك حلوليش ما تثقين في نفسك وانا صراحه ماعندي ثقه في الطب النفسي عندنا واحس لو رحت ماراح احصل فايده لان عدم الثقه تكونت مع شخصيتي وانا صغيره
صرت احسد اي وحده واثقه في نفسها وصرت احس اني كارهه الحياة لدرجة احيانا اتمنى الموت انا ادري ان هذا غلط بس غصب عني حتى السفر ياناس لما يقولو بتسافري اقول في نفسي طبعا السفر ما يصلح لي
ماعليش حبايبي طولتها بس ودي افضفض وودي حل تكفون لاتبخلو علي بنصائحكم وادعولي
وعليكم السلام ورحمته الله وبركاته
اختي كثر التفكير والشيطان ولعياذ منه يوسوسلك
وانتي عطيتيه مجال لوحطيتي في بالك
انك حلوه وكشخه كان من زمان راح عنك هاتفكير
جربيها وشوفي
تقبلي مروووووووري 
اختــي..
مشكلتي بسيطه جداا
حاولي ان تثقي في نفسك اكثر..
ابتعدي عن وسواوس الشيطان..
الجئي الى الله في صلااتك والدعاااء..
واجعلي في نفسك هذه الكلمه وررديها في ذهنك ستنفعك
انا ثقه …انا غير ناقصه ..انا جميله كشخه…انا اانا
كل العبارات التي تجعلك نحو التقدم والنجاح عبارات ايجاابيه
وليست سلبيــه تحطم كل امااالك
يعني البنت مهما كانت شينه(غير جميله) مادام انها الحمدلله تشوف وتسمع وتمشي وتتكلم هذي اهم شي
لان هذي الاشياء هي الي تساعدها في تحقيق الشي الي تبغاه وتوصلها لاي شي تريده
شوفي حبيبتي انتي لا تفكرين في هالشي كثير وتخلينه يسيطر عليك
اشغلي نفسك في اشياء ثانيه مثل الطبخ والقراءه وتزيين بيتك وبحثي عن مواهبك وقدراتك….
وخصصي ساعه في اليوم للاهتمام بنفسك ولا تحطين في بالك انك مو حلوه
(انتي حلوه بس محتاجه شوي اهتمام) حطيها في بالك هاجمله دائما(انا حلوه بس محتاجه شوي اهتمام)
وبعدين حبيبتي مادام زوجك حابك كذا كيف انتي ما تحبين نفسك….
شي ثاني حاولي تمسكين كتاب او مجله وتقرين فيها بصوت عالي في بيتك وحتى قدام زوجك او اهلك يعني اقرأي عليهم خبر او معلومه …..وبكذا راح تتجراين شوي شوي………
والله يكون في عونك ولا تنسي الدعاء في جوف الليل…
اتمنى اكون افدتك واسفه على الاطاله….
حبيبتي انا اقول لك انك مرة على مرة تقنعي حالك وتشوفي حالك انك اجمل وحدة وفيك كل الصفات وثانيا اعرفي ان الجمال جمال العقل والروح ومش جمال الوجه او الجسدي كل شيء واستغفري وحافظي على الصلاة وانا مانصحك انك تروحي على دكتور نفسي لانك مش بحاجةومادام زوجك يعمللك كل هاي الاشياء ويحبك اقتنعي داخليا انه بحبك
تحياتي (ام جوان)
ياقمر حطي في بالك انك حلوه وان مافيك شي ناقص وقولي هالكلام لنفسك قدام المرايه وحبي نفسك اكثر
انا كنت اعاني من هالمشكله بس صرت اطالع في المرايه واقول الله مااحلى عيوني وفمي وجسمي مافيني شي ناقص ومن هالكلام وخصوصا الي تشوفي الناس يمدحونه فيك..
حاولي تقراي كثير كتب عن الثقه بالنفس وعن اي مواضيع ثقافيه طوري نفسك وتكلمي مع الناس عادي حتى لو احد انقدك او انتقد كلامك لاتهتمي ودي اطول واقولك كلام كثير لاني حاسه باحساسك..
وانتبهي زوجك يحس انك مانتي واثقه من نفسك..
واذا انتي حابه تروحي عند دكتور امراض نفسيه انتبهي تاخذي ادويه وقوليله ابي علاج سلوكي فقط..
الله يوفقك ياقمر..
افتحي في النت على خطوووات لتقوية الثقة في النفس واتبعيهاااااااااااااااا وبالتدريب راااحت ترجعي طبيعية
روحي المكتبة حتلاقي كتير كتب عن الثقة بالنفس وعن تكوين وقوة شخصية
وان شاء الله حتستفيدي كتير