السلام عليكم ورحمة الله وبركاته
انا سبق وكتبت بقسم مشكلتي عن مشكله غيرت حياتي للاسوء وخلتني اتمنى لو ماتزوجت وهي سلفتي * زوجه اخو زوجي* والان كملت المشكله وصارو خوات زوجي ب الصوره !
ياطويلات العمر انا تو متزوجه من كم شهر طبعا زواج مشترك وسكن مشترك مع سلفتي وفبيت اهل زوجي موقتا الين يخلص البيت اللي يبنونه طبعا حنكون مع اهل زوجي برضو بس كل واحد له شقه 💔
الفتره اللي راحت كلها حاولت اتقرب من سلفتي واعطيها هدايا واعزمها ع العشا الخ بس مافيه تجاوب كنت اعاملها ب الاحسان هي كانت تسوي العكس تتبلى علي وتحش فيني وتقط علي كلام ونقزات وكله تتشكى انهاا ماتبي تسكن معي ! طبعا هي تصير بنت خاله زوجي يعني تقرب لهم وعلاقه امها ب ام زوجي مره قويه عشان كذا مايقدرون يردون عليها ويطوفون اغلاطها وانا قاعدين لي قعده حتى لو مامسويت شي يشيشون زوجي علي ويقولون له اني ماشتغل واني اصرف كثير ومدري وش طيب ع اي اساس قالو كذا وهم ماسكنو معي ؟
بدايه زواجي كانت علاقتي ب خوات زوجي مره كويسه سوالف ضحك طلعات طبعا هي كانت ماتقعد يمنا 24 ساعه تحت زوجها لانه قاعد لها فاضي فكانو ينادوها هي ماتبي فصارو كله معي اما الان تغيير دوام زوجها صار يروح بالليل فقامت تنزل يمنا وكذا وعقب ماقامت تنزل يمنا خوات زوجي تغيرو علي صايرو مايعطوني وجه وعسا من امزح معهم طبو علي وكلوني صارو مايتحملو مني شي وطول الوقت عزايم مع بنت خالتهم سلفتي وانا مايعطوني وجه واذا نزلت يكلموني ب نفس شينه كنهم مالهم خلقي طبعا خلصت حاجتهم عقب مارجعت لهم صاحبتهم واساسا كنت عارفه مصيرهم يقلبو علي لانهم منافقات يحشو فيها يمي ولاشافوها كلموها عادي ف اكيد حتى انا يحشو فيني يمها
الحين صرت مانزل تحت يمهم كثير بس زوجي صار يعاتبني 💔
انا مره ام زوجي مسكتني وقالت لي شفيك مع سلفتك قلت لها حركاتها وانها تقط علي حكي وتقارن حالها فيني وتحش
قالت عادي هالمشاكل تصير بكل بيت طبعا تبرر لها اغلاطها لانها بنت اختها بس انا اتفه شي سوو عليه مشكله وكله تمدح بنت اختها يم االناس وتذمني تخيلو مره قالت لي ي ليت تصيرين مثلها قالتها يم حريم وانا فيني البكيه لفيت وجهي وقعدت ادمع والله اني بستجن7
حسبي الله ونعم والوكيل والله اني احبهم وكله اتقرب لهم بعزايم وطلعات اهم كله يذموني ويقولون عني كسوله ومابي اسوي شي معني ادرس اول سنه جامعه وماقدر اعزل نفسي كثير قسم بالله انكتمت من الغرفه واهلي من كثر ماروح لهم زوجي عصب وهم شكو انه فيه شي شالحل بنات ؟
اهتمي بنفسك ودراستك وقومي بواجبك تجاه زوجك
وفي اجازة اخر الاسبوع روحي عندهم فترة قصيرة وحاولي تكون علاقتك رسمية معهم…
وكذلك اهلك روحي لهم يوم بالاسبوع….
واكثري من الاستغفار والدعاءوقراءة القرانوحافظي على الصلاة والاذكاروربنا يصلح ما بينكم يارب
|
المشاركة الأصلية كتبت بواسطة نوررالعيوون
 اهتمي بنفسك ودراستك وقومي بواجبك تجاه زوجك
وفي اجازة اخر الاسبوع روحي عندهم فترة قصيرة وحاولي تكون علاقتك رسمية معهم… وكذلك اهلك روحي لهم يوم بالاسبوع…. واكثري من الاستغفار والدعاءوقراءة القرانوحافظي على الصلاة والاذكاروربنا يصلح ما بينكم يارب |
سبحان الله
في ناس ان تغليتي عليهم بشيلونك على رؤوسهم
وأن عاملتيهم بالطيب بتعاني عليهم وبتكوني رخيصة عندهم
احتسبي ذالك عند الله
الله يعينك
جميل انهم لا يخترقوا خصوصياتك بتطفلهم عليك في شقتك
قللي من تعاملك معهم
اشغلي نفسك بمليون شئ مهم ومفيد
لكن الاهم لا بد ان يفهم جوزك ابعاد حركاتهم بهدوء وليس في شكل شكاوى وبكاء
تماسكي وفهمي جوزك كل شئ بمنتهى الهدوء ليكون لك سند حين اللزوم دون حدوث مشاكل كبيره او حتى صغيره
ودعواتك لهم بالهدايه
خلكي رسمية في علاقتك معهم بترتاحي
وربي يفرج همك ويعينك
|
المشاركة الأصلية كتبت بواسطة نوررالعيوون
اهتمي بنفسك ودراستك وقومي بواجبك تجاه زوجك
وفي اجازة اخر الاسبوع روحي عندهم فترة قصيرة وحاولي تكون علاقتك رسمية معهم… وكذلك اهلك روحي لهم يوم بالاسبوع…. واكثري من الاستغفار والدعاءوقراءة القرانوحافظي على الصلاة والاذكاروربنا يصلح ما بينكم يارب |
ماقول الا الله يعينك واغلب الزوجات يعانون من مشكلتك . الحمولة وخصوصا اخوات الزوج او الخالة اذا كرهوا زوجة الابن , يحطون عليها ميكرسكوب واي غلطة بسيطة سوو منها مشكلة . أي حركة محسوبة عليها . والمشكلة ماتقدرين تعزلين نفسك عنهم . ومضطرة تجاملينهم واتغاضين عن افعالهم وتدورين رضاهم . لان أي مشكلة تصير حتى لو الغلط عليهم ,تكونين انتي الغلطانة في النهاية
نصيحتي خلي علاقتك رسمية معاهم افرضي احترامك . قللي من كلامك
اذا في مناسبة قومي بالواجب , بين فترة وفترة نزلي حلو وقهوة
لاتعمقين معاهم بالسوالف خلي سوالفك عامة. خليك جدا رسمية.استخدمي أسلوب الطناش . بمعني مهما حشوا فيك . كانك ماسمعتي . لاتضغطين على نفسك . خل يحشون ويغتابونك . لاتاثرين ولاتفكرين فيهم . لاتوقف دنايك عليهم خليهم اخر همك واهتمي بسعادتك وحياتك .مو تفكرين وتقولين هذي قالت وهذي سوت وهذي حشت وهذي ماتبيني . سوي الواجب اللي عليك وخليهم على هامش حياتك . موضروري يحبونك بس ضروري تفرضين احترامك بثقلك واتكانتك وعدم الاهتمام بردة فعلهم اذا قعدتي معاهم . خلي اعصابك بااااردةقولي لنفسك ( احرق اعصابي عشان هذيله ؟؟؟ هذيله اخر همي وابتسمي من الداخل مو ضروري اعجبهم اسوي الواجب اللي علي وبس